'ဟယ်. . . လှလိုက်တဲ့ ကျုးလစ်ဖြူတွေ'
ကျုးလစ်ဖြူတွေ တန်းစီပြီးစိုက်ပျိုးထားသော လွင်ပြင်ကျယ်ကြီးရှေ့သို့ အမရာရောက်နေပါသည်။ လေထဲမှာလည်း လတ်ဆတ်မွှေးပျံ့တဲ့ သစ်ရွက်သစ်ခက်တို့ရနံ့တွေက သင်းပျံ့လို့
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
အဲလက်စ်က သူမနံဘေးမှာ ဒူးတစ်ဖက်ကိုထောက်၍ထိုင်ချလိုက်ပါသည်။
"အမရာ. . . မောင့်အချစ်လေး"
အမရာက အဲလက်စ်ကို ငုံ့ကြည့်လိုက်စဉ် အဲလက်စ်ကသူ၏အိတ်ကပ်ထဲမှ ကတ္တီပါဘူးလေးတစ်ဘူးကို ထုတ်ယူလိုက်လေသည်။
"မောင့်ကို လက်ထပ်ပါ"
အဲလက်စ်က ပြောရင်းနှင့်လက်ထဲက ဘူးကလေးကိုဖွင့်လိုက်တော့ အထဲမှာ စိန်လက်စွပ်ကလေး. .
(ထိုစိန်လက်စွပ်က သူတို့နှစ်ယောက် နော်ထရီဒမ် ဒလာဖရန့်စစ် ဘုရားကျောင်းမှာ လက်ထပ်ခဲ့ကြတုန်းက လက်စွပ်နှင့် ချွတ်စွပ်)
အမရာလည်း အဲလက်စ်၏ တည်တည်တံ့တံ့နှင့် လက်ထပ်ခွင့်တောင်းလာခြင်းအပေါ် ရှက်လည်းရှက်သလို ရင်တွေလည်း ခုန်မိပြန်သည်။ သူမမျက်နှာလေး ရှက်သွေးဖြာသွားသည်ကို သူမကိုယ်တိုင် သတိမထားမိချေ။
ပျော်တဲ့ခံစားချက်လည်းပါတာပေါ့။ မမျှော်လင့်ဘဲ ကိုယ်တောင်းတနေတဲ့ ဆန္ဒလေးတစ်ခု ပြည့်ဝသွားသလိုမျိုးပါ။
>>ကျွန်မ အိမ်မက်မက်နေတာလား<<
"တစ်ခုခုပြန်ဖြေအုံးလေ ရာရာရဲ့"
'အို. . . အဲ. .'
သူမ ကြောင်အမ်းအမ်းဖြစ်သွားပြီးမှ ခေါင်းတွေတဆတ်ဆတ်ညှိမ့်ကာ
'I do. .. . Yes, yes . . I do'
မျက်ရည်လေးတွေတောင် အလိုလိုမျက်ဝန်းထဲမှာ ဝဲတက်လာသည်အထိ. .
KAMU SEDANG MEMBACA
Beloved Amara (ချစ်သော အမရာ)
Romansaငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
