PART 21
သပိတ်နဲ့အထူးတို့သည် လောလောဆယ်တွင် ကြားလိုက်ရသောစကားအတွက် ဆွံအပြီး အံ့ဩနေရသည်။
“မင်းတို့အဒေါ် ယောက်ျားနောက်လိုက်သွားတာ ညထဲကတဲ့....”
အထူးတို့ တစ်နေကုန်လျှောက်လည်ပြီး အိမ်ပြန်ရောက်မှ တီဆောင်းကို မတွေ့လို့ မေးမိတော့မှ အဖြစ်မှန်ကို ကြားရလေသည်။
ကျွန်းဆက်တီမှာထိုင်နေပြီး မျက်နှာမကောင်းနေသောဖေဖေက အထူးတို့နှစ်ယောက်ကို ပြောပြလေသည်။
“ဘယ်သူနဲ့လဲ ဖေဖေ”
“ရုံးကကောင်နဲ့... သူ့လက်အောက်က ဝန်ထမ်းပဲ”
အထူးမှာ တီဆောင်းတစ်ယောက် ဘယ်လိုကနေဘယ်လိုဖြစ်ပြီး ရည်စားချစ်သူအကြောင်းတို့ကို ဘာတစ်ခွန်းမှမကြားရ ဘာအသံမှမကြားရပါဘဲ ဘယ်လိုကြောင့်များ လိုက်သွားတာဘာလိမ့်ဟု ခေါင်းထဲမှာ ထူးဆန်းသော မေးခွန်းများစွာနဲ့ ရှုပ်ထွေးနေပြီး စိတ်ထဲမှာလည်း ဟာတာတာကြီး ဖြစ်သွားသည်။ တီဆောင်းကို စိတ်ထဲကနေ အရမ်းနှမြှောနေရသည်။
တီဆောင်းမှာ ရည်စားရှိပါသည်ဟု ဘာသတင်းမှမကြားရသလို အဆိုးဆုံးက ဖုန်းပြောနေတာကနေ တဆင့်၊ အပြင်သွားတာတို့ ဘာတို့လည်း အမူအရာမပျက်နေတာပဲ....
“ဘယ်တော့လာပြန်အပ်မှာတဲ့လဲ ဖေဖေ”
သပိတ်က ဖေဖေ့ဘေးမှာ ဝင်ဆထိုင်ရင်းမေးသည်။
“အပ်ဖို့နေနေသာသာ သင်းတို့က အခုချောင်းသာမှာ... ချောင်းသာကပြန်မှ နယ်မှာရှိတဲ့ဟိုကောင်လေးရဲ့မိဘတွေကို ခေါ်လာပြီး လာအပ်မယ်တဲ့”
ဖေဖေ့ရဲ့အသံတုန်တုန်အက်အက်က သူ့ညီမကို ဘယ်လောက်နှမြောနေပြီး ယူကျုံးမရနေလဲ ဆိုတာ သိသာနေသည်။
“ကောင်လေးရဲ့ profileကိုကြည့်တော့ ပညာတတ်ပါပဲ အေးလည်းအေးဆေးမယ့်ပုံပါပဲ... သူ့ကို ဆောင်းကပဲ အလုပ်ခန့်ခဲ့တာ... ဆောင်းထက် 2နှစ်ငယ်တယ်”
ဒါဆို တီဆောင်းက မနဲ့မောင် tearmပေါ့လေ ဟု အထူးမှာ ကြားဖြတ် တွေးလိုက်သေး၏။ ငါကလွဲပြီး အကုန်လုံးက မောင် teamတွေပါလား။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
