နောက်တစ်နေ့မနက် သတင်းစာရဲ့ ခေါင်းကြီးပိုင်းမှာရော၊ မီဒီယာတွေမှာပါ အသစ်စက်စက် လက်ထပ်လိုက်သော အလက်ဇန္ဒားဖရန့်စစ်တို့လင်မယား စလွယ်ဝင်ဖင်မမည်းခင် ကွဲကြတော့မည်ဟူသော ခေါင်းစဉ်ဖြင့် ထိပ်စီးသတင်းပါလာခဲ့ပါသည်။
Divorce Guarantee!
သတို့သားက သတို့သမီးကို မင်္ဂလာဦးညမှာ ပါးတစ်ချက်ရိုက်ပြီး အိပ်ခန်းထဲက ပြန်ထွက်သွားသည်ဟူသော ကိစ္စမှာ -
မနေ့က တစ်နေကုန် မင်္ဂလာဆောင်မှာဖြစ်ပျက်ခဲ့သမျှ အရာရာအားလုံး၏ အဆုံးသတ် အချိုပွဲလေးအဖြစ် နိဂုံးချုပ်လိုက်စေသည်။
အလက်ဇန္ဒားတို့ကွာရှင်းကြတော့မည်မှာ မြေကြီးလက်ခတ်မလွဲပင်ဖြစ်သည်ဟု အားလုံးက ယုံကြည်ထားကြသည်။
အလက်ဇန္ဒားအိပ်ရာက ထသည်နှင့် တင်မိုးသီးက မနက်ခင်းသတင်းစာလေးကို ပြုံးပြုံးကြီးယူလာပြလေသည်။
'ဘွန်ယူး မီလော့. . မီလော့အတွက် သတင်းကောင်းလေးတွေ ပါပါတယ်'
သတင်းစာကို အလက်ဇန္ဒားလက်ထဲ ထည့်ပေးလိုက်သည်။
"ဟာ. . ဟေ့ကောင်"
အလက်ဇန္ဒားမျက်လုံးပြူးသွားပြီးမှ သတင်းစာကိုဘေးချကာ သူ့နဖူးသူကိုင်လိုက်မိသည်။
'ဖြစ်ပြီပေါ့. . .ကျွန်တော့်ပြောစကားမှနားမထောင်တာ'
"ဖာခ့်. . . ဒါ. .. ငါ့ကိုယ်ရေးကိုယ်တာလေ. . သူတို့က ဘာလို့လိုက်နှောက်ယှက်နေကြတာလဲ"
'အရင်တုန်းက မီလော့ဘာလုပ်လုပ် အားလုံးကဘေးမဲ့ပေးထားပေမယ့် အခုကတော့ မီလော့က Duke ကြီးတစ်ယောက် ဖြစ်သွားပြီလေ. . . အဲ့တော့ ယခင်မြို့အုပ်မင်းဟောင်းရဲ့ လုပ်ငန်းတွေကလည်း မီလော့ရဲ့ လက်ထဲကို ရောက်လာတဲ့အခါ. .
သူတို့မျက်စေ့ကျလာပြီပေါ့'
"ချီးပဲကွာ. . .
အဲ့တာနဲ့ မနေ့က သူကဘာဖြစ်ရတာလဲ"
'အဲ့တာက တကယ်တော့ ကောင့်တက်စ်ဟေလ်းရဲ့လက်ချက်ပါ။ မဒမ်က တကယ်တော့ ဘာမှမသိရှာပါဘူး။ သူသခင်ကြီးကိုတမင်အရွဲ့တိုက်တာလည်း မဟုတ်ပါဘူး။'
أنت تقرأ
Beloved Amara (ချစ်သော အမရာ)
عاطفيةငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
