🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 44 _____:
رخف الصدافي دالبيل على صدرو كيزفر النفس بالجهد
يوسف: حتى أنا مضغوط وكتر منك مضغوط من جهتك ومن المسؤولية لي تحملتها بسبابك وأنا ماباغيهاش ومن الأب لي عاد فاق ضميرو الأسري ومن كلشي ومع دلك باقي واقف وكنقلب على حل (ضور عينيه عندها حااقد) حيت كون تسنيتك ماغاديري والو وأنا باش نكون صرييح معاك تخخنقت من هاد العيييشة تغمييت فييها
نزلات عينيها كضحك بالحس مفقوصة...
مريم: حتى هاد الغمة كتجيك غير معامن بغيتي
ضور راسو لجنب كينحن بارتباك ونطق بهدوء مصطنع
يوسف: الا كتقصدي وفاء راك غال..
قاطعاتو بضحكتها العالية وحطات يديها على فمها وهي كتحاول تحبسها
مريم(باستهزاء): هه.. غير كمل كمل مال وفاء؟ ديك البنت لي كانت معاك !! ضرييفة مسكينة
سكت لثواني كيرمش فيها محاول يفهم حالتها وتقلباتها
يوسف(بإستغراب): واش غرتي منها؟؟
خنزرات فيه بحدة وقلبات وجها كتعض فجناب شفتها حتى حمراتها وهو غير حاضيها بنفس ملامح الإستغراب كيتسنى جوابها بفارغ الصبر
مريم(بنرفزة محاولة تخليها مكتومة واخا واضحة على ملامحها): داكشي لي بقا ليا غير وحدة بحالها نغير منها.. الا على الطولة الزرافة وطويلة إلا بالشعر القردة ومزغبة وإلا بعينين والزين أنا حسساان منها غير ماجاتنيش فالكانة والراس الخاوي باش نوريك شكون حسسن
ميل راسو معاها هاز حجبانو بجوج.. طلعاتلو المورال بهاد الفاص الطفولي منها.. تقاد فالجلسة وتبسم بطرف شفاهو حاضيها وهي غير شافتو ضحك زادت غوبشاات فيه
مريم: علاش كضحك!! شنو زعما كتبان ليك هي حسن؟
هز يديه كيحرك راسو بالسلب ضاحك..
يوسف: ماقلت والو أنا نتي لي قلتي دابا
شيرات عليه بمخدة صغيرة كانت حداها وقلبات وجها عاوتاني مربعة يديها.. وهو شد عندو المخدة كيتنهد وقرب منها راسم ملامح الجدية..
يوسف: وفاء راه هي مامسالياش كيفما كضني (زادت ضورات وجها واخا واضح بلي مركزة مع هضرتو) هي خدامة... محامية بحالي وشعبها لفوق راسها (شافها غوبشاات وكمل كيوضح ليها) كنعرفها من الصغر وحنا صحاب.. بحال ختي الصغيرة واخا مابيناتناش بزاف فالعمر ونزيدك هي واخا وقتها مزير حيت مركزة على خدمتها الا أن مظهرها ديما كتكون حريصة على أنه يكون نقي ومقاد (تنهد) انا ماغانوريكش وماغانعرفش حسن منك نتي لي مرا فهادشي ولكن ماشي من الطبيعي تغيري منها ونتي ماكتحاوليش حتى شوية باش تقادي حالتك باش يبان الفرق واخا انا عمري بخلت عليك بشي حاجة
أنت تقرأ
🧡🍂 الــميــثـاق الـجـديـد 🍂🧡
Ação🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
