🌸الميثاق_الجديد 🌸
🍂 حـب بـعـد الانـفـصـال🍂
🪔•وَ مِنْ رَمَٰادِ اُٰلْمَاضِي.....
إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔
____part 39 _____:
«ـبعد نصف ساعــة»
واقفين بجوج مقابلين مع بعضياتهم.. وحدة عينيها على تليفونها ولكن تركيزها كلو مع نضرات الثانية لي مصوبين ناحيتها وعلى شفايفها ابتسامة مستهزئة بالوضع لي حطات راسها فيه بالزربة لي فيها! عارفة كيفاش غاتكون كتفكر وماعندهاش ذنب فتفكيرها إذا كانت هي مشكاكة!! هاكا فكرات وفاء كشخصية كتخدم المنطق والعقل على العاطفة.. ماتسوقاتش وبقات محافضة على هدوئها لي كيبان لمريم غريب.. هندامها الكلاسيكي عاطيها هبة وشخصية.. الشي لي خلاها بدون ماتحس تبدا تشوف فحوايجها وتقارن طريقة لبسها هي مع ديال وفاء.. عقدات حواجبها بعصبية كتصوط ورجعات شافت فيها مخنزرة بطفولية ماراضياش تبان حداها خايبة.. عضات على شفايفها وبعدات عليها كتقاد فشعرها على ضهرها مسرحاع واخا كان مسرح غير شي زغيبات منو تشنتفو خشاتهم مور ودنيها وبدات تقاد فحوايجها حتى سمعات الصوت من موراها وضارت كتبان ليها واقفة حداه بعد ما خرج من مكتب الدكتور المكلف بحالة مصطفى..
كيهضرو منساجمين وكيبان التفاهم بيناتهم.. هو واخا مقصح من جهة باه هي كتواسيه بابتسامة خفيفة منها ويديها على دراعو .. الفوار حساتو طالع من ودنيها والغضب كيسيطر عليها.. خدودها لي كانو موردين حماارو بالعصبية ويديها مزيرة عليهم.. يوسف هز عينيه كيقلب عليها وغير بانت ليه واقفة بوحدها وبعيد عليها بشوية وقريب منها جوج ممرضين رجال كيتمشاو فالاتجاه المعاكس وعينيهم عليها.. عقد حواجبو عاض على شفتو السفلية بنرفزة وسرع خطواتو كيطلعها ويهبطها مخنزر.. خلا وفاء وراه وقرب من مريم كيحيد التجاكيط ديالو وعلقها على كتافها بالنترة ..
كأي رجل شرقي كيغير على أنثاه ولو مايكون كيكن ليها والو .. المجمع والتربية لي تربى علماتو على أنه يكون رااجل وماشي ديو.ثي لي يشوف شي حد كيتبسل على مرتو ويبقى واقف كيتفرج وياله غايضور لدوك الجوج شداتو مريم فيديه واخدة انتباهو من جديد..
مريم(بقلق): شنو قالك الطبيب ؟ كيف بقا عمي.. نقدرو نشوفوه دابا؟
زفر النفس من نيفو وغمض عينيه كيحرك راسو يمين وشمال عاد حل فيها عينيه محاول يتهدن ولكن نضراتها الهاديين ولمعتهم البريئة ساهمو فدوبانو نفض راسو من هاد الافكار لي دوخوه ورجع شاف فيها بهدوء متدارك الوضع
يوسف: هو بيخير ولكن ماغاتشوفيهش دابا غانوصلك لدار عند ماماك تاخدي روز وتمشي لدار من بعد ونهضرو فشنو وقع معاكم
أنت تقرأ
🧡🍂 الــميــثـاق الـجـديـد 🍂🧡
حركة (أكشن)🍂 #الــميــثـاق_الـجـديـد 🍂 🖇️ #حب_بعد_الإنفصال 🖇️ •وَ مِنْ رَمَٰادِ اُٰلْمَاضِي..... إٰشْتَٰعَلَ لَهِٖيٰبُ اَلْحُبِ اُلْمَنْفِي• بقلم✍️: 🦋 shahd bs and Riham dy and Mim ouna🦋 ✨🌼كما الورد الذي انفصل عن ساقه.. فُقدت ورحلت...
