"သခင်ကြီးက မင်းကိုသူ့ရဲ့ဇိမ်မယ်တစ်ယောက်သာသာပဲ သဘောထားတယ်ဆိုတာ မင်းသိရဲ့လား"
အဘိုးလူသာ၏ ဒေါသမျက်လုံးတွေက ပြန်ကြည့်လိုက်ရင်ဖြင့် ပြာကျသွားတော့မလိုကို စူးရှတောက်လောင်နေသည်။ အမရာ့ကို ကပွဲခန်းမကနေ ပန်းချီဆွဲခန်းအထိ ခေါ်လာခဲ့ပြီးမှ လက်ထဲမှာ တုတ်ကောက်ကြီး တပြင်ပြင်ဖြင့် ကောင်းကောင်းကြီး ဆူပူမာန်မဲလေတော့သည်။
'ရှင်. . '
"မင်းကိုယ်မင်း မြို့စားကတော်ဖြစ်တော့မယ်ဆိုပြီး ဇောင်းကြွမနေနဲ့. .
မင်းကအခုထိသူ့ရဲ့တရားဝင်ဇနီး မဖြစ်သေးဘူးကွ. . .
အချိန်မရွေးဒုက္ခရောက်သွားနိုင်တယ် ဘာမှတ်နေလဲ. .
မင်း. ."
အမရာ့ကို တုတ်နှင့်ရိုက်ရန် ရွယ်လိုက်ပြီးတော့မှ
"မင်း. . . မင်းက သူနဲ့လက်မထပ်ရသေးဘူး။ ဟုတ်သားပဲ. . . ကြင်ယာတော်လောင်းအဆင့်ပဲ ရှိသေးတာ. . "
အဘိုးလူသာ၏ လေသံပြန်ပျော့သွားသည်။ လက်ထဲမှ တုတ်ကောက်ကို ပြန်ချကာ. . .
"ငါ မင်းကိုအခုချိန်မှာ ရိုက်နှက်မဆုံးမချင်ဘူး။ ဒါမင်းရဲ့ကိုယ်ပိုင်ဆုံးဖြတ်ပိုင်ခွင့်ပဲ။
မင်းမြို့စားကတော် ဖြစ်သွားပြီဆိုရင်တော့ ဒီလိုအပြုအမူတွေ လုပ်လို့မရတော့ဘူး၊ ဆင်ခြင်ရမယ်။ မြို့စားကတော်တစ်ယောက်ရဲ့ ဂုဏ်သိက္ခာနဲ့အညီ နေမှရမယ်. . ကြားလား"
'ဟုတ်ဟုတ်'
အဘိုးလူသာက ထိုင်ခုံမှာ ပြန်ထိုင်ရင်း
"ဟူး. . . သခင်ကြီးကတော့ မင်းကိုတော်တော်စိတ်ပျက်နေလောက်ပြီ။ ပြီးတော့ အဲ့ဒီ့အမှိုက်လိုကောင်ကို သွားမပတ်သက်ပါနဲ့လို့ ငါဘယ်နှခါပြောရမလဲ။ မင်းကြောင့် ငါတို့ဘားနက်မျိုးရိုး သိက္ခာကျတော့မှာပဲ . . . .."
'သမီး သူနဲ့သွားပတ်သက်ချင်လို့ ပတ်သက်တာမဟုတ်ပါဘူး'
"မလိမ်နဲ့ အမရာ. မင်းသူ့ကို ကပွဲခန်းမလယ်မှာသွားဆွဲတာ ငါ့မျက်စေ့နဲ့တပ်အပ်မြင်လိုက်တယ်။ မင်းပဲဇာတ်လမ်း သွားစခဲ့တာမှတ်လား"
ESTÁS LEYENDO
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
