Part17
ညက မူးရူးပြီးရစ်နေခဲ့သောကောင်က မနက်ရောက်လာတော့ သူမဟုတ်တော့သည့်အတိုင်းပါပဲ။
ကျောင်းသွားရန်အတွက် ရေချိုးခန်းဆီလျှောက်နေသောအထူးကို ပခုံးကနေတိုက်ချသွားပြီး ဦးစွာဝင်တိုးတော့ စိတ်တိုသွားသည်။
"ဟဲ့ ငါအရင်လာတာနော်"
"အရင်လာလည်း အပြင်မှာစောင့်နေ... မစောင့်ချင်အောက်ထပ်မှာဆင်းချိုး.... ဦးတဲ့လူအရင်ချိုးကြေးပဲ"
"သောက်အမူးသမား ငါတိုင်မယ်ကြည့်နေ..."
" တိုင်ပေါ့ အဟော့အဟော့"
အထူးဆီက အနေကြာမှ ထွက်လာရသည့်ကြည်လင်သောဆဲသံလေးကို ကြားရ၍ သူတဟားဟားနဲ့အော််ရယ်လိုက်ပြီး မျက်ခုံးတစ်ဖက်ပင့်ပြရင်း တံခါးပိတ်ချပစ်လိုက်၏။ နောက် မှန်ထဲက ကိုယ့်ကိုယ်ကိုယ်ပြန်ကြည့်နေမိသည်။
"Shit!... ခပ်မိုက်မိုက်လေးမူးခဲ့ရမယ့်ဟာကိုကွာ..."
ညက အထူးကိုဖက်ပြီး ကလေးတစ်ယောက်လို သူပြုမှုနေခဲ့သည့်ပုံက အရွယ်နဲ့မလိုက်အောင် ရှက်စရာကောင်းလိုက်တာ။
အရက်သောက်လို့မူးပြီဆို သွေးဆိုးတတ်ကြတယ်လို့ ကြားခဲ့ဖူးသော်လည်း ကိုယ့်အလှည့်ကျ ကလေးလေးလိုပြန်ဖြစ်သွားလိမ့်မည်ဟု မထင်မှတ်ခဲ့။
ခေါင်းမကိုက်သော်လည်း ခေါင်းလျှော်ပစ်လိုက်၏။ အထူးရဲ့ခေါင်းလျှော်ရည်နဲ့ရေချိုးဆပ်ပြားကို ခိုးသုံးရတာ သူသဘောကျနေတာမို့ပဲ။
ရေချိုးပြီး အဝတ်အစားလဲခြင်း ပြီးဆုံးသွားသည်နှင့် သူ့အခန်းနဲ့မျက်နှာချင်းဆိုင်က အခန်း ရှေ့မှာရပ်စောင့်နေလိုက်သည်။ အထူးနဲ့ကျောင်းအတူတူ တက်ရသည့်ခံစားချက်က ဘာနဲ့မှမလဲနိုင်....
အထူးနဲ့အတူတူ ကျောင်းတက်ခွင့်နေရတာကလည်း လဲလှည်ခဲ့ဖူးသော အပေးအယူတစ်ခုရဲ့ အကျိုးကျေးဇူးတစ်ခုပါ...
သိပ်မကြာပါ ပိုင်ရှင်လည်း ထွက်လာသည်။
မြန်မာဝတ်စုံလေးကို ဆံနွယ်မြင့်မြင့်လေးစည်းထားပုံက ချစ်စရာကောင်းနေသည်။ အထူးမှာ အထူးတလဲ ပြုပြင်ဖို့မလိုအပ်တာက မျက်ခုံးတန်းတို့ပါပဲ။ မထူမပါးလေးကိုမှ ညီညာပြီး မည်းနက်နေသည်။ ဘာမှခြယ်သစရာမလို။ မျက်လုံးဝိုင်းဝိုင်းလေးကိုမှ ပန်းရောင်ပြေးလေးတို့ကိုတော့ အနည်းငယ်ခြယ်သထားသည်။ ကြည့်ရတာ သော်ငြိမ်းရဲ့ချစ်သူ ဟန်ဝတီရဲ့လက်ချက်ပဲဖြစ်မှာ။ နှင်းနှင်းလည်း မခြယ်တတ်တာ သူသိသည်။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
