သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...

PART 16

  PART 16

   

   PART 16

   “ဒီလမ်းထဲပဲထင်တယ်”

  သပိတ်က ကားကိုဂရုတစိုက်မောင်းရင်း လမ်းကိုလည်း လိုက်ရှာနေရသည်။ 

   သော်ငြိမ်း ညွှန်းပေးလိုက်သော  Guitar Shopဆီသို့ အထူးနဲ့အတူသွားကာ ဂစ်တာဝယ်မယ်ဟု ဆန္ဒပြနေသော ကိုလိုနီမလေးကိုလိုက်ဝယ်ပေးရန်...

  ပတ်ဝန်းကျင်က တိတ်ဆိတ်ပြီး နေချင်စရာကောင်းကာ လမ်းကြားတစ်ခုထဲကို မောင်းဝင်သွားလျှင် သစ်သားဖြင့် ချိတ်ဆွဲထားသော ဆိုင်းဘုတ်တစ်ခုကို တွေ့လိုက်သည်။

“STAR Guitar Shop”

  ဆိုသည့် ဆိုင်းဘုတ်ရှေ့တွင် ရပ်လိုက်သည်။ ကားရပ်သည်နှင့် အထူး အပြေးဆင်းသွား၏။ သူ့ကိုပါချန်ခဲ့၏။

  ဆိုင်ထဲရောက်ဝော့ Shopလို့သာ သေးသေးလေးထင်နေတာ အထဲကိုရောက်မှ Show Roomလို အကျယ်ကြီးမှန်း သိရ‌တော့သည်။ ဂစ်တာတို့ကိုလည်း အရောင်စုံ၊ ဆိုဒ်စုံ ချိတ်ထား သည့်ဟာချိတ်ပြီး တန်းစီတင်ထားတာလည်း ရှိသည်။

  လာတာလာရတာ နှစ်ယောက်စလုံးကဂစ်တာနဲ့ပတ်သက်ပြီး ဘာမှသိပ်နားလည်တာ မဟုတ်ဘူး။

“သပိတ် ဒါလေးလှတယ်နော် အကြီးကြီးပဲ”

  ဆိုင်ရဲ့အလယ်မှာ ခမ်းခမ်းနားနားနဲ့ ပြသထားသောCelloအကြီးကြီးကို လက်ညှိုးညွှန်ပြပြီး အထူးက ချစ်စနိုးဖွယ် မျက်လုံး ကြည်ကြည်လေးနဲ့ ပြုံးကြည့်နေ၏။

“ဂစ်တာနဲ့တင်အားမရလို့ Celloပါ ကိုင်ချင်ပြန်ပြီလား”

“ ဪ ဒါကCelloလား ငါက တယောကိုအလှပြတယ်မှတ်နေတာ ဟဲဟဲ”

“Celloက တယောအကြီးစားပဲလေ....”

“ဪ အဲ့လိုလား”

  အထူး ခေါင်းတညိတ်ညိတ်နဲ့ လက်နောက်ပေးကာ ထိုCelloကြီးကို ရပ်ကြည့်ရင်း သဘောအကျကြီးကျနေ၏။

“ငါညီတို့ ဘယ်လိုဂစ်တာမျိုးကို လိုချင်ကြတာလဲ”

  သော်ငြိမ်း ဖုန်းလှမ်းဆက်ထားပုံရသော ဆိုင်ရှင်အစ်ကိုက ယောင်ချာချာဖြစ်နေသော သူတို့နှစ်ယောက်အနားကို ရောက်လာပြီးမေးတော့ သပိတ်က နားရွက်ကုတ်နေပြီး မျက်စိကိုသာရှိသမျှဂစ်တာကို လိုက်ကြည့်နေ၏။ ပြီးမှ...