٢٣
بدأ مصطفى يومه بإستيقاظه على الفجر وكعادته فهو في بعض الأحيان المؤذن للمسجد القريب من منزله خصوصا الفجر، يكون المؤذن والامام ايضا، وبعد انتهاءه من صلاة الفجر وقول الاذكار وااتسبيح والتكبير والتهليل فور طلوع الشمس بدأ في البحث عن عمل.
ولكن لم يكن الامر بتلك السهولة، فبعدما قدم طلبات لخمسة شركات تم رفضه منهم كلهم.
عاد إلى المسجد قبيل صلاة الظهر بساعة تقريباً. وجد شيخ المسجد وهو ينظفه، فدخل مصطفى المسجد وهو يقول:
_السلام عليكم
_وعليكم السلام ورحمة الله وبركاته... إزيك يا شيخ مصطفى، أخبارك إيه؟
_عنك يا شيخ، أنا هنضف وارتب الدنيا.
_يا بني، ما أنت عملت كده إمبارح.
_أنا عايز أكون مسؤول عن المسجد في الفترة دي...منا فاضي بقا، تسمحلي اأذن انا في كل الصلوات وأأم الناس؟
_طبعاً يا بني، طبعاً. دا أنت أكتر علم مني وفضيلة، ما شاء الله عليك.
ابتسم مصطفى ابتسامته البشوشة وقال:
_أعوذ بالله يا حج، أنا زي أي حد... نسأل الله الإخلاص، نسأل الله الإخلاص.
بدأ مصطفى ينظف ويرتب المكان وينشر رائحة المسك، وجلس قليلاً إلى أن أتى وقت أذان الظهر. وبعد صلاة النافلة والاقامة وصلاة الفرض، وفور انتهاء مصطفى من اللاستغفار والتسبيح والتهليل والتكبير وقراءة آية الكرسي، التفت للمصلين ووجد الهم يعتلي وجوههم...وملامحهم شاردة دابلة.
_مالكم يا رجالة؟
_مالنا إيه يا شيخ؟ أنت مش شايف اللي إحنا فيه؟ كلنا بقينا عواطلية... إحنا اللي قعدنا في شغلنا أكثر من عشرين سنة نترمى الرمية السودة دي؟
_كل دا ابتلاء من ربك... متجزعوش... محدش فيكوا يجزع، فوضوا أمركوا لله واصبروا واحتسبوا، عشان بحجم صبركوا ربنا هيعوضكوا عوض كبير...
صمت مصطفى قليلاً ثم قال:
_إحنا عايشين في زمن اللي يقاوم فيه بيتقتل... أحسن مقاومة تعملوها إنكوا تعاندوا وتسعوا بقدر الإمكان وتصبروا... أي ضغط من أهلكوا تجاهلوه، خلوهم برضو يصبروا ويدعوا.
قال رجل:
_أنا صاحبي اتباع يا شيخ... مراته باعته... إحنا مش هنستنى نتباع إحنا كمان... هنجيب فلوس منين بسرعة قبل ما يبيعونا؟
_وإنت تخاف من مراتك ليه؟ إنت مش راجل؟ ادبها ومتخليهاش تعمل أي حاجة إلا بإذنك.
قال رجل آخر:
_صح... أنا أصلاً بفكر أبيعها هي أحسن.
نظر مصطفى للرجل وقال بغضب:
أنت تقرأ
سوق الأنام: لعنة النجوم السبعة
Mystery / Thrillerفي المستقبل، حيث يزداد العالم وحشية وبرودًا، أصبح بيع الناس قانونيًا بشكل رسمي حول العالم. استجابت الشعوب لهذا الأمر وبدأ معظم العائلات في بيع فرد أو اثنين أو أكثر من أهلهم، دون معرفة المكان الذي يشتريهم. يعيش نوح في هذا الزمن وهو يعاني من الوحدة وا...
