သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...

PART 34

  PART 34

  လက်ထပ်စာချုပ်တွင် တရားဝင် လက်မှတ်ထိုးခြင်း ပြီးစီးသွားသည်နှင့် အကုန်လုံးကို တန်းမောင်းထုတ်လိုက်ပြီး သူနှင့်အထူးသာ အခုထိ အခန်းထဲမဝင်ရသေးဘဲ ဧည့်ခန်းမှာရှိနေလျက်နှင့် သူ့ရင်ခွင်မှာ ပြန်အိပ်ပျော်သွားလေပြီ။

   အရင်ဦးဆုံး သူ အရမ်းလွမ်းနေခဲ့ရသော နှုတ်ခမ်းလေးဆီ တိုးဝင်သွား၏။ ဒီနှုတ်ခမ်းလေး၏ ထွေး ထွေးအိအိလေး‌ကို အရမ်းလွမ်းနေခဲ့တာ...

“အင့်..”

  အထူးဆီမှ ညည်းသံသဲ့သဲ့လေး လွင့်လာလျှင် တစ်ချက်ရပ်လိုက်ပြီး စိုလူးလက်စ အောက်နှုတ်ခမ်းလေးကိုအသည်းယားစွာ ခပ်ဖွဖွလေး တဖန် ဆွဲကိုက်နေမိပြန်သည်။

  အပြင်မှာရှိ‌နေသသည်မို့ ချစ်ချင်သလို အပြည့်အဝမချစ်နိုင်သေးပေမဲ့ ဒီအနေအထားတင် သူရင်ခုန်သံတို့က ကျွဲရိုင်းတစ်ကောင်လိုပင် အတွေးတို့က တွေးချင်သလို တွေးနေမိပြီ။ ကိုကိုတော့ ဒီည မင်းကို ဘယ်နည်းနှင့်မှ အလွတ်မခံဘူး အထူး။

  ကျန်ခဲ့သော စက္ကန့်ပိုင်းအတွင်းမှာပင် အထူးက သူ့မဇနီးဖြစ်လာသည်။ ထူးချွန်ထက်က သူ့ညီမလေးကနေ သူ့ချစ်သူဖြစ်လာကာ ထိုမှတဆင့်  ချစ်သူကနေ အခု ဇနီးဖြစ်လာတယ် ဆိုသည့်ဖြစ်စဉ်ကို ပြန်တွေးကြည့်လိုက်တော့လည်း လှိုက်မောဖွယ် ရင်ခုန်ကြည်နူးစရာကောင်းသည်။

  သူ့ဘဝမှာ ဒီကောင်မလေးကသာ စိုးမိုးနေခဲ့ပြီး ဘဝရဲ့ပထမဆုံး‌ရင်ခုန်သံကို လက်ထပ်ခွင့်ရလာသည့်ကောင်၊ တော်တော်လေး ကံကောင်းသောလူသားဖြစ်မယ် သူက...

  ကိုယ့်တရားဝင် အပိုင်ဆိုသည့်အသိနှင့် ဒီညမှာ အထူးကို မတရားစားချင်လာတော့သည်။ တကယ်တော့ စားချင်နေတာက ချစ်သူဘဝထဲကပါ။ သူမစားရက်လို့သာ အထူး လတ်လတ်ဆက်ဆက်ကျန်နေတာ သူသာစားပစ်လိုက်လို့ကတော့ အထူးတို့ ဘယ်လိုတောင် အနိုင်ယူဦးမလဲမသိ။

  ချစ်ရသူကောင်မလေးကို  အခန်းထဲသို့ ပွေ့ချီလာတော့၏။ မွေ့ရာပေါ် အသာလေးချကာ သူပါဘေးမှာ ဝင်လှဲချလိုက်ပြီး တစိမ့်စိမ့် ငေးကြည့်နေမိသည်။