PART 19
အထူးသည် ဖုန်း screemပေါ်က နာရီကိုကြည့်ပြီး ဒီအချိန်က သပိတ်တို့အတန်းတွင် tutorialရှိနေ၍ သူ သေချာပေါက်အတန်းထဲမှာရှိနေမှာကို သိသဖြင့် အတန်းချိန်တစ်ချိန် လစ်ပြေးမိသည်။
တစ်ယောက်ထဲလစ်တာမဟုတ်ဘဲ ဝမ်ကိုပါဆွဲခေါ်လာသေးသည်။ မိုင်နာတီချယ်က အဝင် အထူးတို့ကအထွက်နဲ့ ကွက်တိကျအောင် ဝမ့်လက်ကိုအမြန်ဆွဲကာ ထွက်လာခဲ့တော့ အတန်းထဲကျန်ခဲ့သော နှင်းနှင်းရဲ့မျက်လုံးက စကောဝိုင်းလောက် ရှိလိမ့်မည်။
အထူး ဆွဲခေါ်ရာကိုပါလာသော ဝမ်လည်း အံ့ဩနေသောပုံစံနဲ့....
RCအဆောင်တစ်ခုကိုတွေ့လျှင် ထိုအဆောင်ထဲကိုဝင်ပြီး ဝမ်ကိုပြောသင့်သည့် အကြောင်းအရာနဲ့ တောင်းပန်သင့်သည်ကိုတောင်းပန်ရဦးမည်။
“အထူး ဘာဖြစ်လို့လဲ”
“ဟင်.... အင်း ငါပြောစရာရှိလို့ပါဝမ်”
ဝမ်က အထူးနဲ့ မျက်နှာချင်းဆိုင် ခုံတန်းမှာဝင်ထိုင်မလိုလုပ်ပြီးမှ အုတ်ခုံပေါင်ကို မှီရပ်၍ လက်ပိုက်ထားရင်း....
“ပြောလေ ဘာပြောမလို့လဲ....”
အထူးမှာ ပြောစရာရှိသော်လည်း တကယ်တမ်းပြောရမှာ အားနာရပြန်၏။
ဝမ်ရဲ့စိတ်ကို အထူးကြောင့် မနာစေချင်သော်လည်း အထူးသည် အချစ်ကိုသဲသဲကွဲကွဲသိလာပြီမို့ ဝမ်ကို သူငယ်ချင်းအဖြစ်နဲ့ ဆက်ရှိစေချင်သေးသည်။
ဝမ်သာ သူငယ်ချင်းအဖြစ်မလုပ်တော့ဘူးဆိုလည်း အထူးရဲ့အမှားပဲပေါ့.....
“မဟုတ်မှကိုယ့်ကို အဖြေပေးတော့မလို့လား”
“ဟင်...”
အထူး၏ပျက်ယွင်းနေသော မျက်နှာနုနုလေးကို ဝမ်မှာ ချက်ချင်းအကဲဖြတ်မိသွားလျှင် စနောက်မနေတော့ဘဲ သူ့နှုတ်ခမ်းသားလေးတို့ဟာ ညီညာဖြောင့်တန်းသွားကာ ချောမောသောမျက်နှာလေးသည် တည်သွား၏။
ဝမ်၏ အသက်ရှုသံပြင်းပြင်းကို တစ်ချက်ကြားလိုက်ပြီးမှ ဝမ်က ပြန်တည်ငြိမ်သွားကာ....
“ပြောလေ... မင်းပြောမယ့် ဘယ်လိုအခြေအနေမျိုးကိုဖြစ်ဖြစ် ကိုယ်လက်ခံမှာပါ.... မျှော်လင့်ထားတာမဟုတ်တဲ့စကားလည်း မင်းပြောလို့ရတယ် စိတ်မပူနဲ့ အားမနာပါနဲ့...”
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Любовные романыကိုကိုနဲ့ ညီမလေး ဇာတ်လမ်း
