HAUSA ARAB PART 1

HAUSA ARAB💫💫💫 BY CUTYFANTASIA PAGE FORTY-ONE

Anajak Bangkong hotel, Bangkong Thailand.

Tafiyarmu zuwa kasar Thailand ba karamun tasiri tayi wajen dawomun da nutsuwata da hankalina ba wadanda na dade rabona da su. Hotel din da muka sauka mai kyawun gaske ne wanda yanayin shi kadai zai sanyaka nishadi. Ya Mahmud bai bari na samu damar samun lokacin tunani mai yawa ba. Gabadaya hankalinsu ya tafi akan bin duka hanyoyin da zasu dawo mun da kuzari da nishadi na. Hakan yasa nake matukar kokarin ganin na danne duk wani bacin rai da damuwa da ke cikin raina domin na kwantar wa da su Mami hankali ganin irin kokarin da Suke haikan a kaina. Amma deep inside zuciyata wallahi damuwa ce da bakin ciki mara misaltuwa, mintina talatin basa shudewa ba tare da tunanin Aisha ya fado raina ba. Nakan faki ido na shiga toilet nasha kukana na wanke fuska na sa Kwalli na futo. Idan tunanin ya dameni wani lokaci sai na bude veranda na futo ina shakar sassanyar Iskar da ke kadawa ina kallon pool din da ke kasan hotel din.

