PART 35
အထူး၏ခန္ဓာကိုယ်ပေါ်သို့ ပုရောဆိတ်အကောင်တစ်ထောင်လောက် ရွစိရွစိဖြင့် လာကိုက်နေသလို ခံစားနေရသည်။ လူက ဘယ်လိုပဲလှုပ်လှုပ် လှုပ်လို့မရဘဲ တစ်စုံတစ်ခုက ချုပ်ထားသလိုမျိုး။ ထမင်းလုံးသစ္ဆေများဟု တွေးကြောက်သွားလျှင် ဘုရားစာရွတ်ဖတ်သော်လည်း မရနေ....
ဒုက္ခပဲ ငါသေတော့မှာလားမသိ။
သို့ပေမဲ့ အာရုံအားလုံးကို စုစည်းလိုက်သောအချိန်မှာ နှုတ်ခမ်းကိုကိုက်သွားတာ ကြမ်းကြမ်းတမ်းတမ်းမို့ ပုရောဆိတ်မဟုတ်တော့။ အသက်ရှူကြပ်သွားသည်နှင့် မျက်လုံးကပါ အော်တိုပွင့်သွားလျှင် သူမကိုယ်ပေါ်မှာ ဧရာမပုရောဆိတ်အစုတ်ပလုတ်တစ်ကောင်ကို တွေ့လိုက်ရသည်။
ကြည့်စမ်း နှာဘူးကောင်... လူအိပ်နေတာကို။
လူပေါ်ကနေ လေးဖက်ထောက်အနေအထားနှင့် ညှပ်ဖိထားပြီး အငမ်းမရနမ်းနေရုံမက သူ့လက်ကလည်း အထူး၏ရင်သားတို့၊ ဗိုက်သားတို့အပေါ်မှာ ယှက်ပြေးနေသေးသည်။
သူ့အသက်ရှူသံပြင်းပြင်းနှင့် လူကို ဝါးစားတော့မတက်ဖြစ်ပျက်နေသော အထိအတွေ့တို့နှင့်မို့ အထူးမှာ ချေပဖို့နေနေသာသာ တစ်စက်ကလေးတောင်လှုပ်လို့မရသည့်အထိ။
“နိုးပြီလား”
အထူးသည် အဝတ်မဲ့နေသော ကိုကို့ရင်ခွင်အောက်ကနေ သူ့ကိုမော့ကြည့်နေရင်း သူ့ပင်ကိုယ်နံ့နှင့်အတူ ရေမွှေးနံ့တစ်မျိုးက နှာခေါင်းထဲသို့ တိုးဝင်လာတော့ တိတ်တခိုး နှစ်ခြိုက်သွားရပြန်၏။ အရွယ်ရောက်လာသည့် ယောက်ျားတစ်ယောက်၏ရနံ့ကိုသတိထားမိသည့်အချိန်မှာ သဘောကျနှစ်ခြိုက်ရ သောရနံ့ကလည်း ကိုကို့တစ်ယောက်ထဲဆီကသာ....
အနံ့မပျင်းလွန်းဘူး။ အလွန်မွှေးကြိုင်နေတာလည်း မဟုတ်ဘူး။ သာမန်ထက်တော့ ထူးခြားတယ်။ ရေမွှေးနံ့နှင့် ကိုကို့ခန္ဓာကိုယ်မှ အနံ့ကိုပေါင်းစပ်ထားသောရနံ့ကို အထူး ငြိမ်သက်စွာ အာရုံစိုက်ရှူနေမိသည်။
အထူးကိုအရည်ပျော်စေသော ကိုယ်သင်းနံ့လေးက သူ့မှလွဲ ဘယ်သူ့ဆီမှာမှဒီရနံ့မျိုး မရဖူးဘူး။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
عاطفيةကိုကိုနဲ့ ညီမလေး ဇာတ်လမ်း
