သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...

PART 37

  PART 37

  Part 37

  Yachtကုမ္ပဏီတွင် ဝန်ထမ်းများသည် တစ်ယောက်နှင့်တစ်ယောက် ခလုတ်တိုက်၊ ပြုတ်ကျလုမတတ် အရှိန်အဟုန်နှင့်ပင် ဟိုဟိုဒီဒီ ပြေးလွှားလှုပ်ရှားနေကြသည်။

  Yachtသည် တစ်နှစ်ခွဲသားလေးအရွယ် သက်တမ်းသာရှိသေးကာ ကုမ္ပဏီ၏တိုးတက်နှုန်း အောင်မြင်မှုသည် တစ်နေ့တခြားနှင့် အားရကျေနပ်ဖွယ်ရှိလှသည်။ Scotland, US အခြေဆိုက်လျက်သော Liquor, Liqueurအစရှိသောကုန်တို့ကို အဓိကသွင်းကုန်အဖြစ်နှင့် နိုင်ငံအနှံ့သို့ ဖြန့်ဖြူးရောင်းချသော Liquidအမျိုးအစားကုမ္ပဏီ ဖြစ်သည်။  အခြားသော ယမကာတွဲဖက်လုပ်ငန်းတို့လည်း ရှိသည်။

   ကုမ္ပဏီအတွင်းရှိဝန်ထမ်းတို့ ခြေချင်းလိမ် ပျာယာခက် အလုပ်များနေခြင်းဟာ မိမိတို့ Yacht၏Ceoသည် မြန်မာပြည်တွင် အင်အားကြီးမားဆုံးသော ကုမ္ပဏီတစ်ခုထဲကဖြစ်သော KLORDကုမ္ပဏီဆီသို့သွားပြီး အာဏာသိမ်းပွဲလုပ်နေသောကြောင့်  ပျာယာခက်နေကြသည်။

   KLORDနှင့်ယှဉ်လျှင် Yachtက သေးကွေးသည်ဆိုသော်လည်း နိုင်ငံအတွင်းမှာတော့ တိုးတက်မှု အမြန်ဆုံးကုမ္ပဏီလည်းဖြစ်သည်။ နှစ်အတိုဆုံးအတွင်းမှာ အောင်မြင်တာလည်းမပြောနှင့် နိုင်ငံအတွင်းက နာမည်ကြီးကြသည့်မင်းသား၊ မင်းသမီးအဆိုတော်တို့ social influencerတို့ပါမကျန် အကုန်ခေါ်ချပြီး ကြော်ငြာရိုက်ကူးရေးလုပ်တော့ တစ်ဆတစ်ဆနာမည်ရလာတာကနေ အခုဆို ဘယ်Clubပဲသွားသွား ဘယ်Barပဲသွားသွား Yacht၏ကုန်ပစ္စည်းတို့က မပါမဖြစ်။ နေရာတိုင်းမှာ Yacht၏ကုန်အမှတ်တံဆိပ်တို့ အပြည့်နှင့်...

“ဒို့Ceoကိုယ်တိုင်က ဟိုဘက်မှာ ရှယ်ရာပိုင်ဆိုင်ထားတယ်ဆိုတော့ ရာထူးကြီးကြီးတစ်နေရာတော့ရမှာ ထင်တယ်... ”

“နေပါအုံး  အရင်တည်းက ရှယ်ရာရှိတယ်ဆို‌‌တော့ ငါတို့Ceoက  Babyဘဝကတည်းက သန်းကြွယ်သူဌေးပဲပေါ့။ ငယ်ငယ်ရွယ်ရွယ်နဲ့ အရာအားလုံးပြည့်စုံနေတာပဲ ငါတို့Ceoက wow... အားကျလိုက်တာ ”

“သူ့လောက်ပြည့်စုံတဲ့လူ ဒီကမ္ဘာမှာမရှိနိုင်တော့ဘူး... ရုပ်ရည်ရူပါကာရော အောင်မြင်မှုရော နောက်ဆုံး သားနဲ့မယားနဲ့ ကြည့်အုံး ဘာထပ်လိုသေးလဲ”