Tunda muka zo Ya Mahmud yake kaimu wuraren bude ido da museum masu kayatarwa. Bama yini a gida sai can bayan sallar isha'i muke dawowa.
Yammacin alhamis din da tayi dai dai da kwanakinmu sha bakwai da zuwa Thailand Ya Mahmud yace mu shirya muje yin siyayyar tsaraba saboda kwanaki uku ya rage mana mu tafi gida.
Ina futowa daga wanka na shafa mai cikin sauri daman tuni na sallama make up da wahalhalunshi..... daga kwalli shima saboda kodewar da idanuna sukeyi nake sawa sai chapet ko nude lipstick idan Ya Nuratu ta matsa mun kenan.
Shiryawa nayi cikin wata neutral cold shoulder chiffon floral maxi dress wadda ta amsheni sosai.
Triangle dankwali na daure kaina dashi tare da sakin jelunan dankwalin zuwa kafatada ta. Na feshe jikina floral perfume mai dadi sannan na dauki jakata na sakalo chain dinta jikin wuyana. Takalmina sandal ne flat sosai domin nafi jin dadinsu yanzu.
Bayan mun kammala ne Amal ta shigo da gudu tana cewa Uncle yace mu futo ya gama.
Hannunta na rike muka futo su Mami
na biye damu.
Central World mall Ya Mahmud ya kaimu. Tun  daga hango view din wajen Ya Nuratu ta soma doki kamar wata yarinya, sai zuzuta kyan wajen da tsaruwarsa Takeyi. Da muka shiga kuwa babu Wanda wajen bai kayatar da shi ba, ko ni sai da ma tsinci kaina ina murmushi. A level 1 of central world din kawai muka tsaya saboda girman Mall din. Ya Mahmud yace kowa ya shiga inda yake da abun siya saboda kada mu bata lokaci da yawa. Ya Nuratu ta rike hannun Amal suka shiga Marks and Spencer. Mami ma ta bisu, Ya Mahmud ya kalleni yana nazarin yanayina sannan yace "me kike son dubawa?" A Sanyaye nace "ni idan akwai "The body shop" nan zan shiga, kayan shafana sun kare." Wani yaje ya tamabaya sannan ya dawo yace mun a level 2 din mall din yake. Muka tafi. Shi yake turamun trolley din ina zuba dukan abinda nagani ina bukata, harda Karin sabbin turarukansu masu sanyi da na gani. "Na gama Ya Mahmud we can go" na fada ina mikar da hannuna da ya soma tsami. Cewa yayi "Baki siya kayan kwalliya ba toh" nace "it's out of my hobby yanzu Ya Mahmud, bana bukata" gyara tsayuwansa yayi  soma magana cikin serious tone "Ya mukayi da ke jiya Zara? Wanne alkawari kikayi mun?" Nayi shiru. Bai jira amsata ba yace "ina cemun kikayi zaki kokari kiga kin koma old Zaran da na sani, sannan duk lokacin da kika tuno Aisha na gaya miki addu'a zaki mata shine kadai abinda zai amfaneta, shine at
ta San kina mata so na gaskiya! Wannan koke koken da tunani babu abinda zai amfane ku dashi daga ita har ke! I know it's not easy, I know how it feels Zara, I've gone through it, amma dole hakura kake kaci gaba da rayuwa hakan bai nufin ka manta da wanda ka rasa ko ka daina damuwa da shi, no! wannan shi ake kira rungumar kaddara da tawakkali. Please sister ki daure kinji? Idan kikaji kina missing Aisha ki dau waya ki kira Ihsan kuyi hira, ki gaya mata damuwarki, zakiji kin samu relief. Sannan kiyi ta addu'a Allah ya baki juriya da dangana zakiga kin samu sassauci sosai! Zara ina tausayin Mami, you have no idea how she feels idan tana ganinki cikin wannan halin, itama fa irin wannan rashin ya sameta, amma hakuri tayi ta ci gaba da rayuwa ta sadaukar da farin cikinta a kanmu. to me yasa mu ma ba zamu bi duk hanyoyin da muka san zamu faranta ranta ba? Rayuwar duniya ba'a dawwama cikin jindadi.......
...."
Wani ne ya zagayo ta bayan Ya Mahmud ya rufe masa ido! Cikin murmushi yace "who's this?" Mai maganar yace "guess" murmushi ya sake yi sannan yace "mubarak" ana fada gayen ya kwashe da dariya yana zare hannunshi daga fuskar Ya Mahmud! "Ya akai ka ganeni?" Ya fada cikin mamaki! Wani killer smile Ya Mahmud yayi yace "who wears women perfume bayan kai" suka kwashe da dariya suna tafawa. Sannan sukai hugging din juna na yaushe rabo! Nikam tsayawa nayi ina kallonsu da sha'awa. Wai Shi Ya Mahmud shi yake zaban abokai ne? Duka abokanshi kyakyawa ne masu class kamar su sukai kansu. Wannan ma wani handsome giant ne kamar shi yayi kansa. Kana ganinsa kaga cikaken bafulatin Nigeria sai dai baki ne na gaske, wanda hutu da danshin naira yayi wa faskwarima ya mayar unique.
Ina cikin wannan lissafin naji Ya Mahmud yace "meet my sister Zara" cikin murmushi yace "hy sister Zara nice meeting you" cikin jin kunya na risina na gayar da shi. Ya amsa cike da jindadin girman da na bashi, sannan yace "ina Mami?" Ya Mahmud yace tare muke ma.......Kan ya karasa sai ga wata gajeriyar mace fara sol mai kyau tana tura yar kyakkyawan baby cikin push chair. Tana ganinmu ta bude baki da mamaki "wa nake gani kaman Hausa Arab?" Mubarak ya dube ta yace "Kamar a mafarki ko? Jiya muke hirarsa" Ya Mahmud tuni yasa hannu ya sunkuci yar babyn ya rungume kamar zai gudu da ita. Sannan aka shiga gaisawa, "su nawa ne Mubarak?" cewar Ya Mahmud! Mubarak ya Sosa keya yace "su hudu ne, mun bar su Faruk a hotel suna bacci" cewa yayi "masha Allah! Allah ya raya su" matar da Ya Mahmud ya kira Surayya earlier ita tace "wannan madam din ka ce Hausa Arab? yaranku nawa" duk yanda yaso boye yanayin fuskarsa sai da wani  sashen ya bayyana damuwa, a sanyaye yana murmushi yace "No! She is my little sister. Banyi aure ba" da mamaki duka suke kallon shi Mubarak yace "tun bayan rasuwar Jawahir bakayi aure ba? Over 10years" tuni Idanun Ya Mahmud suka rikide suna wani maiko kamar zasu digo da mai. Ganin zasu jefa shi cikin wani hali nayi gyaran murya nace "amma yanzu an kusa auren shi saura 5months" Mubarak ya mika masa hannu a sanyaye yace "congratulations! Allah ya sanya alkhairi friend! Allah yajikan Jawahir" daga masa kai kawai Ya Mahmud yayi bai iya amsawa ba, Mubarak ya ciro card dinsa ya bashi yace sai sunyi waya zaizo ya gaida Mami har hotel dinmu. Mukai sallama da su. Sai dai I'm not comfortable at all da yanda Mubarak yake kallona. Ko bayan sun tafi sau biyu yana waiwayowa yana kallona muna tsaye bin layin biyan kudi.

Ni kuwa wani irin tausayin Ya Mahmud ne ya kamani, ashe yana da abokai masu yaya har hudu, shi baiyi auren ba, wanne irin so shi kuwa yake wa wannan Jawahir da ya kasa mantawa da ita yakejin ciwon rashin ta kamar jiya ta mutu?. Haka muka wuce ya biyamun makuden kudin siyayya ta da katinshi sannan muka futo. Sai gashi ni na ware na koma rarrashin sa ina ta dauke masa hankali domin ya dawo dai dai! Na dora da cewa "Mu shiga "Mango" Ya Mahmud mu siyawa Safna takalma da jaka ko ba zaka kai mata tsaraba ba?" Murmushi yayi yace "bata da size anan customized ne takalmanta sai na koma London zan siya mata" na girgiza kai. Daga nan muka shiga "Zara" muka dan siya abubuwa kafin Mami ta kira shi a waya tace sun kammala suna jiranmu.
Har yayi gaba na kira sunansa, ya tsaya cak yana kallona. a sanyaye nace "Ya Mahmud yanzu fa ka gama yimun nasiha kuma kai gashi kana yi" murmushi yayi ya hadiye hawayen da ke taruwa a idanunshi yace "I'm okay sister mu tafi. Ina wayarki ne?" Pouting nayi nace "wannan dan nacin ne ya dameni, sai ya kira sau hamshin a jere kamar mahaukaci, da na gaji sai na kashe wayar na ajiye!" Cewa yayi "Imam ko? nima diverting dinshi nayi da na gaji!"

