Part 14
ကင်း ကွင်းရွေးသည့်နေ့ရောက်လာသောအခါ Selectionဝင်သည့် သပိတ်က အခြားနေ့တို့ထက် ကျော့မော့သန့်ပြန့်နေပါသည်။ သူလည်း ကင်းဖြစ်ချင်နေပုံပါပဲ....
“အဖြူရောင်က ရိုးနေသလိုပဲ”
သူ့ကိုယ်သူ မှန်ရှေ့မှာရပ်ပြီးစကားပြောနေတာကို အထူးကကြည့်ရင်း မျက်စောင်းထိုးချင်လာ၏။
အနက်ရောင်ရှပ်လက်ရှည်လည်း ဝတ်ပြီး ချွတ်ခဲ့ပြီ။ သနပ်ခါးရောင်က ရိုးတယ်ဆိုပြီး နက်ပြာရောင်နဲ့လည်း လဲပြီးပြီ။ အဖြူရောင်ကိုချွတ်နေပြီး ဘာအရောင်ရွေးရမှန်းမသိဘဲ အဝတ်ပုံကြားထဲ ခေါင်းကုတ်နေသောသပိတ်ကို နောက်ဆုံးမှာ အထူးကသာ ကူရွေးပေးလိုက်ရသည်။ အဖြူလည်းမရောက် အရောင်လည်းမရင့်သွားအောင် ဆင်စွယ်ရောင်ကို နက်ပြာရောင်ကွက်စိပ်ပုဆိုးနဲ့ ဆင်ပေးလိုက်ရသည်။
“ဝတ်ကြည့်လိုက် အပေါ်အောက်အရောင်မထပ်အောင်ရွေးထားတယ် ဒါမှ စင်ပေါ်မှာ ထင်းနေမှာ”
“ဟုတ်လား... ကျေးဇူးပဲ”
“တော်တော်ကင်းဖြစ်ချင်နေတယ် ဟုတ်လား”
အထူး မကျေမနပ်သောအကြည့်မျိုးနဲ့မျက်စောင်းထိုးကာ ဆိုလျှင် သပိတ်၏နှုတ်ခမ်းက လခြမ်းလေးလိုကွေးတက်သွားပြီး ခေါင်းညိတ်ပြနေသည်။
“ကိုယ့်ညီမက စာရင်းထည့်ထားလိုက်တော့လည်း ညီမလေး သဘောတော်အတိုင်းဖြစ်အောင် ကြိုးစားနေတာလေ ဘာလဲ ငါ ကင်းဖြစ်ရင်မပျော်ဘူးလား”
“အောင်မယ်လေး ဖြစ်စေချင်တာမှ သေလောက်တဲ့အထိပါပဲရှင်... နင့်နာမည်ကို ထည့်ဖို့အတွက်နဲ့ ငါ့ကို လာဒ်ထိုးနေလိုက်ကြတာ မြင်မကောင်းအောင်ပဲ တစ်နေ့တစ်မျိုးမရိုးစေရဘူး သိလား... ကင်းဖြစ်ပါစေလို့ဆုတောင်းပေးတယ် ဟုတ်ပြီလား"
“အဟား...
အထူးကရွေးချယ်ပေးပြီး အခန်းထဲကထွက်သွားမလိုပြင်တော့ သူလက်လှမ်းဆွဲတားပြီး...
“ကြယ်သီးလေးတပ်ပေးပါလား”
“ဘာ နင့်လက်ပြက်နေလား”
“ငါ လက်ကွေးလိုက်ရင် တံတောင်ဆစ်မှာ ကြေသွားမှာဆိုးလို့ လုပ်စမ်းပါ ဒီတစ်ရက်ပဲ”
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
