PART 44
ဆေးရုံရှိ ကန်တင်းတွင် တည်ကြည်ခံ့အိမ်နှင့် လွန်းသစ်ချိုမွှေးတို့ ကော်ဖီဝယ်နေကြသည်။
"ကိုကို လွန်းကို ကော်ဖီဝယ်တိုက်ပါဆို"
"မွဲနေလား ကိုယ့်ဟာကို ဝယ်သောက်"
"ဟွန့်... ကပ်စီးနည်းကော်တရာ လူကြီး"
"နည်းနည်းပဲ"
"နည်းနေ.... မအသည်းဆီကနေ တစ်သက်လုံးငြင်းခံနေရပါစေ"
"ဪ မင်းမကြားရသေးဘူးပဲ... အဟား ငါနဲ့အသည်းကတွဲနေကြပြီ အဲတော့ မင်းဆုတောင်းအတွက် စိတ်မကောင်းဘူး ကလေးမ"
ဟူ၍ ကော်ဖီဘူးကိုင်ခွက်ထားသည့်လက်မှ လက်ညှိုးနှင့် လွန်းနဖူးကိုဖိလိုက်သဖြင့် ထိုလူကြီးကို မျက်စောင်းထိုးလိုက်သည်။
မအသည်းတို့ လူရွေးမှားပြီ ဒီလူရူးနေတာကို မသိဘူးလားမသိ။
နှစ်ခွက်တောင်ဝယ်ထားတာပဲ နောက်တစ်ခွက်လောက်ထပ်ဝယ်ရင် သူမွဲသွားမှာမို့လား ဟွန့်...။
နောက်ဆုံးတော့ လွန်းမှာ Take awayမှာပြီး ကော်ဖီဆိုင်မှာထိုင်သောက်နေသော လူကြီးဆီကို နှုတ်ခမ်းမဲ့ပြရင်း ကိုယ့်ဘာသာဝယ်သောက်လိုက်ရသည်။ အဖော်လည်း လိုက်လာပေးရသေးတာကို စေတနာကင်းမဲ့ပုံများ မာမီတို့သားမက်လောင်းက....
"Latteတစ်ခွက် take awayပဲ"
"Latteတစ်ခွက် take away"
လွန်းနှင့်ဆင်တူသော အော်ဒါမှာမှုတစ်ခုက နောက်ကျောကနေ အသံထွက်လာသည်။ လှည့်ကြည့်မိလိုက်လျှင်....
ဝိုး... ဒေါက်တာ uniformနှင့် မာမီ၏ဒုတိယသားမက်လောင်းကြီး ဖြစ်နေသည်ပဲ။
အဆင်မှန်သမျှ မာမီ့ကိုသားမက်တော်စေချင်နေတာက စိတ်ရင်းစေတနာအမှန်ပါပဲ။
လွန်းသည် ထိုဒေါက်တာကို နောက်တစ်ခေါက် ကြည့်စရာမလိုသွားအောင် သေချာနေသောစိတ်ထားနှင့် ချက်ချင်းပင်ရှေ့လှည့်လိုက်ပြီး လက်ထဲ၌အသင့်ရှိနေသောATMကတ်ကို Cashierအား အမြန်လှမ်းပေးလိုက်သည်...
"နှစ်ခွက်စာလုံးအတွက် ရှင်းမယ်"
"ရှင် ဪ ဟုတ်ကဲ့ရှင့်"
YOU ARE READING
သူ့ထံသို့အပ်နှံထားသော ငါ၏ချစ်ခြင်း ထာဝရရှင်သန်စေသတည်း...
Romanceကိုကိုနဲ့ ညီမလေး ဇာတ်လမ်း
