🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 48 _____:
وقف كيخربق فشعرو مبتاسم بالجنب وقرب منها بهدوء وهي غير حاضية معاه لاتنزل عليها شي دقة من حيث لا تدري..
يوسف: سيري بدلي عليك راه جبت ليك شي حاجة تما فوق الطبلة وياله نزلو نتعشاو لتحت
عقدات حواجبها بإستغراب ماباغاش تفهم ليها هاد النسخة الضريفة لي قدامها.. ومامتيقاش خااصة أنه هو أصلا ضريف معاها ولا باغي منها شي حاجة
حركات كتافها بعناد وقلبات وجها كتغزز فشفايفها بفرط الارتباك
مريم: لااء.. مابغيتش نبقى معاك ديني عند بنتي
تنهد بخفوت وميل راسو كيطل عليها وشبح ابتسامة مزينة طرف فمو
يوسف: واخا نديك..! بشرط نتعشاو ونديك عندها
ضورات راسها راسها عندو بسرعة! وبحكم أنه منزل راسو عندها جا وجهو قدامها وشهقات راجعة لور تاكان غايتضرب راسها مع الكرسي كونما يدو لي حكمات راسها من لور
و غير حسات بيدو غمضات عينيها بعصبية على هاد التوثر لي كيجيها حداه ويتلفها إضافة لأن ريحتو ضايرة بيها من كل الجوانب ومامخلياش ليها الفرصة فين تنفس شي حاجة من غيرها.. ويوسف غير شافها هاكاك مابغاش يحكر عليها وبعد عليها مبتاسم بالجنب
يوسف: أنا غانكمي هنا تاتكملي و نخرجو
بلاما يتسنى جوابها ضار عاطيها بالظهر كيجبد فكارو آخر يقدر يبخر مع دخانو كاع الهضرة لي سمع منها وسمماتو بالضوبل على كل مرة كان كيسممها فيها...
مريم بقات على حالها لمدة ثوااني طواال كتسمع فتحركاتو وهو كيبعد حتى مابقاتش سامعة شي حاجة من طرفو.. و حلات عين وحدة كتقلب عليه غير شافتو فالقنت كيكمي عاوتاني و ناضت بسرعة خرجات كتزرب فخطواتها سدات عليه لباب دالبالكون وضارت كتشوف فالساشيات لي محطوطين فوق الطبيلة.. تمشات بسرعة كتحلها باش تكتاشف شنو فيها وحاضية معاه لايحل عليها الباب..
هزات داكشي لي جاب ليها ودخلات لدوش.. سدات عليها بالساروت وضارت كتقلب فيه وابتسامة صغيرة مستهزئة على شفايفها.. حيدات بيجامتها وبدلاتها بسروال جينز باج جا مزير على طايتها من الفوق وموضح منحنياتها وزادت معاه قبية واسعة مغطية كرشها وجايا مع بشرتها فالزيتي مزينة برسمة شادة ليها الظهر كلو.. كملات ووقفات قدام المراية كتقاد فشعرها بغير نفس معدبها بطولو..
كملات وضارت باش تخرج حتى كتبان لي باقا بواط تما مع الساشيات .. حلاتها وهي تبان ليها سبادري بيضة مطبوعة فيها أديداس بلون القبية.. لبساتها وجمعات حوايجها فدوك ليساشي عاد خرجات مثقلة بيهم
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
