PART 36
သူငယ်ချင်းတွေစုံတုန်း တွေ့ဆုံကြမည်ဆို၍ ထုံးစံအတိုင်း ဦးဆောင်သူ အတည်က ကိုကိုနှင့်အထူးနေနေကြသည့်ဟိုတယ်ဆီသို့ အကုန်လုံးကို ခေါ်ချလာပါသည်။
Châteauမှ အထူးတို့တည်းသည့်အခန်း ရှေ့မှာ ဥယျာဉ်လို ဘေဘီပန်းခြံတစ်ခုရှိ၍ ထိုနေရာမှာ စုပြီး စကားများကြ မုန့်ထိုင်စားကြနှင့်....
“ အဲဒါပဲ ကြားသုံးကြားမဝင်ကောင်းဘူး ဆိုပြီး ရှေးလူကြီးတွေ ပြောခဲ့တာ"
“ငါတို့ ဘယ်နေရာမှာဝင်ခဲ့ရလို့လဲ နှင်းနှင်းရယ်... သူတို့ပြတ်သွားမှ ပြတ်သွားရတဲ့ အကြောင်းအရင်းကို ငါတို့သိရတာမဟုတ်လား”
“အေးလေ”
ချစ်သည်း အိမ့်မြတ်ချယ်နှင့် နှင်းနှင်းပွင့်တို့သုံးယောက်သည် အထူးနှင့်သပိတ်၏ ဆက်ဆံရေးအကြောင်းကို ပေါ်တင်ပြောဆိုလုပ်နေသည်။
“အခုလည်းကြည့် ငါတို့တောင်မသိလိုက်ဘဲ သူတို့နှစ်ကောင် ပြန်တည့်သွားတာပဲကြည့်... ဘယ်လိုအတွဲမှန်းမသိ”
“ဟွန်း နင်ကလည်း ငါ့ကိုဆို ပြောမယ်ဆိုချည်းပဲ”
“ မပြောရအောင် ပြန်ပြတ်ပေးလေ"
“နင်ကလည်း...”
အသည်းမျက်စောင်းထိုးပြီးပြောတော့ အထူးမှာချွဲသံနှင့်ချော့ရသည်။ ကိုကိုနဲ့မတည့်တုန်းက သူတို့ပဲ အထူးအနားမှာနေပြီး အားပေးစကားပြောရ အားပေးရနှင့်ကိုး...
“ထူးချွန်ထက်တို့ဆိုသည်မှာလည်း သူ့ကိုကိုစကားတစ်ခွန်းနဲ့ပြန်ပါသွားစရာလား။ အဲလက်စွပ်ကို အမြင်ကပ်လာပြီနော် ဟွန်း"
“အဟီးဟီး... သူပြန်လာရင် ငါတို့မင်္ဂလာဆောင်ကြမယ်တဲ့”
“အောင်မယ်လေး ဆောင်ပါ ဆောင်ပါတော်... ဒီတစ်သက်ယောက်ျားမရဘဲ ကိုရီးယားရူးမယ်ထင်နေတာ ငါတို့ကောင်မက ကိုရီးယားလည်းရူး ကိုကိုလည်းရူးနေတာပဲ အံ့ဩဘ...”
“အချစ်ကအရာရာကို ရူးသွပ်သွားစေတယ်လေ အဟိ”
“ငါဖိနပ်နဲ့ကောက်ပေါက်လိုက်ရ ဘာအချစ်ကအရာရာကို ရူးသွပ်သွားစေတယ်လေ လာလုပ်နေ...”
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romansaကိုကိုနဲ့ ညီမလေး ဇာတ်လမ်း
