PART 40
နေဓူဝံဆီက ကြားလိုက်ရသောစကားတို့ကြောင့် သပိတ် တက်ခေါက်လိုက်မိတာ အကြိမ်ကြိမ်။
သားကိုခုတုံးလုပ်ပြီး သူ့အနားကို နည်းလမ်းပေါင်းစုံနှင့် လာနေတာကိုသိထားသော်လည်း လျစ်လျူရှူထားသမျှ၏နောက်ဆုံးတွင် သားမှာသွားထိခိုက်နေသည်။ ပို၍စိတ်တိုလာရသည်။ ကြာလာသည်နှင့်အမျှ ကလေးမှာ စိတ်ဒဏ်ရာအကြီးအကျယ် ရလာနိုင်လိမ့်မည်။
သူလည်းအမှားရှိပေမဲ့ ကလေးကို နှိပ်စက်နေတဲ့အထိတော့မဟုတ်သေးဘူး။ သူသိတဲ့ပန်းဧကရာဇ်က ထိုသို့ မရက်စက်တတ်ဘူး။
ထိုပန်းကလေးကို ဘယ်သူက ဒီလိုဖြစ်အောင်လုပ်ခဲ့လဲ။
“ကလေးက အခု ဟိုဘက်ကအဖွားအိမ်ရောက်နေတယ် ဖြစ်နိုင်မယ်ဆို မင်း ကလေးနဲ့ပတ်သက်ပြီး ပန်းဧကရာဇ်နဲ့ညှိနှိုင်းကြည့်ပါလား...”
“အေးပါ... ဒီကိစ္စကို ဖွားတို့ရော သိလား”
“မသိဘူးထင်တယ်... သိရင် ဖွားရင်ကျိုးရလိမ့်မယ်၊ ပန်းဧကရာဇ်ကိုဆူမှာပေါ့”
“အင်း ငါသူနဲ့ပြောကြည့်လိုက်မယ် ဒါပဲကွာ နောက်ဖုန်းဝင်နေလို့”
ဖုန်းချလိုက်ပြီး ကျသွားသောဖုန်းကိုပြန်ခေါ်ကာ...
“ပြော ဝေလင်း”
“ကားအုံနာက မင်းနယုန်ဘိုဆိုတဲ့နာမည်ပေါက်နဲ့ပါ အစ်ကိုလေး။ ကွန်ဒိုနာမည်လည်းအတူတူပဲ”
“အဟွန့်”
ရယ်မိတာက ပျော်နေလို့တော့မဟုတ်၊ သူ့ကိုထားခဲ့ပြီး ထိုသို့လုပ်ရက်လေးခြင်းဆိုတဲ့အတွေးနဲ့...
တစ်ခါတလေမှာ တွေးမိဖူးသော်လည်း တကယ်ကြီးနှစ်ယောက်သားက အဆက်အသွယ်ရှိသွားမှန်း သိလိုက်ရသောအခါ စိတ်တို၍ ဒေါသလာထွက်သည်ထက် အော်ဟစ်ပေါက်ကွဲပစ်လိုက်ချင်သည်။
“အဲမှာနေတာ သေချာတယ်မလား ”
“ဟုတ်ကဲ့ သေချာပါတယ် အစ်ကိုလေး ”
“ ထပ်မစုံစမ်းနဲ့တော့ ထားလိုက်... အဲအထပ်မှာ လွတ်နေတဲ့အခန်းတစ်ခန်းရှိလားဆိုတာ ရှာထားပေး ဝယ်လို့ရရင်ဝယ်မယ် ငှားရမယ်ဆိုလည်းငှားလိုက် ပြင်ဆင်ထားပြီးရင် ငါ့ကိုအကြောင်းကြား”
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
