Announcement

788 72 35

di ThetTantYoung

di ThetTantYoung

Hello..?

Notification ကြီးထတက်သွားတယ်ဆိုတော့ အားလုံးပဲ Extra လို့ထင်သွားကြတယ်မို့လား။

မဟုတ်ရပါဘူးနော်။ တို့ Extra က မေ့လောက်မှတစ်ခါထုတ်မောင်းတဲ့ ဂိုဒေါင်ထဲက ကားအိုကြီး။ ><

ဒါပေမဲ့ မျှော်နေမယ်လို့ထင်တဲ့ တချို့စာဖတ်သူလေးတွေအတွက် သတင်းလေးပါ။ Extraတော့မဟုတ်ဘူး။ အချိန်အကြာကြီးနေတော့မှ နှောင်ကြိုးမည်သည်ရစ်ဖွဲ့သီစာအုပ်လေးကို စာဖတ်သူတို့လက်ထဲအရောက်ပို့ဖို့ စီစဉ်နေပါပြီလို့။ ရုတ်တရက်ကြီးထပြီးကြေညာတဲ့အတွက် အံ့ဩနေကြမယ်လို့လည်းထင်ပါတယ်။ တန့်ကိုယ်တိုင်လည်း ဒီစာအုပ်လေးထုတ်ဖို့အတွက် အရမ်း ရင်ခုန်ပြီး စိတ်လှူပ်ရှားနေခဲ့တာပါ။

အားလုံးသိကြတဲ့အတိုင်း Affection-နှောင်ကြိုးနဲ့ နှောင်ကြိုးမည်သည်ရစ်ဖွဲ့သီဟာတန့်ရဲ့ဘ၀မှာ အမှတ်အရဆုံးအားထုတ်မှုလေးတစ်ခုပါ။

စကားကြီးစကားကျယ်နဲ့ ပြောရမယ်ဆိုရင် သက်တန့်ရောင်ဆိုတဲ့ စာရေးသူရဲ့ စာပေမှတ်တိုင်တစ်ခုပေါ့လေ။ ၂၀၁၇မှာစာစရေးခဲ့ပေမဲ့ နှစ်နှစ်လောက်ထိ စာရေးတာနားလိုက်ပြီးမှ ၂၀၂၀ မှာပထမဆုံးပြန်ရေးခဲ့တဲ့

စာအုပ်လေးပါ။ ၂၀၂၂လောက်မှာတင် စာဖတ်သူတွေ လက်ထဲ ထည့်ပေးချင်ခဲ့ပေမဲ့ အကြောင်းကြောင်းကြောင့် နှောင်ကြိုးကိုပဲ ထည့်ပေးနိုင်ခဲ့ပြီး နှောင်ကြိုးမည်သည်ရစ်ဖွဲ့သီက ကြန့်ကြာခဲ့ရပါတယ်။ လေးနှစ်လောက်ကြာမြင့်ခဲ့ပြီး အခုချိန်မှ စာဖတ်သူလက်ထဲ ထည့်မယ်ဆိုတဲ့အကြောင်းရင်းက နှစ်ခုပဲရှိပါတယ်။

ပထမက ကတိပေးထားတဲ့ မပြီးသေးတဲ့အရာတစ်ခုကို အဆုံးသတ်အောင်လုပ်ပေးချင်တာ။

ဒုတိယက မာန်လွှမ်းနဲ့ စိုင်းသော်ကို မမေ့ကြလောက်သေးဘူးဆိုတဲ့ ယုံကြည်မှုသေးသေးလေး တစ်ခုကြောင့်ပါ။

တန့်အတွက်တော့ သူတို့လေးတွေက စာအုပ်ထဲက ဇာတ်ကောင်တွေဆိုတာထက်ပိုပါတယ်။ ဗိုက်နဲ့လွယ်မွေးခဲ့ရတာမဟုတ်ပေမဲ့ ရင်နဲ့ခံစားပြီး မွေးထုတ်ခဲ့ရတဲ့ သက်ရှိလေးတွေပါ။ စာအုပ်ထဲမှာတော့ ဇာတ်လမ်းကအဆုံးသတ်ပေမဲ့ သူတို့ကမ္ဘာလေးထဲမှာတော့ သူတို့အလျောက် ဆက်ပြီးရှင်သန်နေတယ်လို့ ခံယူထားတုန်းပါပဲ။ သူတို့လေးတွေကို မြတ်နိုးလို့ သိမ်းထားချင်သူလေးတွေအတွက် ရည်ရွယ်ပြီးထုတ်ပေးဖြစ်ပါတယ်။

တန့်ရဲ့ထုံးစံအတိုင်း စာအုပ်ကတော့ ထူပါတယ်။ စာမျက်နှာ ၄၀၀ဝန်းကျင်တော့ရှိမှာမို့ ဈေးက မြန်မာငွေ ၃၀၀၀၀ ကနေ ၄၀၀၀၀ ဝန်းကျင်ထိ သွားပါလိမ့်မယ်။ ကျွန်မက စာအုပ်တစ်အုပ် အလွန်ဆုံး ၅၀၀၀၊ ၆၀၀၀ ခေတ်မှာ နောက်ဆုံးစာအုပ်ထုတ်လာတဲ့သူဆိုတော့ အဲ့ဈေးကြားပြီး နည်းနည်းလန့်သွားတာတော့အမှန်ပဲ။ ဒါပေမဲ့ လက်ရှိ ကုန်ဈေးနှုန်းနဲ့ စက္ကူဈေးတွေနဲ့က အဲ့လောက်ပဲ သွားမှာဆိုတော့ ဆက်ဈေးဆစ်ရင်လည်း တိုက်ပိုင်ရှင် ပုဆိုးပါချွတ်ရတော့မယ်။ ><

စာအုပ်ပြင်ဆင်ထားတာကလည်း ရိုးရိုးရှင်းရှင်းလေးပါပဲ။ စာအုပ်ကာဗာလေးကိုလည်း သဘောကျလိမ့်မယ်လို့ မျှော်လင့်သလို တစ်ခါမှ မလုပ်ဖူးတဲ့ Chibi Arts ကလေးတွေလည်း လုပ်ပေးထားပါတယ်။ အသေးစိတ်ကိုတော့ ဘန်နီစာပေ Bunny Book House စာအုပ်တိုက်က ကြေညာပါလိမ့်မယ်။ Preorder System နဲ့သွားမှာလို့တန့်သိထားပါတယ်။ စာအုပ်ရလာဖို့စီစဉ်ထားတာကတော့ နောက်လထဲမှာဖြစ်ဖို့ များပါတယ်လို့။

တကယ်ကို အကြာကြီးနေတော့မှ တစ်ခါပြန်လာခဲ့တာမို့လို့ တန့်တန့်နဲ့တူတူ စာဖတ်သူတွေလည်း ရင်ခုန်နေမယ်လို့ မျှော်လင့်ပါတယ်ရှင်။ ဒီအောက်က စာသားလေးကိုတော့အားလုံးပဲ မှတ်မိကြဦးမယ်ထင်ပါရဲ့။

"လွှမ်း..ငါတို့ ဘယ်အထိလျှောက်ရမှာလဲ။"

"သံသရာအဆုံးထိပေါ့..မာန်။"

ချစ်ခြင်းများစွာဖြင့်

သက်တန့်ရောင်