************************************
   ABUJA, NIGERIA

Har karfe gomasha biyu na dare tattaunawar Daddy da lauyansa barrister Suraj makarfi bata kare ba. Domin fata suke su kammala komai cikin sirri ba tare da sanin waninsu ba. Bayan Daddy ya gama cike duk wata takarda da ake bukata shima Br. Suraj yayi nasa sannan ya hade su cikin file din da ke table din gabansu yana cewa "yanzu sai idan Mahmud din ya dawo komai zai kammala" Daddy cikin Karfin hali yace "don Allah barrister ka kula, a tafi da komai cikin taka-tsan-tsan.  Barrister yace "kada ka damu Alaji. Ba abinda zai faru da yardar Allah" daga nan sukai musabiha sukai sallama Barrister ya tafi.
Kan kujerar da ya tashi ya dawo ya zauna ransa a jagule, ya dade yana son yin wannan abu amma tunanin irin wadannan abubuwan da zasu shigo da tsoron halin da zasu iya fadawa ya hana shi yin komai akai. Amma lokaci tafiya yake, rayuwa tana gaba, mutuwa kuma na iya daukar mutum a kowanne lokaci, idan yaci gaba da binne wannan al'amari har lokacinsa yazo tabbas zai dana sani mara misali kuma zai bar baya da kura don haka dole ne ya fuskanci wannan matsala ya warwareta kafin hakan ya faru. Daren ranar sam baiyi bacci ba yana saka da warwara ya kulla ya kwance yana tunanin gamuwar su da Dada gobe, hanyar da zai bullo mata ta amince da wannan babban al'amari  saninta da yayi a matsayin jajirtacciyar mace, tsayayyiya mara daukar wargi ko raini mai tsayawa akan maganar. Bata tsoro bata shakka kuma bata lamuntar wani ya shigo mata da wani bakon al'amari cikin zuriyarta. A karshe dai alwala ya daura ya hau kan sallaya kamar yanda ya saba kowanne dare, yau kuwa da niyya ta musamman akan wannan lamari mai matukar muhimmanci a rayuwarsa ya tashi.

Washe gari da safe ya shirya tsab cikin shigarsa ta alfarma kamar yanda ya saba musamman idan zai je wajen Dada. Bai saurari abincin vicky kukun shi ba ya shiga bayan motarsa Abdul Hadi ya dauke shi zuwa gidan Dada zuciyarsa na luguden bugu har suka isa. Duk tarin dukiyar da ya mallaka da girma da matsayin da yake da shi baisa Dada ta ware shi cikin yayanta tana shakkarsa ko gudun zuciyarsa ba, mace ce dakakkiya kuma tsayayyiya akan yayanta mai adalci da gaskiya da amana.
Don haka ko yan koren nasa masu take masa baya bai dauki ko daya ba ya taho shi kadai, don yasan akwai tataburza da cakwakiya a kwance.
Lokacin da ya shiga cikin gidan tuni Baba Rabi ta kammala hada masa shiryayyun traditional dishes irin wanda yake so a katuwar shudiyar tattausar dadduma ta alfarma.
Dada na daga gefe akan sallaya tana walha. Sai ya cire babbar rigar fara sol din shaddar sa ya zauna ya soma serving din kansa da kansa ba tare da neman Baba rabi ba. Duk yanda yaso cin abincin bai iya ciwuwa a wajen sa ba, sai bakin shayi da ya cika cikinsa da shi.
Sai da ya kammala sannan Dada Dada shafa addu'a ta gyara zama ta zubo masa manyan idanunta masu cike da kwarjini da kada yan hanjin Wanda ta rutsa da su. Bayan ya gaishe ta a ladabce tayi gyaran murya ta sake daure fuska tace "wacce irin magana ka zo mun da ita mai kama da ta wanda ya futa daga hayyacinsa jiya? Na tabbatar dai baka shan komai, kuma na shaidi adalcinka da tausayi ga yaranka gabadaya, don haka nayi nazari kaf na kasa gane dalilin da yasa kake son yin wannan danyen aiki wanda zai rusa maka kyakykyawan zumunci da so da kauna da ke tsakanin yayanka?? Ina so na fahimta"

Salaam! We are back!
Hope you all had a wonderful Eid?
May Allah accept our act of worship!
I miss you guys alot.
I'm sorry for dropping this late, I have been super busy, but I just had to squeeze my time and write this chapter for you!
Wacce magana ce tsakanin Dada da Daddy? wanne yunkuri yake niyyar yi haka? Da alama dai akwai wani babban al'amari a boye wanda Daddy yake boyewa?