☀︎︎♡︎ ស្វាមីលក្ខខណ្ឌ ♡︎☀︎︎( 𝐂𝐨𝐦𝐩𝐥𝐞𝐭𝐞𝐝 )

ស្វាមីលក្ខខណ្ឌ ភាគទី07

ថ្ងៃដែលទន្ទឹងរង់ចាំក៏មកដល់ ពិធីត្រូវបានរៀបចំឡើងនៅព្រះវិហារ ការតុបតែងរៀបចំគឺល្អឥតខ្ចោះ ដើម្បីអោយសាកសមនឹងកិត្តិយសរបស់ត្រកូល ចន និងត្រកូល គីម ។ ភ្ញៀវកិត្តិយសជាច្រើនអញ្ជើញមកបន្តបន្ទាប់គ្នា ពេលនេះផងដែរក៏ដល់ពេលសំខាន់នៃកម្មវិធី ។

រាងក្រាស់មាំឈរនៅលើវេទិកាជិតលោកអាចារ្យ ថ្ងៃនេះគេសង្ហាខ្លាំង ក្នុងឈុតកូនកម្លោះសាកសមឥតទាស់ សក់លើកចូកទៅក្រោយទាំងអស់ មើលទៅពិតជាមានអំណាច គេប្រៀបដូចជាតួអង្គព្រះអង្គម្ចាស់ក្នុងរឿងព្រេងនិទានអញ្ចឹង! កែវភ្នែករំពៃសម្លឹងមើលទៅមាត់ទ្វាដែលកំពុងតែរបើកឡើងបន្តិចម្តងៗ បង្ហាញអោយឃើញលោកគីមកំពុងតែកាន់ដៃរាងតូចល្អិតដើរចូលមក ដោយមានក្មេងប្រុសស្រីពីរនាក់ដើរនាំមុខកាន់កន្រ្តកដែលដាក់ស្រទាប់ផ្កាទៅលើកម្រាលព្រំពណ៌ក្រហម ។

ជុងហ្គុកសម្លឹងមើលអ្នកមាននាមជាភរិយាភ្លឹក ព្រោះថ្ងៃនេះគេស្រស់ស្អាតខ្លាំងណាស់ ឈុតពណ៌សដែលតំណាងអោយកូនក្រមុំរបស់គេដែលគ្រងលើខ្លួនស្រឡូនដូចមនុស្សស្រីនោះគឺPerfectតែម្តង ភ្ញៀវដែលនៅអង្គុយអមសងខាងសម្លឹងមើលមករាងតូចគ្រប់គ្នា ធ្វើអោយគេរាងភ័យហើយក្តោបដៃអ្នកជាឪពុកកាន់តែខ្លាំង លោកគីមយកដៃម្ខាងទៀតអង្អែលខ្នងដៃកូនថ្មមៗបំណងអោយគេកក់ក្តៅនឹងសម្រួលអារម្មណ៍ មុននឹងហុចដៃរាងតូចអោយរាងក្រាស់ដែលឈរចាំទទួលរួចជាស្រេច ។

« ប៉ាផ្ញើរប្អូនផងណាកូន! ស្រលាញ់មើលថែគេអោយល្អផង ព្រោះប៉ាស្រលាញ់គេដូចកែវភ្នែកទាំងគូររបស់ប៉ា!» គាត់ផ្តាំផ្ញើរកូនប្រសារប្រុស ឯរាងតូចរលីងរលោងរកកល់និងទឹកភ្នែក ទោះការរៀបការនេះគ្រាន់តែជាលក្ខខណ្ឌតែគេបែជាមានអារម្មណ៍ថារំជើបរំជួលក្នុងចិត្តមិនស្ទើរទេ ។

« បាទប៉ា! ខ្ញុំនឹងមើលថែថេយ៍អោយបានល្អ!» រាងចំណាស់ងក់ក្បាលទទួលទាំងញញឹមមុននឹងដើរមកអង្គុយតុជាមួយប្រពន្ធនឹងដន្លងដែលនៅខាងមុខជាប់វេទិកាតែម្តង ។ រាងក្រាស់កាន់ដៃរាងតូចដើរឡើងទៅលើវេទិកា សំដៅទៅរកលោកអាចារ្យ ពួកគេទាំងពីឈរបែមុខរកគ្នានៅពីមុខលោកអាចារ្យ ។