"ဟာ. . .ဒါတွေက တကယ်အဓိပ္ပာယ်မရှိတဲ့ စွပ်စွဲချက်တွေပါဗျ။
ကျွန်တော်တို့ ဇနီးမောင်နှံရဲ့ ချစ်ခြင်းကို ပြိုကွဲစေချင်လို့ တမင်လူတွေအထင်လွဲအောင် လုပ်ယူထားတဲ့ သတင်းတွေပါ။
အဲ့ဒီ့နေ့က ကျွန်တော့်မိန်းမတုပ်ကွေးဖြစ်နေလို့ ကျန်းမာရေးအရ မနမ်းဖြစ်ခဲ့၊ မကဖြစ်၊ အိပ်ဆောင်မကူးခဲ့တာပါခင်ဗျ"
အမရာတစ်ယောက် သောက်ထားတဲ့ရေတောင် ပြန်သီးချင်သလိုဖြစ်သွားမိသည်။
>>တုပ်ကွေးဟုတ်လား. . နင်ငါ့ကို သချိုင်းကုန်းမှာ ညဘက်ကြီးဒူးထောက်ခိုင်းလို့ အအေးပတ်ပြီး ဖျားတာလေ. . ဘာတုပ်ကွေးလဲ. . ငါလုပ်လိုက်ရ<<
'ဒါဆို မင်္ဂလာပွဲမှာ ဆဲဆိုခဲ့တာနဲ့ ပတ်သက်ပြီးတော့ရော'
"ဟုတ်ပါတယ်။ အစမှာ ကျွန်တော်တို့ချင်း အထင်လွဲမှားမှုအနည်းငယ်နဲ့အတူ အသေးအမွှား ပရိပက္ခလေးတွေရှိခဲ့တာ ကျွန်တော်မငြင်းလိုပါဘူး။ သူနဲ့ကျွန်တော်နဲ့က လူမျိုးမတူ နောက်ခံယဉ်ကျေးမှုမတူတဲ့ လူစိမ်းနှစ်ယောက်ကိုး. .။ လူဆိုတာ အသားကျဖို့ အချိန်တစ်ခုတော့ လိုကြတာချည်းပဲလေ. . ။
အခုခင်ဗျားတို့မြင်တဲ့အတိုင်းဘဲ။ ကျွန်တော်တို့အိမ်ထောင်ရေးဟာ အရမ်းသာယာပါတယ်ခင်ဗျ။"
'ဟုတ်ကဲ့ပါ. .အခုလိုကြားရတာ ဝမ်းသာပါတယ်ဗျ. .
ဒါပေမယ့် ကျွန်တော်တို့တွေ ကြားသိရသလောက်ကလည်း မြို့စားကတော်ဟာ. . အစက ယခင်မြို့စားမင်းနဲ့ လက်ထပ်ဖို့သဘောတူထားတဲ့သူလို့ သိထားပါတယ်။
ယခင်မြို့စားမင်းမကွယ်လွန်ခင်မှာပင် ဧည့်ခံပွဲလုပ်ပြီး ၂ ပတ်အတွင်းလက်ထပ်တော့မယ့်အကြောင်း ကြေငြာခဲ့သေးတာမဟုတ်လားဗျ
အဲ့တာကြောင့် မြို့စားမင်းက ဖခင်ဈာပနအပြီးမှာ ယခင်မြို့စားမင်းရဲ့ကြင်ယာတော်လောင်းကို ကောက်ခါငင်ခါ လက်ထပ်လိုက်ခြင်းဟာ နောက်ထပ်အကြောင်းပြချက်ရှိလိမ့်မယ်ဆိုပြီး အများကဝေဖန်လာကြတာပဲ ဖြစ်ပါတယ်။'
"သြော်. . . ဘေးကလူတွေကလည်း ခက်ပါရဲ့ဗျာ. . ။
ကျွန်တော်မြို့စားကတော်ကို မြင်မြင်ချင်းပဲ ချစ်မိခဲ့တာပါ။ ဒါပေမယ့် ကျွန်တော့်အဖေနဲ့ မင်္ဂလာကိစ္စ ကြောင်းလမ်းထားသူဖြစ်နေတော့ ကျွန်တော် အလွန်ပဲကြေကွဲခံစားခဲ့ရပါတယ်ခင်ဗျ။
ESTÁS LEYENDO
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
