PART 46
ဆိုဖာပေါ်မှာ တစ်ညလုံးအိပ်စက်ထားရသဖြင့် နိုးထလာသည့်အချိန်တွင် ခါးကိုဆန့်လိုက်သည့်အခါ ခါးကျောတစ်လျှောက်မှာ အရိုးကျိုးသံတို့ပါ မြည်နေသလားအောက်မေ့ရသည်။
သပိတ်သည် ဆိုဖာမှထလာကာ သားအမိနှစ်ယောက်အိပ်နေသောအခန်းဆီ ဝင်သွားလျှင် သားတစ်ယောက်သာ အိပ်ပျော်နေသည်ကိုမြင်လျှင် သားဘေးတွင် သွားခွေနေလိုက်သည်။
သားနဖူလေးကို ခပ်ဖွဖွလေးဖိကပ်နမ်းရင်း...
"ဖေဖေ့သားက လူချောလေးပဲကွာ... မေမေ့အတွက်အားကိုးရတဲ့လူတော်လေး သားကိုဖေဖေအရမ်းချစ်တယ်နော်"
အပြစ်ကင်းစင်စွာ အိပ်မောကျနေသောသားအာပုကျိလေးသည် သူနှင့်အလွန်တူတာပဲ။ မျက်ခုံး နှာတံ၊ ဆံနွယ်အရောင် နှုတ်ခမ်းလေး မျက်ဝန်းလေးကအစ အပြုအမှုလေးကတော့ အာပုကျိ၏အထူးလေးနှင့်တစ်ထပ်တည်းကျကာ စိတ်ထားကောင်းမွန်ဖြူစင်ပြီး Positive vibeကိုဘက်သွားသည်။ သားကိုရင်ခွင်ထဲဆွဲသွင်းလိုက်ပြီး လက်မောင်းပေါ်ခေါင်းအုံးထားစေပြီးမှ သူ့မျက်လုံးတို့ကို ဒုတိယအကြိမ် မှိတ်လိုက်သည်။ သား၏ဆံနွယ်ကိုမေးစေ့နှင့်ပွတ်သပ်ရင်း အသည်းယားနေမိသည်။
"စောစောရှာမတွေ့ခဲ့ရလို့ ဖေဖေတာင်းပန်ပါတယ်နော်... ဖေဖေ့သားကိုဖေဖေအရမ်းချစ်တာပဲဗျာ"
တိုးတိုးလေးညည်းညူရင်း.....
သားနှင့်သူ ပထမဆုံးအကြိမ် အတူတူအိပ်စက်ခွင့်ရသည့်နေ့ကို ဘယ်တော့မှမေ့နိုင်တော့မည်မထင်။
အထူးသည် သားအတွက် မနက်စာနို့တစ်ခွက်နှင့်ထောပတ်နှင့် စတော်ကယ်ရီယိုသုတ်ထားသည့်ပေါင်မုန့်တစ်ချက်ကိုအသင့်ပြင်ထားသည်။ ဘေးတွင် ကော်ဖီနှစ်ခွက်နှင့် ဘာမှမသုတ်ထားသောပေါင်မုန့်နှစ်ချပ်၊ ကွန်ဒိုနားမှာဖွင့်ထားသောမုန့်ဟင်းခါးတစ်ပွဲကိုပါ ထပ်ပြင်ထားသည်။ အထူးက ပေါင်မုန့် ကော်ဖီနှင့်မနက်စာကို တင်းတိမ်နိုင်မည့်သူမဟုတ်သဖြင့်...
ပြင်ဆင်ပြီးနောက် ဆိုဖာပေါ်ကလူအခြေအနေကိုလာကြည့်ချိန်မရှိတော့၍ သားရှိရာဆီသို့ဝင်သွားမှ သားကိုရင်ခွင်ထဲတွင် ထွေးပွေ့ထားပြီးအိပ်ပျော်နေသော ထိုသားအဖတို့၏မြင်ကွင်းကို မြင်လိုက်လျှင် အထူးရင်ထဲတွင် အတိုင်းမသိ ကြည်နူးသွားသည်။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
