PART 15
"ငါ့စော်အိမ်ကို ဂစ်သွားတီရအောင်ကွာ"
သော်ငြိမ်းက အအေးဘူးတို့ကို စားပွဲပေါ်ချရင်းပြောသည်။ ကျောင်းပိတ်ရက်တွင် သော်ငြိမ်းရဲ့အိမ်မှာ သူတို့သုံးယောက်စုနေကြပြီး အချိန်ဖြုန်းတတ်၏။
"ငါမှ မတီးတတ်တာ မလိုက်ဘူး"
"တီးတတ်စရာမလိုဘူး လိုက်ဆိုတတ်ဖို့ပဲလိုတယ်... လိုက်ခဲ့ကွာ... ဝေယံ မင်းပါလိုက်ခဲ့"
"ရည်စားရပြီးရင် အရည်မရအဖတ်မရအလုပ်တွေကို ဘာလို့လုပ်နေကြမှန်း နားကိုမလည်တော့ဘူးကွာ မင်းတို့ဟာက..."
"အရည်ရအဖတ်ရလုပ်ရင် ငါ့စော်ဗိုက်ကြီးသွားမှာပေါ့ကွ။ ရိုမန်တစ်ဆန်စမ်းပါ သပိတ်ရာ... မင်းရိုမန်တစ်မဆန်လို့ မင်းရင်ထဲကစာသားတွေကို မင်းညီမကမဖတ်တတ်နေတာ ပေါ့ ငမိုက်သားရ"
သူကဒီကောင်တွေကို သူနဲ့အထူးရဲ့အကြောင်းကိုပြောပြထား၍ ဒီကောင်တွေကဝေဖန်နေခြင်း။
"ဒီမှာသပိတ်... မင်းတို့နှစ်ယောက်က တစ်အိမ်ထဲချင်း အတူတူနေနေတာတောင် မင်း သူ့အပေါ်မရိုးသားတာကို လုံးဝမသိနေတာကိုပဲကြည့်လိုက်... မင်းမဖွင့်ပြေသမျှ ထူးချွန်ထက်က မင်းရင်ခုန်သံကိုနားထောင်တတ်မှာမဟုတ်ဘူး ငါပြောတာယုံလိုက် သားကြီး"
"ငါဖွင့်ပြောလိုက်ရင် ငါတို့နီးစပ်သွားမှာမဟုတ်ဘဲ ဝေးကွာသွားမှာကို ပိုကြောက်နေမိတာ... ပြီးတော့ ဖေဖေပါသိသွားရင် သဘောမတူမှာဆိုးလို့..."
"မဖြစ်လာနိုင်သေးတဲ့ကြောက်စိတ်တွေကို ခဏဖယ်ထားပြီး မင်းတို့နှစ်ယောက်ပဲ အရင်နီးစပ်အောင်လုပ်ရမှာ သဘောပေါက်လား"
"အထူးက မလိမ်တတ်ဘူး... တစ်ခုခုဆို သူ့မျက်နှာမှာအကုန်ပေါ်တာ...
သူ့ကိုငါဖွင့်ပြောလိုက်ပြီဆိုပါစို့... အဲမှာ ဒေါ်ထူးချွန်ထက်တို့ရဲ့ မျက်နှာကပေါ်လာပြီး ငါ့ကိုအပြစ်သားလိုလို ငါ့ကိုမကြည်သလိုလိုလုပ်တော့မှာ အဲတော့မှအကုန်သိသွားရင် ခက်ကုန်မှာ.."
ကြားထဲက သူ့ကိုငြင်းပစ်မှာကိုလည်း ကြောက်မိပြန်သေးသည်။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
