Monastiraki Flea Market သည် ရန်ကုန်မြို့ ဗိုလ်ချုပ်ဈေးကဲ့သို့ပင် cobble ကျောက်တုံးလေးများကို ခင်း၍တည်ဆောက်ထားသော ရှေးသမိုင်းဝင်ဈေးကြီးတစ်ခုဖြစ်လေသည်။
သမိုင်းအဆိုအရာ ၁၀ ရာစုနှစ်ကတည်းကပင် ဘုန်းတော်ကြီးကျောင်းပြုလုပ်ရန် ရည်ရွယ်ချက်ဖြင့် တည်ဆောက်ထားခဲ့ကြပြီး နောက်ပိုင်းတွင် ပျံကျဈေးအဖြစ်ပြောင်းလဲသွားခဲ့ခြင်းဖြစ်သည်။
ဈေး၏ဗိသုကာမှာ အာရပ်ဆန်ဆန် အငွေ့အသက်များ လွှမ်းမိုးနေပါသည်။ ဈေးထိပ်က ရှေးဟောင်းအဆောက်အအုံကို မြင်လိုက်သည်နှင့် ဆရာကြီးဦးဖေမြင့် ဘာသာပြန်ပေးခဲ့သော ဘေဘီလုံမှာ အချမ်းသာဆုံးပုဂ္ဂိုလ် The Richest Man in Babylon (Clason, 1926) ထဲက ဘေဘီလုံမြို့ဟောင်းထဲ ရောက်သွားသလိုလို၊ ဆရာကြီးမြသန်းတင့် ဘာသာပြန်ခဲ့ဖူးသော ရွှေပြည်တော်မျှော်တိုင်းဝေး The Far Pavilions (Kaye, 1978) ဇာတ်လမ်းလေးထဲက ရှေးခေတ်အိန္ဒိယဘက် နွယ်သွားသလိုလို ခံစားရပါသည်။
မျက်စိတဆုံးတွင် အရောင်စုံအသွေးစုံလင်သော ဈေးဆိုင်ငယ်လေးများ တန်းစီရှိနေပြီး၊ ရှေးဟောင်းပစ္စည်းများ၊ အာလာဒင်မီးခွက်မှအစ ဒန်အိုးဒန်ခွက်နှင့် ငွေထည်ကြေးထည် ရေနွေးခရား၊ ရေဖလားတို့နှင့် လင်ဗန်းများ၊ ကျောက်မျက်ရတနာများ၊ အဝတ်အစားများ၊ ဂရိရိုးရာ ဂစ်တာနှင့် အခြားတူရိယာများ၊ လက်မှုပစ္စည်းများကို ရောင်းချနေကြပါသည်။
မြန်မာဘူးသီးခြောက်ဗျပ်စောင်းနှင့် အလားသဏ္ဍန်တူသော Kithara (ယခုခေတ် ဂစ်တာ) ဟုခေါ်သည့် ကြိုးတပ်တူရိယာသည် ဂရိကြေးခေတ်တွင် ကမ္ဘာ၌ စတင်ပေါ်ပေါက်ခဲ့ခြင်းဖြစ်ပါသည်။
အချို့နေရာများတွင်တော့ ခေတ်မှီဆိုင်ခန်းအခင်းအကျင်းများနှင့် ဥရောပဆန်နေပြန်သည်။ ဥရောပနှင့် အရှေ့အလယ်ပိုင်းတို့ရောပြွမ်းနေသော နယ်နမိတ်ကလေး တစ်ခုဆိုရင်လည်းမမှားချေ။
ဈေးလမ်းကလေးအတွင်းတွင် ဂရိနိုင်ငံ၏ ဒေသခံလူနေမှုဘဝမျိုးစုံကို မြင်တွေ့နေရပြီး၊ ဈေးဝယ်နှင့် ဈေးသည်များ၏ ရောင်းဝယ်ဖောက်ကားနေကြသံတွေကို ကြားနေရသည့်အပြင် နှာခေါင်းထဲမှာလည်း ဆိတ်သားကင်နံ့၊ ဟင်းခတ်အမွှေးအကြိုင်နံ့၊ လိမ္မော်ခွံနံ့ စသည်ဖြင့် ရနံ့အမျိုးမျိုးကို ရရှိနေပါသည်။
ESTÁS LEYENDO
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
