PART 22
မျက်နှာချင်ဆိုင်မှ လိုအပ်သည်ထက် ပိုသားနားပြီး ချောမောနေသည့် ကိုကိုစုတ်ဆိုသောကောင်ကို အထူး၏မျက်ခုံးနှစ်ဖက်က ခွေ့တော့မလို ဖြစ်အောင် မျက်မှောင်ကုတ်ထားရင်းနှင့် လက်ပိုက်ပြီး မော့ကြည့်နေသည်။
သပိတ်၏ တစ်ကိုယ်လုံး အနက်ရောင်စတိုင်ကိုကြည့်ရင်း ဘာလိုလိုနဲ့ ငါ့ကိုကိုက အိုပါးတွေထက် ပိုချောနေသလားလို့ တွေးမိသွားတာမို့လို့ပါ။
နဖူးပေါ်က ဆံနွယ်အချို့ဟာ ပျော့ပျောင်းလွန်း၍ ဂျယ်အကူအညီနဲ့ တကူးတက သပ်တင်ထားလို့ပဲလားမသိ သပ်ရပ်ချောမောနေတာပဲ။ အထူးထက် အသားအရည်ဖြူသူမို့ သူ့အရပ်အမောင်း မြင့်မြင့်မားမားနဲ့က အသေအလဲ မိမိုက်နေပါသည်။
ကိုယ့်ချစ်သူမို့လို့ ကိုယ့်ကိုကိုမို့လို့ ပြောချင်တာတော့ မဟုတ်ပေမဲ့ G Dragonထက် နည်းနည်းလေး ပိစိလေးများ ပိုချောလာသလိုလိုပဲ..
အိုပါးကို သစ္စာရှိရှိချစ်မယ်ဟု သစ္စာပြုထားတာကို ငါတော့ သစ္စာဖောက်မိနေပြီထင်တယ်။
ကိုကိုက ငါ့ကိုအရင်ချစ်တာဆိုတော့ ဒါကို အိုပါးတို့ကို သစ္စာဖောက်တယ်လို့ မခေါ်နိုင်ပါဘူးလေ။
အိုပါးရေ ဒီFan girlလေးကို တစ်ခါပဲခွင့်လွတ်ပေးပါနော် ဒီကိုကိုတစ်ယောက်ကိုပဲ အထူးကချစ်မှာပါနော်။
"အဟမ်း... ဘာလာကြည့်တာလဲ အရမ်းချောနေလို့လား"
"အံမယ်.... ဖြစ်စရာလား"
သူ့ကို အပီအပြင်ငေးကြည့်တုန်းက ကြည့်နေ
ပြီ မေးတော့လည်း ဗြောင်ငြင်းပြန်ရဲ့။ မောင်နှမကနေ ချစ်သူဖြစ်သွားတာ၊ တစ်အိမ်ထဲမှာ အတူကြီးပြင်းလာပြီးမှ ချစ်သူဖြစ်သွားကျတာဆိုတော့ နူးနူးညံ့ညံ့ တီတီတာတာမျိုးကို မပြောဖြစ်၊ မချွဲဖြစ်ကြဘဲ ဘုနဲ့ဘောက်ရန်ဖြစ်လိုက် ပြန်ချစ်လိုက်ဆိုသည့် အချစ်မျိုးနဲ့သာချစ်နေကြရသည်.....
"ဒါဆို ငါ့ဆီဘာလာလုပ်တာလဲ ပြော"
" ဒီလောက်ပြင်နေရအောင် ဘယ်သွားမလို့လဲ"
"လက်ဖက်ရည်ဆိုင် ခဏထိုင်မလို့"
"ဘယ်သူနဲ့လဲ"
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romansaကိုကိုနဲ့ ညီမလေး ဇာတ်လမ်း
