အလက်ဇန္ဒားတစ်ယောက် အမရာဆိုတဲ့ အညတရပန်းလေးတစ်ပွင့်ကို ရက်ရက်စက်စက် နင်းချေပြီးမှ အားရကျေနပ်စွာ အခန်းထဲမှ ပြန်ထွက်လာခဲ့သည်။
အပြင်မှာလည်း အခါးသီးဆုံးတွေက သူ့အတွက်စောင့်ကြိုနေမှာ သေချာပေသည်။ သို့သော် အမရာ့ဘဝလောက်တော့ သူ့အနာဂါတ်က ခါးသီးမည်မဟုတ်. . .
အောင်မြင်ခြင်းဆိုတာဟာ လူကိုတကယ်ပျော်ဝင်မူးယစ်စေတတ်တာ အမှန်ပါ
ရန်သူတော်ကြီးကို ကိုယ့်လက်ထဲမှာ ကိုယ်တိုင်ကိုယ်ကျ ဖျက်စီးလိုက်ရတဲ့အရသာ
သူမရဲ့မျှော်လင့်ချက်မဲ့နေတဲ့အကြည့်
အမရာ၏ကျဆုံးခန်းအားလုံးဟာ အလက်ဇန္ဒားကို ပြည့်ဝကျေနပ်မှုအတိ ပေးစွမ်းနိုင်လေသည်။
တံခါးနှစ်ချပ်ကို တွန်းဖွင့်လိုက်သည်နှင့် vassal တစ်ဖွဲ့လုံးက အခန်းအပြင်မှာ ဝိုင်းထားကြလေပြီ. .
အလက်ဇန္ဒားက အပေါ်အကျီၤမပါဘဲထွက်လာပြီး၊ ဝတ်ရုံကိုကျောကုန်းမှာလက်ညှိုးလေးဖြင့် ချိတ်ရင်း ခပ်ပြုံးပြုံးကြည့်လိုက်သည်။
သူတို့မျက်နှာတွေ တစ်ယောက်မှမကောင်းကြပေ။ ဟိုးထောင့်ဆုံးမှာ ယူလီရာဆိုသည့်အိမ်ဖော်မက မျက်ရည်စိုရွှဲနေသော မျက်ထောင့်နီကြီးနှင့် အလက်ဇန္ဒားကို စိုက်ကြည့်ကာ၊ ကိုယ့်နူတ်ခမ်းကိုယ် ပေါက်မတတ်ကိုက်ထားသေးသည်။ အလက်ဇန္ဒားထွက်လာသည်နှင့် သူမကလက်သီးကို ကျစ်ကျစ်ပါအောင်ဆုပ်ရင်း ဘာစကားမှမပြောဘဲ အခန်းထဲသို့ ဝင်သွားလေသည်။ သူမရဲ့အကြည့်တွေက လူသတ်သမားတစ်ယောက်လို စူးတောက်နေသည့် လေဆာအကြည့်တွေ
အလက်ဇန္ဒားက နဖူးမှဆံပင်ကိုသပ်တင်လိုက်စဉ်. .
"မင်္ဂလာပါ မီလော့ (Bonjour, Milord)"
အားလုံးက သူ့ကိုတညီတညွှတ်ထဲ ဦးညွှတ်ကာနူတ်ဆက်လိုက်ကြသည်။
မူခင်းတရားခံ တစ်ယောက်လို ဆဲဆိုရိုက်နှက်ပြီး အဖမ်းဆီးခံရဖို့အထိမှန်းထားသော အလက်ဇန္ဒား၏ မျက်လုံးများ နားမလည်နိုင်လောက်အောင် အေးခဲသွားပြီး. .
"Milord? (သခင်ကြီး?)"
အလက်ဇန္ဒားတို့ နားမလည်နိုင်သဖြင့် နှစ်ခါပြန်မေးမိလေသည်။
YOU ARE READING
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
