ခပ်ခွာခွာနေမယ်လို့ ပြောမိလိုက်တဲ့အချိန်ကစပြီး အမရာတစ်ယောက် အဲလက်စ်ကို တောက်လျှောက် စိတ်ကောက်လာခဲ့ပါသည်။
ဗီယင်နာကို အသွားလေယာဉ်ပေါ်မှာလည်း အဲလက်စ်က အတင်းလိုက်ချော့တာတောင် စကားကောင်းကောင်းပြန်မပြောတော့ပါ။
>>သူက သူ့အမျိုးတွေရှေ့မှာ ငါ့ကိုလူရာမသွင်းချင်ဘူးပေါ့. . .
သိပါပြီ၊ ဘာဖြစ်လို့ ဗင်းနစ်မှာငါ့ခြေထောက် ဒဏ်ရာရတာကိုအကြောင်းပြပြီး၊ လင်မယားကွဲတော့ပြဲတော့မလို ကောလဟာလထွက်အောင် လုပ်ခဲ့သလဲဆိုတာ. . .
ငါ့လက်ကို တက်နင်းပြီးမှ လူရှေ့သူရှေ့မှာ လက်ဒဏ်ရာရနေလို့ အစားအသောက်တောင် ခွံ့ကျွေးနေရတယ် ဆိုတာမျိုး သောက်ပိုတွေလုပ်ပြီး အားလုံးအထင်လွဲအောင် လုပ်ခဲ့သလဲဆိုတာ
အခုမှ ပြန်တွေးကြည့်ရင်. . . သူက အများအမြင်မှာ အိမ်ထောင်ရေးအဆင်မပြေသလိုမျိုး နေချင်နေတာပဲ။
ဘာလဲ သူ့အမျိုးတွေက သူနဲ့တခြားတစ်ယောက်ကို သဘောတူထားလို့များလား။
ဒီလိုမျိုးအဖြစ်အပျက်တွေကို စာအုပ်တွေတော်တော်များများမှာ ဖတ်ဖူးတယ်။ Shirley P Glass ရေးခဲ့တဲ့ Not "Just Friends" (သူငယ်ချင်းမကဘူး) ဆိုတဲ့စာအုပ်တို့၊ Mira Kirshenbaum ရေးခဲ့ဖူးတဲ့ Why Good People Have Affairs (သူတော်ကောင်းတွေ ဖောက်ပြန်တဲ့အခါ) ဆိုတဲ့စာအုပ်မျိုးတွေမှာဆို အခုအဲလက်စ်ရွှေ့နေတဲ့ အကွက်ဆန်ဆန်လိုမျိုးတွေ ပါတယ်။
အိမ်ကမိန်းမနဲ့ မတည့်ချင်ယောင်ဆောင်ကြတာဟာ ဖောက်ပြန်တဲ့ယောကျ်ားတွေက စိတ်မလုံလို့လုပ်တဲ့ လုပ်ရပ်တွေတဲ့<<
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
(ဒီနေရာမှာ စာရေးသူအနေနဲ့ တစ်ခုဆွေးနွေးလိုတာက အိမ်ထောင်ရေး ဖောက်ပြန်ခြင်းရဲ့ နောက်ခံစိတ်ပိုင်းဆိုင်ရာ အကြောင်းပဲဖြစ်ပါတယ်။ အိမ်ထောင်ရေးဖောက်ပြန်ကြတဲ့အမျိုးသား အများစုဟာ သူတို့အိမ်က မိန်းမနဲ့ အဆင်မပြေတတ်ကြပါဘူး။ ဒါပေမယ့် ဒီလိုအဆင်မပြေမှုတွေ ဖြစ်လာတဲ့ စုံတွဲအများစုမှာ မဖောက်ပြန်ခင်က အဆင်မပြေကြတာ မဟုတ်ဘဲ၊ အသစ်တွေ့လာတော့မှ သို့မဟုတ် ဖောက်ပြန်ပြီးခါမှ အိမ်ကမိန်းမနဲ့ အဆင်မပြေမှုတွေ ဖြစ်လာအောင် ဖန်တီးယူကြတာမျိုးပဲဖြစ်ပါတယ်။ (Glass & Wright, 2010)
ESTÁS LEYENDO
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
