'အကယ်၍ဒီနေ့ဆေးစစ်ချက်မှာသာ. . . ကျွန်မကအပျိုစင်မဟုတ်တော့ဘူးဆိုရင် ဘယ်လိုလုပ်မလဲ'
ထောင်း. . (တုတ်ကောက်နှင့် ကြမ်းပြင်ရိုက်ခတ်သံ)
အမရာ၏စိုးရွံ့နေသောမေးခွန်းအပေါ် အဘိုးလူသာက ဒေါသပုန်အကြီးအကျယ်ထသွားလေသည်။
မြို့စားကတော် ပန်းချီဆွဲခန်းမှာ အဘိုးလူသာနှင့် အမရာ နှစ်ယောက်ထဲ မျက်နှာချင်းဆိုင်ထိုင်နေကြပြီး အခန်းက သာမန်ထက်ပို၍ တိတ်ဆိတ်လျက်. .
အဘိုးလူသာက သူ၏တုတ်ကောက်ကို ကြမ်းပြင်မှာတစ်ချက်ဆောင့်ချလိုက်ပြီး အမရာထိုင်နေသောထိုင်ခုံဆီသို့ ထလာလေသည်။
"အေး. . . အဲ့တာဆို ဘာမှဆက်ပြောစရာမရှိတော့ဘူး၊ မင်းအိမ်ပြန်ရုံပဲရှိတယ်။ ပိုက်ဆံလည်း တစ်ပြားမှရမှာမဟုတ်ဘူး။ အရှက်တကွဲအကျိုးနည်းနဲ့ အိမ်ပြန်ရမှာ။ ဘာမှအသနားခံပိုင်ခွင့်မရှိဘူး။"
'ဒါပေမယ့်. . ဒါပေမယ့် ဘိုးဘိုးလူသာရယ်. . အဲ့ညက ကျွန်မချောက်ချခံရတဲ့အကြောင်း ဘိုးဘိုးကို ရှင်းပြပြီးပြီလေ. . တရားခံကလည်းသူလုပ်တာပါလို့ ပြောတာပဲဟာ။'
"မဟုတ်ဘူး. . . . အဲ့နေ့ညက အဖြစ်အပျက်မှာ ဘာမှသက်သေမကျန်ဘူး။
အကယ်၍အလက်ဇန္ဒားက သူလုပ်ပါတယ်လို့တခြားသူတွေကို ပြောလာခဲ့ရင်တောင် မင်းဟာ လက်မထပ်ရသေးခင်မှာ ကိုယ့်ရဲ့အပျိုစင်ဘဝကို မထိန်းသိမ်းနိုင်တဲ့အတွက် မြို့စားကတော်ဖြစ်ဖို့ အရည်အချင်းမပြည့်မှီတော့ဘူး။ မင်းကို vassal တွေကဝိုင်းကန့်ကွက်ကြလိမ့်မယ်။ သူတို့တွေက နဂိုထဲက ဒီလိုဖြစ်စေချင်နေတာ. . .
ဆာဂျွန်နဿန်ကလည်း အဲ့တာကြောင့် မင်းကိုလက်မထပ်ရသေးမချင်း အိမ်တော်ထဲက အပြင်ပေးမထွက်ဖို့ မှာထားတာ. .
မင်းတစ်ခုခုဖြစ်သွားမှာစိုးလို့၊ မင်းကိုလုပ်ကြံသူပေါ်လာမှာစိုးလို့ပေါ့. .
နောက်ပြီး
အလက်ဇန္ဒားက ဖရန့်စစ်မျိုးနွယ်ထဲက သားတော်တစ်ယောက်
သူဟာ ဘယ်လောက်ယုတ်မာနေပါစေ၊ ဘယ်သူမှ သူ့ကိုထိပိုင်ခွင့်မရှိဘူး။
YOU ARE READING
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
