Final 1
ကိုကို စင်္ကာပူရောက်သွားပြီး နှစ်ရက်မြောက်နေ့မှာ အထူးတို့အိမ်ကို မမျှော်လင့်ထားသော ဧည့်သည်တစ်ယောက် ရောက်လာသည်။ ထိုအချိန်ကစ၍ အထူး၏ကံကြမ္မာတစ်ခုလုံးသည် ပြောင်းပြန်လှန်မှောက်ခံလိုက်ရသလို ဖြစ်သွားပြီး ဖျက်ဆီးခြင်းခံလိုက်ရသည်....
ထိုနေ့က အထူးသည် ကိုကိုပြန်လာလို့ မင်္ဂလာမဆောင်ခင် အထူးတို့အိမ်မှာ ခဏနေရအောင်ဆိုသောအတွေးနှင့် သူ့အခန်းကို သန့်ရှင်းရေးလုပ်ပေးနေစဉ်မှာ အထူးနှင့်အဖော်အတူနေသော ဒေါ်လေးဝါက ခြံရှေ့မှာ ဧည့်သည်ရောက်နေသည်ဟုပြောလာတော့ ခြံထဲဆင်းလာလျှင် နက်ပြောင်နေသောအနက်ရောင်ကား တစ်စီးကို တွေ့လိုက်သည်။
အထူး အသိထဲကမဖြစ်နိုင်ဘူး တွေးနေဆဲမှာပင် ကားပေါ်ကနေ လေးလက်မအမြင့်ရှိသော အစိမ်းရောင်ဒေါက်ဖိနပ်တစ်စုံကို ဦးစွာမြင်လိုက်ရသည်....
အမျိုးသမီးဖြစ်မှန်း သိသွားချိန်မှာ ဒူးဆစ်အောက်ဆင်စွယ်ရောင်ဂါဝန်ကို အနက်ရောင်နေကာမျက်မှန်နဲ့တွဲဖက်တပ်ထားပြီး မျက်နှာပါတပြိုက်နက်သိလိုက်ရလျှင် အထူး ကြက်သေသေပြီး မင်သက်မိသွား၏။
မဖြစ်နိုင်တာဟု ခေါင်းအသိဉာဏ်က ငြင်းဆန်နေပေမယ့် မျက်စိနှင့်မြင်နေရသည့် မြင်ကွင်းမို့ မဖြစ်ပါစေနှင့်ဟု တန်းဆုတောင်းမိသည့်အထိ ထိုဆင်စွယ်ရောင် ဂါဝန်လေး၏ပုံသဏ္ဌာန်ကို မြင်လိုက်ပြီး ထိတ်ကြောက်လန့်မိသွားသည့်အထိပင်။
ကိုကိုကအထူးကို ဒီတစ်ခါတော့ ဘယ်တော့မှ လိမ်ညာမှာမဟုတ်ဘူးဟု ယုံကြည်ထားမိပေမဲ့....
ပန်းဧကရာဇ်သည် မျက်နှာပေါ်ကမျက်မှန်ကို ချွတ်လိုက်ပြီး ဦးစွာ အထူးကို ပြုံးပြလာသည်။
အထူးသည် ဘဝမှာ ပထမဦးဆုံး ထိုအပြုံးကို မုန်းမိသွားတာပဲ။
"ဘယ်လိုလဲ သုံးညအိပ်နှစ်ရက်ခရီးမှာ အတော်မှပျော်ခဲ့ရဲ့လားဟွမ်... ထူးချွန်ထက်"
ခနဲ့သဲ့သဲ့ လေသံထွက်လာသောဒေါသကို ဟန်မဆောင်နိုင်စွာ လက်သီးဆုပ်ကာ အံကြိတ်နေမိသည်။ သူက ကိုကိုပြန်လာတာကိုလည်းသိပြီး အထူးတို့ ဘာလုပ်လုပ် အကုန်သိနေတာပဲလား။
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Roman d'amourကိုကိုနဲ့ ညီမလေး ဇာတ်လမ်း
