🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 80 _____:
تنهدات مريم مسايراها وطبطبات على كتفها كتحاول تبسم فوق خاطرها
مريم: فخبارو اماما فخباارو (تحنات باستها فحنكها) نخليك دابا بسلامة عليك
تبعاتها السعدية لباب نازلة معاها كتوصي..
السعدية: اوا عودي تجري راجلك وتخرجي معاه فعوص ماضيعي وقتك مع الصحابات راه مايليقوش وبقاي تجيبيلي الحبيبة نشدها ليك طالعة لباها مهدنة أما نتي كنتي حاارة فصغرك يا بنيتي (مريم علات حواجبها كتنهد توصلو الباب التحتية والسعدية كطلل براسها تعرف معامن) ياله سيري ابنتي ونيشان لدار دابا مابقا خروج فهاد الوقت وسلمي على ولدي يوسف
تبسمات ليها مريم كرد وزادت لطموبيل ركبات هي وروز لور كتشير لوفاء باش تحرك وهي تكات شادة على راسها حسات بالسخفة من الهضرة مع السعدية.. كتفشلها وكتخليها تبغي تاكل جنابها بالفقصة وماعارفاش شنو دير
وفاء ديمارات قاصدة الخرجة دالمدينة عن قصد مخلياها هي على خاطرها لور تهضم شنو وقع لداخل، فاهمة من شنو عاودات ليها باختصار أن مها بتفكير ذكوري فماعندها حتى حل من غير أنها تسايرها واخا بمسايرتها غاضرر ولكن بالاول والاخير القرار قرارها وهي لي غاتعرف مصلحتها فين!؟
ماوعات مريم حتى تحلات البوابة قدامهم غاديين فطريق بجنابها جريدة صغيرة وقدامهم فيلا متوسطة الحجم ولكن تصميمها كان فااخر وراقي، كانت نفس الفيلا لي كانو فيها وفاء ويوسف اخر مرة..
مريم عقدات حواجبها بإستغراب كضور عينيها فالمكان تانطقات وفاء
وفاء: مارفضتيش وماوافقتيش وأنا تصرفت من عندي نتي ضايفتيني الصباح وأنا غانضايفك بليل (حلات الباب كتشوف فيها من المرايا الأمامية كيفاش مصدومة) نزلي نزلي غايعجبك الحال ماغاتبغيش كاع ترجعي لمدينة البحر هنا نقي وخاوي غدا الصباح نزلو ليه وليلة ندوزوها فالتيراس لتحت نكملو هضرتنا
تنهدات مريم بلاما ترد عليها ونزلات هازة بنتها فيديها كتحرك راسها بلاحولة.. ضارت حلات الكوفر وهي تحبسها وفاء
وفاء : غير زيدي طلعي كاين العساس انا نعيط ليه يطلعهم ليك
داخلين لدار وصلاتها لبيت جنب بيتها خاص بالضيوف وزادت كتأكد من الدوش بلي فيه كاع شنو غاتحتاج ورجعات عندها مبتاسمة
وفاء: الدوش هو هداك دخلي بدلي عليك ترتاحي بينما طلعو حوايجك انا غانزل نطيب لعشا تشهيت ناكل بيتزاا من يدي وجات من نصيبك تاكلي معايا وكووني احسسسن بيتزا غاتاكلي فحياتك
مريم (كضحك): نحاول نكمل دغيا ونزل نعاونك قبل ماتقنبلينا هاد ليلة
ميقات فيها وفاء وزادت خرجات تاهي تبدل عليها مخلية مريم تاخد راحتها عاطياها مساحتها الخاصة..
أنت تقرأ
🧡🍂 الــميــثـاق الـجـديـد 🍂🧡
Aksi🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
