🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 20 _____:
قلبها رعش بالخوف من الفكرة وعينيها فعينيه دمعو رغم أنهامحاولة تقوي راسها.. عارفاه كيتغدى على ضعفها وكيزيد يطغى عليها كلما صغارت قدامو..
مريم : راه قلت لك مانقدرش فهمني كيف ما فاهماك تا انا
زفر النفس بالجهد ومد يديه شادها من دقنها بقوة كيبرد فيها غضبو ونطق بنبرة خافتة ضاغط على سنانو بحدة
يوسف: غاتصوني على الوليد تقولي ليه بغيت نطلق والباقي عليا أنم فهمتيهاا؟!
تكمشو ملامحها بألم و حركات راسها بالايجاب بسرعة ماقاداش تنطق بقوة الألم..
شاف فيها مخنزر ونفضها من يديه لي بدات تاترعد.. و لون عينيه حمار بعد عليها وهي متبعاه بنص عين وضارت حطات روز جنبها و جبدات تيليفونها مدوزة الخط لمصطفى..
∆فمكان آخر...
داخل فيلا فخمة كتصرخ بالثراء.. داخل أحد الغرف لي مسموع فيهم صوت الموسيقى الخليجية وريحة العود مخلطة بدخان الشيشة جالس فجليسة رومانسية مقادة على الارض.. متكي بضخامة جسدو لي ماكتبينش عمرو ابدا.. قدامو بنت فالعشرينات من عمرها بملامح كحلية وبشرة قمحية..بشوميز قصير كاشف أغلب أنحاء جسمها كتلوى قدامو بإتقان على انغام الموسيقى وشعرها الأسود كيتحرك موراها ضارب فخصرها المنحوت..
قاطع تأملو ليها صوت تليفونو وبإشارة منو طفات الموسيقى وقربات مخشية فيه كتشوف بالرقم لي فالشاشة.. دوز الخط وحط التليفون على ودنو مامسوقش ليها
مصطفى: الو بنتي مريم لاباس عليك
فور سماع كلمة بنتي نزلو دموعها وكأنها كانت كتسنى غير سماعها.. صدى صوت باباها وهو كينادي عليها تهيئ ليها فديك اللحظة نساها فكلشي حتى نغزها يوسف عاد تواعات..
عضات على شفايفها كتحبس رجفتهم ونطقات بصوت خافت بخجل خاصة وأنها كتحتارم مصطفى وحاطاه فمقام الأب ديالها
مريم: الحمدلله اعمي كلشي بيخير ونتا كيداير مع الصحيحة ؟
عقد حواجبو فور ماسمع صوتها وبان القلق فتقاسيم وجهو الحادة
مصطفى: الحمد لله ا مريم مالك ابنتي ياك ماكاين باس؟
سرطات الريق بصعوبة كتشوف فيوسف لي واقف عند راسها ونضراتو النارية مصوبين ناحيتها كيتسنى منها غير الغلط باش يفدي فيها القديم والجديد..
حنحنات باحراج ورجعات نزلات راسها كتهرب من نضراتو
مريم(بارتباك): اا هو فالحقيقة صونيت غير نقولك شي حاجة ووو احم ماعرفتش كيفاش نقولها ليك اعمي
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
