PART 12
စေ့စပ်ပွဲပြီးသည့်နောက် ဖွားဖွားက အရေးတကြီး ကိစ္စလုပ်စရာရှိသည်ဆို၍ သပိတ်သည် အပြင်မထွက်တော့ဘဲ အိမ်ထဲအောင်းနေမိသည်။
နေ့လယ် မွန်းတည့်ချိန်ရောက်တွင် ဖွားဖွားက KLoardရုံးချုပ်ကိုလာခဲ့ဟု ဖုန်းဆက်ခေါ်တော့ သူကားမောင်း၍ ထွက်သွားရပြန်သည်။
ငယ်စဉ်တုန်းကဆို မိဘနှစ်ဦးနဲ့မကြာခဏသွားလည်ခဲ့ဖူးပေမဲ့ အခုသွားရနေသောခံစားချက်က အစိမ်းသက်သက်ကြီးလိုပင်....
ဆယ့်ငါးထပ်တိုက်ရုံးချုပ်ကြီးကို ရောက်သောအခါ မြင်ဖူးတုန်းကထက် အပြင်အဆင်ကအတော်လေးသားနားနေ၏။ ဒီနေရာက တစ်ချိန်တုန်းက ဖေဖေမေမေနှင့်ဖိုးဖိုးတို့၏ လက်ရာပြည့်နှက်ခဲ့သည့်ရုံးချုပ်...
“ဒါက မြေးငယ်အတွက် ဖွားဖွားရဲ့စေ့စပ်ပွဲလက်ဆောင်... လက်ထပ်ပွဲကျရင် နောက်ထက်တစ်ဝက်ကို မြေးငယ်ကိုတစ်ထိုင်တည်းထပ်ပေးမှာတော်...”
ကုမ္ပဏီ၏ရှေ့နေဖြစ်ပုံရသော ဦးလေးကြီးတစ်ယောက် ဒါရိုက်တာဘုတ်အဖွဲ့ဝင်တစ်ဦးတို့ရှေ့တွင် ရှယ်ရာလွှဲပြောင်းခြင်းစာချုပ်ကို မြင်လိုက်ရသည်။
ခဏအကြာတွင် အမျိုးသမီးတစ်ဦးဝင်လာသည်။ အရပ်မြင့်လွန်း၍ခန္တာကိုယ်က ဟိတ်ဟန်နှင့် ထက်မြတ်မှုကြောင့် သွက်လက်မှုက အမျိုးသမီးငယ်တစ်ဦးတို့ထက် သာလွန်သည်။
ပြင်ဆင်ခြယ်သထားသော အပြင်အဆင်တို့က ယဉ်သည်ထက် ခေတ်ဆန်ပြီး အနေတည်တံ့သည့် အသွင်အပြင်နှင့်။ နိုင်ငံရပ်ခြားမှာအနေများလာခဲ့သူမို့ အမျိုးသမီးကုတ်နဲ့ စတိုင် pantsတို့နဲ့သာ အတွေ့များတတ်သည့်အမျိုးသမီး။ မြန်မာအမျိုးသမီးဟုပင် မသိရလောက်အောင် မြန်မာဆန်သည့်အငွေ့အသက်မရှိ။ ပါးပေါ်မှာ သနပ်ခါးပင် တင်ထားသည်ကိုသူတစ်ခါမှမမြင်ဖူးဘူး.....
လေးဆယ်လေးနှစ်သာ ရှိသောအမျိုးသမီးက မသိလျှင် 30လောက်သာရှိနေသည်ဟု ထင်အ နိုင်မည်။ အရွယ်ရောက်ပြီးသော 18နှစ်အရွယ်သားတစ်ယောက်ပင်ပိုင်ဆိုင်ထားသေးသည်။
“ငါ့တူ.... ဒီနေ့ မင်းရဲ့မင်္ဂလာရှိသောနေ့လေးဖြစ်ပါစေ.... ”
ဖိုင်နှစ်ခုကို လက်တစ်ဖက်တည်းနဲ့ကိုင်လာပြီး ဥက္ကဌရာထူး နေရာဖြစ်သောထိပ်ဆုံးမှာ ထိုင်ချလိုက်သည်။ ခြေချိန်ထိုင်လိုက်ပြီးမှကိုင်လက်စဖိုင်ကို ရှေ့နေကိုအရင်ပေးသည်။ ပြီးမှ သူ့ကိုရှယ်ရာလွှဲပေးမည့်စာချုပ်ထဲကအချက်အလက်တို့ကို သေသေချာချောဖတ်ကြည့်နေသည်။ တစ်နေရာအရောက်တွင် မျက်ခုံးတစ်ချက်ပင့်သွားပုံက သူ့ကိုစိတ်ရင်းနဲ့ပေးချင်စိတ်ဖြစ်နေပုံမဟုတ်သလို။ Beneficiary တဲ့...
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romantikကိုကိုနဲ့ ညီမလေး ဇာတ်လမ်း
