PART 26
"အတည်တို့ အချယ်တို့ကိုပါ ခေါ်လိုက်ရအောင်"
အထူးက သပိတ်ကိုပြောသလို ဖုန်းကနေလည်း တစ်ခါတည်း တန်းဆက်လိုက်သည်။
"အင်း ခေါ်လေ"
"အေး အချယ် ငါတို့ကမ်းနားလမ်းမှာ ငါးကင်သွားစားမလို့ နင်လိုက်မလား"
"သွားခေါ်ရမလားလို့ပါ မေးလိုက်အုံး"
သပိတ်သည် သူခေါ်ပေးရမလား အထူးကို အချယ့်ဆီကို မေးရန်ပြောတော့ အထူးသည် ခေါင်းညိတ်ပြပြီး ငါမေးပေးနေတယ်ဆိုသည့်ပုံနှင့် လုပ်ပြလာသည်...
"ဟုတ်လား... အေးပြီးရော ဒါဆို ငါ နှင်းနှင်းဆီဆက်ထားလိုက်မယ် ငါးကို ငါအရင်မှာထားပေးလိုက်မယ် နင်တို့မြန်မြန်လာနော်။ အေးပါ အေးပါ... ဒါပဲနော်"
အထူးဖုန်းချလျှင်...
"ဘာတဲ့လဲ"
"နှင်းနှင်းကိုဖုန်းဆက်ထားပေး သူ့ကားနဲ့လာခေါ်ပြီးလာမယ်တဲ့"
"အင်း ဆက်လိုက်လေ ပြီးရင် အတည်တို့ပါ ခေါ်လိုက်"
နှင်းနှင်းကို ဖုန်းထပ်ဆက်ရ မပြီးသေး အတည်တို့ကိုပါ ခေါ်ရ အသည်းကမလိုက်ဘူးဆို၍ အထူးသည် အသည်းဆီကို ကိုယ်တိုင်ပြန်ဆက်ရနှင့် ကမ်းနားလမ်းမရောက်မချင်း ဖုန်းပြောလို့မပြီးစီးနိုင်။
"အသည်းရယ် ခဏလေးပါပဲဟယ်...အပြန်မနောက်ကျစေရဘူး ငါတို့ပါ နင့်ကိုလိုက်ပို့ပေးပါ့မယ်"
" ငါက မေမေမရှိလို့ အိမ်မှာတစ်ယောက်ထဲဖြစ်နေလို့ အပြင်မသွားဖို့လုပ်နေတာ"
"အဲ ဒါဆို အိမ်မှာနင်တစ်ယောက်ထဲအိပ်ရမှာလား ငါ အဖော်လာအိပ်ပေးရမလား"
"ရတယ် အိပ်တာကျတော့ ငါ အတည်တို့အိမ်မှာ သွားအိပ်ရတာပေါ့ နေ့ဘက်ပဲ အိမ်ပြန်တာ... အေးပါ ပြီးရော ငါတို့လာခဲ့ပါ့မယ်"
"အဲလိုလုပ်စမ်းပါ အသည်းရာ... "
အထူးသည် dashboardပေါ် ဖုန်းချရင်း တစ်ယောက်ထဲ ပွစိပွစိလုပ်တော့သည်။
"ငါထင်သားပဲ... ငါ့ဖအေက ပျောက်ချက်သားကောင်းနေပါတယ်လို့... အသည်းရဲ့အမေ ခရီးသွားနေလို့ အသည်းကသူတို့အိမ် ခဏရောက်နေတယ်တဲ့... အသည်းနဲ့အတူ အိုးမကွာ အိမ်မကွာရှိနေလို့ အိမ်ဘက်မလှည့်လာတာကိုး..."
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
