🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 15 _____:
وقفات السعدية فباب الصالة بعدما كانت خارجة توجد الفطور وزادت غادة عندها كتويل وتضرب فجنابها وأشارت ليها باش ترجع بينما مريم غير كتشوف فيها ببرود مامسوقاش حتى نتابه ليهم يوسف و هز عينيه فمريم كيطلعها و نزلها بنظرات مشمئزة و نطق بنبرة واضح عليه اشمئزازو من الإنسانة لي تفرض عليه يشارك معاها حياتو
يوسف: على قلة الشراوط مالقيتي غير هاد الخنشة هادي تلبسيها؟
عضات على شفايفها منزلة عينيها الارض وجاوبات بنبرة خافتة
مريم: حوايجي بقاو فالدار لهيه
وقف كيزفر النفس بالجهد و حرك راسو بالايجاب
يوسف: واخا سبقيني
حنحنات السعدية بارتباك وقربات منو كتطبطب على دراعو
السعدية: سااعف اوليدي غير ساعف راه عقلها على قد الحال
هزات عينيها فالسعدية بنضرة منكسرة وضارت خارجة سابقاه كتمسح فعينيها من الدموع لي رافضة تزيد تنزلهم وتستسلم لواقعها..
يوسف سلم على السعدية لي خرجات معاه تالباب كتوصيه حتى فاتها وزاد نازل فالدروج بعدما لقا السانسور عمر نازل بخطواتو المتعجرفة وصل الباب لقاها ركبات لور حاضنة بنتها فصدرها وزاد هو ركب فمكان السائق وكسيرا سايق بسرعة متوسطة باتجاه دارهم ماكيشوفش ناحيتها هي لي طول الطريق عينيها كتعيا صورهم وتلقاهم هربو ناحيتو حتى بان ليها وقف قدام الدار ونطقات بسميتو قبل ماينزل سابقها..
هز فيها عينيه كيشوف فيها من المرايا وهي تنهدات بالجهد كترتب كلماتها باش ماتلفش قدامو
مريم: علاش رجعتيني دابا؟ شنو باغي مني
تقاد فالجلسة كيحك حاجبو مبتاسم باستهزاء ونطق بنبرة جافة
يوسف: حيت يمكن خاص نهضرو!
رمشات فيه بعدم فهم وقربات منو موسعة عينيها بصدمة
مريم: وفاش بالسلامة؟! ياكما بصح ناوي ترحعني؟
ضحك ضحكة دخزيت كيضور راسو بلاخولة و حل لباب باش ينزل
يوسف: ماغانعاودش هضرني جوج مرات فالدار عاد كتكون الهضرة لاكتفهمي
تشققات ابتسامة بلهاء على شفايفها فاش شافتو ضحك ضنا منها انه بصح تنادم معاه الحال ... ونزلات بعدما نزل كتزرب تابعاه وكتغزز فشفايفها، عينيها لامعين بالفرحة واخا محاولة تخفيها باش تعاتبو وماضيعش فرصة بحال هادي فرمي الاهانة عليه بحال كيف مولف يدير ليها
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
