Beloved Amara (ချစ်သော အမရာ)

အပိုင်း (၄၁) Florence - Confession (Warning) ⚠️

နောက်တစ်နေ့ မနက်မှာတော့ Florence မြို့ကို သွားရောက်လည်ပတ်ရမည် ဖြစ်ပါသည်။ အမရာက မနေ့ညက နေသိပ်မကောင်းတာမို့ သူတို့အေးအေးဆေးဆေး အနားယူနေကြပါသည်။

တင်မိုးသီးတစ်ယောက်ကတော့ အနားမယူနိူင်ရှာပေ၊ အဲလက်စ်ခိုင်းထားသည်များကို ထိုင်လုပ်နေရင်း စိတ်ရူပ်နေလေ၏။

သူ့အခန်းထဲ Notebook ရှေ့တွင် headphone တပ်ရင်း ဗျာများနေခြင်းဖြစ်သည်။ ရေခွက်ကို မော့သောက်လိုက်တော့လည်း ရေကမရှိ. . .

>>ဟုတ်သားပဲ. . . ငါ မနက်စာတောင် မစားရသေးဘူးကို<<

ဖုန်းကိုခဏ အိတ်ထဲထည့်ကာ အောက်ထပ်သို့ ဆင်းလာခဲ့လိုက်သည်။

ထမင်းစားခန်းထဲတွင် ဘယ်သူမှမရှိ အကုန်လုံးရှင်းလင်းလို့

>>ကောင်းရောကွာ အခု ၁၀နာရီကျော်သွားတော့ serving time က ပြီးပြီပေါ့<<

ထိုစဉ် ယူလီရာတစ်ယောက် ပန်းကန်လှည်းကလေးကို တွန်းရင်း မီးဖိုချောင်ထဲသို့ ဝင်သွားသည်ကို တွေ့လိုက်လေသည်။

တင်မိုးသီးက သူမအနောက်မှ ပြေးလိုက်သွားပြီး

'ဟဲ့. . . နင် အဆင်ပြေလား'

ယူလီရာက နူတ်ခမ်းကို တင်းတင်းစေ့ကာ အဝေးသို့ ထွက်ပြေးရန် ကြိုးစားလေသည်။ တင်မိုးသီးက သူမလက်မောင်းကို လှမ်းဆွဲလိုက်ပြီး

'ဟဲ့. . . နင်ဘာဖြစ်နေရတာလဲ။ ငါပြောပြီးသားလေ. . ဘာမှ ပြသနာမရှိပါဘူးဆိုတဲ့ဟာကို'

ယူလီရာ ဘာမှပြန်မဖြေချေ။ သူမကို အတင်းဆွဲလှည့်ကာ မျက်နှာကို စေ့စေ့ကြည့်ပြီး

'ဟဲ့ . . . အဆင်ပြေရဲ့လားလို့ မေးနေတယ်နော်'

ဟုမေးလိုက်လျင်. . . မျက်ရည်တွေက တာကျိုးသလို ကျလာလေ၏။

= = = = =

ရောမမှာ အကြွေစေ့ပစ်မယ်ဆိုပြီး ရေပန်းဆီသို့ သူတို့ ၂ဦး nightout ထွက်ကြသည့်နေ့ကဖြစ်သည်။

ရေပန်းအကြောင်းပြ၍ နောက်ဆုံးတော့ ဘားဆိုင်တစ်ဆိုင်ကို ရောက်သွားကြသည်ဆိုပါတော့

နောက်ဆုံးမှာ ပြောရင်းဆိုရင်း သောက်ရင်းစားရင်း တစ်ညမတ်တပ်ရပ်ကြဖို့ နှစ်ဦးနှစ်ဖက် သဘောတူဖြစ်ကြလေသည်။