ពន្លឺព្រះអាទិត្យចាំងចូលតាមចន្លោះបង្អួចធ្វើអោយរាងតូចត្រូវភ្ញាក់ ត្របកភ្នែកបើកឡើងសន្សឹមៗ ដំបូងរាងព្រាលព្រោះមិនទាន់ស្វាងពីការងងុយមុននឹងច្បាស់ ឃើញថាមុខអ្នកជាប្តីដែលកំពុងគេងមិនទាន់ភ្ញាក់នៅគៀកមុខរបស់ខ្លួនមែនទែន ។
គេសង្ហាណាស់ សង្ហាគ្រប់ជ្រុងជ្រោយតែម្តង ហេតុអ្វីពីមុនគេមិនចាប់អារម្មណ៍មើលរូបរាងប្រុសម្នាក់នេះអោយដិតដល់? ចិញ្ចើមក្រាស់ ចម្រុះស្រួច ថ្ពាល់ដូចកូនង៉ែត បបូរមាត់ផ្កាឈូក គឺល្អ ប៉ុន្តែទាស់តែម្យ៉ាងគឺ ចារិកយ៉ាប់ ។ ម្រាមដៃស្រឡូនលើកឡើងសន្សឹមៗបំណងប៉ះថ្ពាល់រាងក្រាស់ មុននឹងបានប៉ះដូចចិត្ត រាងតូចអង្អែលថ្ពាល់គេថើរៗទាំងញញឹមបើគេជាមនុស្សស្រីគេនឹងព្រមរៀបការជាមួយបុរសម្នាក់នេះដោយគ្មានលក្ខខណ្ឌ ប៉ុន្តែ...!គេជាមនុស្សប្រុសដូចគ្នា ហើយនាយក៏មាននារីក្នុងចិត្តរួចហើយ គេព្រមរៀបការព្រោះតែបំពេញមុខគ្រួសារតែប៉ុណ្ណោះ គេមិចនឹងអាចមកស្រលាញ់ខ្លួនជាមនុស្សប្រុសទៅ គេទទួលស្គាល់ថាគេឆាប់មានអារម្មណ៍ល្អជាមួយប្រុសម្នាក់នេះទោះបីទើបតែស្គាល់គ្នាក៏ដោយ វាអាចថាជានិស្ស័យ ។
គិតដល់រឿងនេះរាងតូចក៏ដកដៃចេញពីថ្ពាល់របស់ជុងស៊ុកវិញ គេដកដង្ហើមសម្រួលអារម្មណ៍ព្រោះដើមករបស់គេកំពុងតែអួល ថេយ៍ចាប់ដកដៃរាងក្រាស់ដែលកំពុងតែអោបចង្កេះរបស់គេបម្រុងថាចូលបន្ទប់ទឹកតែគេបែជារឹតកម្លាំងដៃអោបខ្លួនកាន់តែខ្លាំង គេភ្ញាក់ហើយហ៎? តាំងពីពេលណា? រាងតូចយកដៃទៅក្រវាស់ពីមុខរបស់រាងក្រាស់ពីរបីដងឃើញថាគ្មានប្រតិកម្មសោះដូចជាមិនទាន់ភ្ញាក់ ទើបសម្រេចចិត្តរើម្តងទៀត ។
« អាយយយ៎.....! » គេស្រែកចាច ព្រោះត្រូវរាងក្រាស់ត្រឡប់ខ្លួនអោយនៅក្រោមខ្លួនរបស់គេ ហើយគេគឺទ្រោមពីលើរាងតូច ។
« លោកភ្ញាក់ហើយ? ពីពេលណា? » គេសួរទាំងសម្លឹងមុខអ្នកខាងលើម៉ក់ៗ ។
« ពេលដែលមានដៃស្វាអង្អែលមុខ! » នាយបង្ហាញកាយវិការច្រឡើមញ៉ោះញ៉ងអោយរាងតូចក្តៅទាំងព្រឹក ។
« ខ្ញុំមិនមែនស្វាទេ!! »
« អេ៎!! យើងមិនបាននិយាយចំឈ្មោះឯងអីណា! »
YOU ARE READING
☀︎︎♡︎ ស្វាមីលក្ខខណ្ឌ ♡︎☀︎︎( 𝐂𝐨𝐦𝐩𝐥𝐞𝐭𝐞𝐝 )
Romansនៅក្នុងឆាកជីវិតរបស់មនុស្សម្នាក់ៗតែងតែជួបរឿងគួរឲ្យហួសចិត្តជាច្រើន ប៉ុន្តែរឿងដែលគួរឲ្យហួសចិត្តខ្លាំងបំផុតនោះគឺត្រូវបង្ខំឲ្យរៀបការជាមួយមនុស្សដែលយើងមិនស្គាល់ហើយមានភេទតែមួយដូចគ្នា ។ ស្នាមថើបដំបូងនេះផ្អែមគឺជាគូនឹងល្វីង អ្វីៗគ្រប់យ៉ាងបានបូកបញ្ចូលលាយឡំគ្នា...
