١٠
نظرت نجلاء إليه بأعين جاحظتان من شدة الصدمة:
_نسمة؟؟؟
_أيوة.
_مستحيل... ازاي يعمل كده؟
_أنا كنت هتجنن والله يا نجلاء... قال لي إنه قفشها بترقص على التيك توك... وقرر يغسل عاره والهبل دا ويبيعها بقى.
_هي دي حجته يعني؟ دي عندها تلتاشر سنة.
ظل مصطفى صامتًا وهو يشعر بالأسى منزعجًا متحسرًا، ونجلاء ستجن من غضبها وقهرتها علي الطفلة، فنسمة كانت مقربة منها للغاية، وكانت بمثابة ابنة لها.
_الموضوع مابقاش يتسكت عليه... ازاي العالم يكون ساكت على حاجة زي كده؟ ازاي دا يكون قانوني؟
_المشكلة إنك كل ما تيجي تسألي يرفضوا يتكلموا... وكأنهم هيتقتلوا مثلاً.
كانت نجلاء من القلائل الذين يتحدثون ويتناقشون عن هذا الأمر في مواقع التواصل الاجتماعي ورغم مجهوداتها التي جذبت الإعلام والشعب لها إلا أنها تريد أن تحقق في الأمر أكثر، تريد أن تقوم بتحذير الناس بطرق مختلفة عن المقالات، وهنا قالت له:
_مصطفى، شوية المقالات اللي بكتبهم دول مش هينفعوا... تسمحلي أطلع برا؟
_يعني إيه؟
_أدور... أسأل... أصور... أي حاجة...
صمت مصطفى قليلاً ثم قال:
_ماشي... وأنا هكون معاكي عشان أساعدك، ولو مكنتش معاكي أبقى عرفيني خطواتك كلها.
*******
بعد المغرب، عاد عمر إلى المنزل ومعه بعض الملابس والإكسسوارات لشيماء، فهو يريد ان يجبر بخاطرها بعد المشكلة الأخيرة ويريد ان يظهر حبه لها الذي كان يمنعه عن اظهاره العمل الدائم
دخل غرفتها وبيده الحقائب، وكانت جالسة على هاتفها وتفاجأت بقدومه.
_إيه دا يا حبيبي جيت بدري؟
_قررت مروحش العيادة النهاردة لما شوفت جدول الجلسات فاضي.
نهضت بسرعة وهي سعيدة، واحتضنته بشدة وهي تقول:
_أخيراً هقعد معاك أكتر من أربع ساعات، أنت واحشني أوي.
ضحك وقبلها وأعطاها الحقائب وهو يقول بإبتسامه عريضة جميلة:
_شوفي جايبلك إيه.
_إيه دا؟ دول ليّا؟
_أيوة.
"لا."
_يا حبيبتي، ليكي والله... كل دول ليكي.
سعدت سعادة عارمة وهي لا تصدق، بدأت تفتح الحقائب وتشاهد ما ابتاعه لها بحماس ولهفة وكانت الهدايا جميلة حقاً، وقالت هنا:
أنت تقرأ
سوق الأنام: لعنة النجوم السبعة
Mystery / Thrillerفي المستقبل، حيث يزداد العالم وحشية وبرودًا، أصبح بيع الناس قانونيًا بشكل رسمي حول العالم. استجابت الشعوب لهذا الأمر وبدأ معظم العائلات في بيع فرد أو اثنين أو أكثر من أهلهم، دون معرفة المكان الذي يشتريهم. يعيش نوح في هذا الزمن وهو يعاني من الوحدة وا...
