🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 34 _____:
تسمعات ضحكة مستهزئة من طرفها وتهزو معاها عينيه بنضرة حادة عاقد حواجبو.. قلبات عينيها لقدامها محافظة على ابتسامة ساخرة على شفايفها.. وحجبانها معقودين رافعاهم لفوق كتفكر وتهضر كيف عادتها وازنة كل كلمة كتخرج من فمها
وفاء: ماكنضنش واش جايبني من المكتب والخدمة لفوق راسي باش سيادتك تجلس تفرج فالغروب!! (ضورات عينيها عندو بنضرة واثقة) درتي شي حاجة ولا وقعات شي حاجة فكراتك فيا غير نطق بدا والهضرة غاتخرج ليك بوحدها ايوسف
وقف دافع الكرسي حتى تقلب حداها وهي قلبات عينيها مبردة عالأخر عارفة تقلباتو المزاجية وحافضاهم..
تكات بضهرها على الكرسي كترشف من عصيرها وعينيها قدامها بهدوء.. حتى تلفت عندها وعقد حواجبو مخنزر
يوسف: غانطللقها اوفاء
هزات حاجبها كترمش قدامها بثقالة ورجعات شافت فيه مبتاسمة
وفاء: همم عاوتاني دابزتو!!
عوج شفايفو كيحرك راسو بالسلب
يوسف: حنا أصلا ماعندناش علاش نتصالحو وهاد لمرة وصلت لخخر ديالي
حطات الكاس على الطبلة ووقفات كتنهد قربات منو وحطات يديها على دراعو كمحاولة منها باش تواسيه.. ميل راسو عندها وتنهد كيشوف فعينيها كاشف ضعفو قدامها
يوسف: خليتها غاتهضر مع الوليد ياغاتلقى حل لراسها ياغانهز البنت وتسطى تما ولا تشوف شنو دير انا صافي عييت..
وسعات عينيها بصدمة من شنو كتسمع وقربات منو كتر حتى تقابلات معاه مخنزرة بحدة
وفاء: كتسمع شنو كتخرج على فمك ايوسف ولالاا؟
طبطب على يديها وبعدها كيوسع فالكول دقبيتو مخنوق.. وفاء ربعات يديها مخنزرة وتكات على الطبلة كتشوف فيه بغير رضى على شنو سمعات
وفاء: ماباغاكش تسرع ايوسف حيت بصح غاتندم من بعد وأنا عارفة
حرك راسو بالسلب كيضحك بثقالة وخشا يدو فجيبو كيقلب على الباكية دالكارو.. ووفاء ضارت كتشوف فالباكية لي بقات على الطبلة وهزاتها كتلعب بيها فين صباعها ونطقات بهدوء بلاما تهز عينيها فيه
وفاء: كتقلب على هادي؟
ميل بؤبؤي عينيه ناحيتها ومد يديه كيتنهد فاشل باش يتكلم ومفضل العزلة بأفكارو.. هزات حاجبها كتشوف فنظراتو لي عاكسين كمية غضبو الكبير وبلي كيفصلو شوية على الجنون.. زفرات النفس بملل وحلات البواط مخلياه يظن بلي غاتمد ليه واحد بينما هي ضارت كتخوي الكارويات فالكاس دالما بكل برود.. يوسف عينيه توسعو بصدمة خاصة وأنه كيشوف فيها كيفاش مبردة وهو هكاك بديك الحالة قريب يفور عليها بالفقصة..
أنت تقرأ
🧡🍂 الــميــثـاق الـجـديـد 🍂🧡
Aksi🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
