🧡🍂 الــميــثـاق الـجـديـد 🍂🧡

بارت 12

🌸الميثاق_الجديد 🌸
        🍂  حـب بـعـد الانـفـصـال🍂
         🪔•وَ مِنْ رَمَٰادِ اُٰلْمَاضِي.....
                إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔

       ____part 12 _____:

زير على يديه محاول يضبط أعصابو ويكالمي فراسو باش مايغلطش فيه.. خاصة وأن لي قدامو باه.. ولو كان شخص آخر كان غاينسى شكون هو..

يوسف  : رزقك!! ياك.. دابا ولينا فالحساب هادي ديالي وهادي لا؟!..  واخا نتحاسبو (بجدية) دابا بغيتيني نخرج حط ليا رزقي لي من نهار حليت عيني وانا خدام معااك فيه و عمري  تحاسبت ونزييدك هاد دار هادي هي لي ماتحلموش نخرج منها  والا على قلة الترابي انا اه قليل ترابي (نبرة صوتو بدات كتضارب بقوة الغضب وعينيه تلونو بلحمر وبانت فيهم لمعة غريبة) حيت مالقيتش لي يربيني وأنا ربيت راسي  و كبرت راسي ماتجيش تتحاسب معايا دابا  وعلى الطلااق انا مطلق سوا بغيتي وسوا كرهتي

  حرك راسو بهدوء وقف كيقاد الفيست على كتافو وضار كيشوف فيه مبتاسم بسخرية

مصطفى: الرزق رزقي خدمتي ولا جلستي سوقك هداك وعمرك تعاود تحلم بيه لا فحياتي ولا فموتي اذا بقيتي مصمم على الطلاق من ديك اليتيمة لي قاهرها وإذا ضنيتي بلي غاتزيد تحكرها حيت ماكاين تاحد فضهرها رااك غاالط

زير على يديه بغضب و وقف مقرب من مصطفى كيشوف فيه بنضرات كيتطااير منهم الشر

يوسف: رزقك؟ خدمتك ؟ دارك ياك؟! (ضرب على صدرو بقوة ) و انا لي خدمت باش هاد الرزق ولا رزقك (عاود ضرب على صدرو بقوة اكتر) انا لي سهرت على ديك الخدمة و شديت داك لبيرو موراك منين لي سميتها خدمتك سمحتي فيها (بحدة) و هااد الدار دااري و ماغانخليها لا ليك ولا لديك المسخة لي ملصق فيا

حافظ على ابتسامتو المستفزة وحرك راسو بهدوء

مصطفى: انا كنعرفك كمحامي متمكن وقاري القانون هاد الدار حسب وراق الملكية بسميتي يعني بالقانون والشرع الرزق رزقي ومابقيتش باغي نشوفك فيه

ضار عاطيه بالضهر كتنفس بعمق وضرب يديه بقوة مع الحيط مخلف اتار قبضتو فيه ورجع كيشوف فيه محاول يبرد معاه

يوسف:  بلا حماق ألوالييد الله يرحم باك.. (بانكسار) واش غاتجري على ولدك بسبب وحدة ماكاتجيك والو!؟

تنهد بالجهد كيشوف فقطرات الدم لي كيقطرو من يديه ورجع هز عينيه فيه مباشرة

مصطفى: رجع ديك بنت الناس ولو ماشي على ودها على ود البنت لي جامعاكم وإلا هضرتي غاتطبق وماشي غير تفليا

زفر التفس بالجهد و عطاه بالظهر وضار باش يخرج من الصالون حتى وقفو شادو من دراعو مزير عليه

يوسف (ببرود مصطنع): طلق الوليد خليني نق..(عض على لسانو حابس هضرتو ورجع كمل) خليني نمشي ماحدني مهدن

مصطفى: غدا إذا مارجعتيهاش بدا تجمع فحوايجك خير مايجي يخرجك المخزن لا ريال لا جوج

نتر يدو منو وزاد بخطوات سريعة للبيت مخليه موراه.. ودخل للبيتو خاابط لباب موراه بقوة.. جلس فطرف الناموسية شاد راسو بين يديه كيفيبري برجليه بسرعة و دماغو كيفكر فمصائب مريم لي كل مرة مطيحاهم علييه وهو حاصل فيهم ..