နောက်တစ်နေ့မနက်မှာတော့ အလက်ဇန္ဒားက အမရာ့အတွက် မင်္ဂလာဦး ချစ်သက်လက်ဆောင်ကို သေသေချာချာလေး စီစဉ်ထားပါသည်။
အလက်ဇန္ဒားခေါ်လိုက်သောကြောင့် အမရာက ခြံထဲသို့ဆင်းလာခဲ့ရပါသည်။
မနက်ခင်း နေရောင်နုနုသစ်သစ်လေးအောက်မှာ သစ်ရွက်စိမ်း မြက်စိမ်းစိမ်းလေးတွေက လတ်ဆတ်လို့. .
တံခါးဖွင့်လိုက်သည်နှင့် ဆောင်းလေသန့်သန့်အေးအေးလေးတွေကလည်း တိုးဝင်လာကြသည်။
အလက်ဇန္ဒားက Long coat အနက်ရောင်ကြီးကို ဝတ်ဆင်ထားပြီး လည်ပင်းမှာလည်း မီးခိုးရောင်မာဖလာကို အရှည်လိုက်ခြုံထားပါသည်။
ဘေးနားမှာ Dobermann ခွေးတွေကိုမှ ဆယ်ကောင်လောက်ရှိလိမ့်မည်။ သူတို့ရဲ့ကြိုးတွေကို အလက်ဇန္ဒားက လက်မှာကိုင်ဆွဲထားပြီး ၊ခွေးတွေရဲ့လည်ပင်းမှာလည်း အဆူးချွန်လည်ပတ်တွေနဲ့ . .
တကယ့်ရိုင်းလည်းရိုင်း ကိုက်လည်းကိုက်မည့် ခွေးဆိုးတွေ. .
အလက်ဇန္ဒားက အမရာကို ပြုံးပြုံးလေး သေချာစိုက်ကြည့်ရင်း လက်ကလေးကမ်းပေးသည်။ သူက ပြုံးလိုက်တော့မှ ပိုပြီးတော့တောင် ဆွဲဆောင်မှုရှိသွားသေးတယ်။
အရပ် ၈မျက်နှာမှာ ဘယ်သူမှမမှီနိုင်အောင် ချောမောနေတော်မူပြီး၊ အဝတ်အစားကိုလည်း သပ်သပ်ရပ်ရပ်နှင့် ယောကျ်ားဆန်ဆန်ဝတ်စားထား ပြန်တော့ မြင်မြင်သမျှ မိန်းကလေးတိုင်း သူ့ကိုသဘောကျမိမှာ အမှန်ပါပဲ. .
ဒါပေမယ့် အမရာ့အတွက်တော့ သူဟာ မင်းသားမျက်နှာဖုံးတပ်ထားတဲ့ ဆာတန် (Satan) ပါပဲ။
"လာ ချစ်လေး . တို့တွေလမ်းလျှောက်ထွက်ကြရအောင်"
အလက်ဇန္ဒား၏ အသံချိုချိုလေးနှင့် အသွင်အပြင်တို့က တခြားမိန်းကလေးတစ်ယောက်ဆို ခြေထောက်တွေ ညွှတ်ကျသွားနိုင်လောက်အောင် ကြွေစရာကောင်းပါသည်။ ဒါကြောင့်မို့ပဲ မပါးနပ်တဲ့ မိန်းကလေးအများစုက ဒီအဆိပ်မှိုကြီးကို စားမိကြတာဖြစ်ပါလိမ့်မည်။
'ချစ်လေး. .?'
>>လေသံတွေက တအားကိုနူးညံ့နေတာ. . လုံးဝသွေးရိုးသားရိုးမဟုတ်ဘူး။ ဘာလဲ. . ငါ့ကို ခွေးတွေနဲ့ ရှုးတိုက်အုံးမလို့လား
ESTÁS LEYENDO
Beloved Amara (ချစ်သော အမရာ)
Romanceငါသိပ်မုန်းတဲ့မိန်းမတစ်ယောက်ကို အဲ့လောက်ထိငါချစ်သွားရလိမ့်မယ်လို့ ဘယ်တုန်းကမှမထင်ထားမိဘူး။ ငါ့နှလုံးသားက ငါ့ကိုသစ္စာဖောက်သွားခဲ့ပြီ အမရာ . ပြင်သစ်မင်းဆက်မှ ဆင်းသက်လာတဲ့သားတော်တစ်ဦးနှင့် မြန်မာပြည်မှ ဥရောပအနွယ်ဝင် မိန်းကလေးတစ်ဦးတို့ရဲ့ အမုန်းပြိုင်လ...
