🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 67 _____:
يوسف(بنبرة خافتة وبهدوء): بصح من حقك تخافي على بنتك ولكن امريم باش تخافي عليها من باها...
سكت كيرمش قدامو مدة حيت نطق بدون مايفكر.. عاد شاف فيها وهي مميلة راسها كتشوف فيه ورجع نزل راسو كيلعب مع روز
يوسف: صافي نساي من بعد ونهضرو
بلعات الريق وتقادات على ضهرها كتشوف فيه مدة طوييلة كتفكر فكلامو لي ماكملش عاد نطقات
مريم: يمكن مايكونش من بعد ومانهضروشداكشي علاش غانهضر و ماتحتاجش تجاوبني..
تنهدات كتشوف فيه كيفاش حبس الحركة واضح بلي متبع معاها ولكن ماعندوش الوجه باش يواجهها وهي كتشكي ليه على الاوجاع لي عاناتهم معاه
مريم: بصح واقيلا بالغت فاش غوت عليك ولكن هادشي كان خاصك تكون متوقعو من وحدة عمرها شافت بات بنتها تقرب من البنت! و حتى لليلة لخرة ليهم فدار وحدة عاد قلبو حن وبغا يتقرب من البنت وامها! انا ماشي مكلخة ولا عورة ولكن انا استوعبت بلي لي بيناتنا عمرو يتصلح مادامك كتشوفني سلعة وتعطات ليك ماشي غاية وجريتي عليها... انا بصح سمعتك وشفتك كيفاش تصرفتي معاها قبل ما تخرج ولكن ماتسناش مني نتيق فيك ونأمنك عليها بعد كاع شنو طرا بيناتنا.. وماتقولش ليا مانخافش على بنتي من باها لي عمرو تفكرها بشي حاجة ولا حتى استحمل صوت بكاها وهي مريضة وما خافش عليها وهي ياله فعمرها سيمانة كتبكي وتقطع بليل ماتسوقش لمها وهي كتوجع باش تولدها وبلا ما يتردد قطع عليها التليفون باش يمشي يقصر مع صحابو ويرتاح!!
صاطت النفس بالجهد وناضت من حداه كتنفس بعمق حاسة براسها مخنوقة من هاد الجو وباغا غير امتى يوصل اليوم التالي وتهرب منو.. قبل ماتخطي خطوة هاربة من البيت تمدات يدو شاداها ووقفها
يوسف: انا عارف بلي التحت قلتي مسامحاك فوق قلبك ولكن انا متأكد نهار غادي تحرري مني غادي تسامحني بصح لي عطيتك فرصة فين تقلبي على راسك بلا مات تكوني مقيدة بشي واحد بحالي ساجنك
نزلات عينيها عندو كتشوف فيه بيهم دامعين واخا رافظة طيح منهم دمعة
مريم: كتبت مطلوب مني نقول ليك شكرا !!
طبطب على يديها كيحرك راسو بالسلب وطلق منها كيتنهد
يوسف: ماشي دابا ولكن غايجي الوقت فين غاتقوليها بينك وبين راسك.. ومتأكد ماشي حيت نتي لي فيك الغلط ولكن حيت باك ختار الرجل الغلط! رجل فاقد الرغبة فالحياة!
تنهدات بندم فاش سمعات جملتو الأخيرة لي فالاصل هي لي قالتها ليه وزربات فخطواتها
مريم: غانمشي نجيب الما لا بغيتي طفي الضو غير طفيه روز دابا تنعس
ماردش عليها وهي بدورها خرجات جابت القرعة ورجعات لقاتو باقي فايق مع روز جلسات من الجهة التانية تاهي كتلعب معاها حتى نعسات وخلاتهم راجعين للصمت لي حكمو على راسهم بيه طالما هضرتهم كتكسر فالثاني كثر ما كتداوي فيه..
أنت تقرأ
🧡🍂 الــميــثـاق الـجـديـد 🍂🧡
Action🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
