🧡🍂 الــميــثـاق الـجـديـد 🍂🧡

بارت 27

🌸الميثاق_الجديد 🌸
        🍂  حـب بـعـد الانـفـصـال🍂
         🪔•وَ مِنْ رَمَٰادِ اُٰلْمَاضِي.....
                إٰشْتَٰعَلَ لَهِٖيٰبُ اُلْحُبِ اُلْمَنْفِي•🪔

       ____part 27_____:

حكمات رجفتها وشجعات نفسها تبسمات بانكسار ونطقات بهدوء ملخصة كلشي بدون ماتفضح راسها أو تزيد طول فالكدوب

    مريم: ما طرا والو اعمي حيت من الأول كان هادشي غلط فغلط وهادشي كلنا كنا عارفينو ومع ذلك كملنا فهادشي من الأول كنت انا ويوسف ماباغينش هاد الزواج كجوج دالناس ماكيعرفو على بعضياتهم والو من غير أنهم ولاد لجوج صحاب وحتى فاش ولينا كنعرفو بعضياتنا كجوج مزوجين عرفنا بلي لا انا لا هو كنتشاركو فشي حاجة وكل ماكنزيدو نطولو كنزيدو نعقدو الامور على راسنا

تنهد بالجهد كشخص دقيق الملاحظة بسبب مهنتو قدر يميز الغصة باش كتهضر مبينة القهرة لي فقلبها.. تفهم كتمانها لمشاكلهم ونطق بتساؤل آخر مستامر فإنزاف جرحها

مصطفى: يعني الهضرة لي قالت ماماك البارح مامنها والو يوسف ماجراش عليك

تنهدات بخفوت ماباغاش تخصر صورتو قدام باه.. كعادتها وعادة قلبها الطيب وتربيتها.. حركات راسها بالسلب ونطقات بهدوء كاشفة الحقيقة من ناحية أخرى
مريم: ماما ماباغانيش نطلق اصلا وهذا موضوع آخر داكشي علاش خاص يوسف لي يرفع عليا دعوة الطلاق وتلقى راسها ماعندها تاحل من غير توافق (مالو شفايفها بابتسامة موضحة كمية حزنها وخدلانها من أقرب الناس ليها) واخا خاصني معاها بزاف دالصبر باش تفهم بلي انا ويوسف ماشي دبعض ولكن غانحاول نصبر

حط الكاس قدامو كيحنحن وعينيه ماحيدوش من عليها مراقب ارتباكها
مصطفى: الحاج كان عارف هادشي غايطرا وهادشي علاش من الأول قرر يخليك تحت عيني وكأنسب حل باش ولدي يدير دار ونشوف ولادو قتارحت عليه الفكرة منها نضربو عصفورين بحجر واحد كانت هضرة بالضحك فالاول حتى لقيتها وصية وماعندي حتى حل من غير نقبلها من صديق عمري لي كان كيوقف معايا كل مرة كنحتاجو فيها(خدا تنهيدة طويلة كيرتب بيها كلماتو) ولكن مالاحضناش بلي هادشي غايمشي بيناتكم هاكا وهدا هو المشكل

تبسمات من سيرة سندها الوحيد فهاد الحياة ولي لقات راسها فبعدو ضعيفة.. كان كيفكر بلي داير ليها سند من غيرو.. وصدق مدخلها لحفرة خسرات فيها بزاف.. ولكن ربحات عوض على شكل ملاك..
ملامح الأسى تمزجو بابتسامة مريرة على شفايفها وهزات فيه عينيها بتساؤل
مريم: شنو كان بابا عارف غايطرا؟