PART 50
“ငါတို့ လမ်းခွဲကြရအောင်”
“ဘာ”
“အသုဘကပြန်လာတာနဲ့ မင်းရူးသွားတာလား အသည်း”
“ဟင့်အင်း ငါမရူးဘူး... နင်နဲ့ငါ့အတွက်က ဒီနည်းလမ်းက နဂိုကတည်းက ဖြစ်သင့်တဲ့နည်းလမ်းပဲ”
“နေပါအုံး.... ချစ်သူဖြစ်တာဖြင့် တစ်ပတ်မရှိသေးဘူး မင်းက ဘာဖြစ်တာလဲ ရာသီလာနေတာလား”
“တည်ကြည့်ခံ့အိမ်”
အတည် ထိုသို့ပြောတော့ ချစ်သည်းမှာ စိတ်တိုသွားရ၏။
ဒီစကားကို အစပျိုးဖို့အတွက် သူမဘယ်နှစ်ရက်လောက် ရင်ထဲမှာ သိမ်းဆည်းထုတ်ပိုးထားရသလဲ။ အသည်းမာသူဟု နာမည်ကြီးသူပီပီ မျက်နှာတစ်စက်မှ မပျက်သွားသည့်အထိ ပြောတတ်ရန်အတွက် ချစ်သည်းသည် ဒီရက်တို့ရဲ့ နေ့စဥ်နေ့တိုင်းမှာ ရွတ်မိသည့်စကားလုံးက ‘ငါတို့လမ်းခွဲရအောင်' ဆိုသည့် စကားပါပဲ....
“ဒါဆို အခုကဘာထဖြစ်နေတာလဲ ပြောလေ”
“ငါက နင့်အတွက် သူငယ်ချင်းထက်မပိုနိုင်တဲ့လူတစ်ယောက်ပဲ အတည်”
“ ဪ... ထပ်ပြောပါအုံး”
စောစောက ဒေါသတို့ထွက်နေသော်လည်း အခုတော့ သူ့စိတ်တို့က ဒေါသ၏အလွန်ဘက်ကို ရောက်သွားရသည်။
အသည်းဆီမှ အငြင်းခံရလာတာ ဆယ်နှစ်မက၊ ချစ်သူဖြစ်တာနှစ်လပင် မပြည့်သေးခင်မှာပဲ လမ်းခွဲခြင်းခံလိုက်ရသည့်အခိုက်အတန့်မှာ အတည်သည် ချစ်သည်းအပေါ်တွင် ပထမဆုံးသောစိတ်ပျက်မှုကို စတင်ခံစားလိုက်ရသည်။
ချစ်ခဲ့ရတုန်းက ရင်တွေခုန်လိုက် ပျော်ရွှင်လိုက်နဲ့ ကြည်နူးဖို့ကောင်းနေသလောက် စိတ်ပျက်သွားတာကကျတော့ ဘာမှလည်း မဟုတ်ပါလား။
သူဟာ ယောက်ျားတစ်ယောက်ပါ ဒီမိန်းမကို ဆယ်နှစ်ဆိုသော အချိန်ကာလတစ်ခုအထိလုံးကို သူ့ရဲ့ငယ်ရွယ်မှု၊ ခံစားချက်တွေ လူငယ်တစ်ယောက်ရဲ့စိတ်ကစားတတ်သောအရွယ်မှာ ဒီတစ်ယောက်ကိုပဲ အရိပ်လို ကြည့်နေခဲ့သမျှဟာ တကယ်တော့ အချိန်ဖြုန်းတီးမှုပဲဆိုတာကိုပါ အတည်သည် နောက်ဆုံးတော့ သိခွင့်လိုက်ရသည်။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Lãng mạnကိုကိုနဲ့ ညီမလေး ဇာတ်လမ်း
