ដោយសារតែមិនចង់គិតរឿងស្មុគស្មាញច្រើន រាងតូចក៏ចេញទៅផ្សារម្យ៉ាងក៏ត្រូវទិញរបស់ខ្លះដាក់ក្នុងទូដែរ មួយរយះក្រោយនេះគេចាប់ផ្តើមដើរតួជាប្រពន្ធដែរប្រៀបបានដូចជាស្រ្តីមេផ្ទះម្នាក់អីបែបហ្នឹង ។ រាងល្អិតដើររុញរទេះដាក់អីវ៉ាន់ដើររើសរករបស់ដែលខ្លួនត្រូវទិញទឹកមុខរបស់គេស្រងូតស្រងាត់ស្លេកស្លាំង មនុស្សម្នារសម្លឹងមើលមកគេសឹងគ្រប់គ្នាតែគេក៏មិនខ្វល់ ។
ថេយ៍រុញរបស់យកមកកន្លែងគិតលុយពេលបុគ្គលិកគិតលុយនិងវេចខ្ចប់អោយរួចរាល់ហើយរាងតូចក៏ចេញទៅ គេយួរវាដោយខ្លួនឯងដែលខុសពីរាល់ដងមានរាងក្រាស់តែងមកជាមួយហើយយួរអោយទោះរវល់ប៉ុណ្ណាក៏ឆ្លៀតពេលមកជាមួយគេ តែនេះស្អី? តែមួយភ្លេតសោះជីវិតគេក៏ផ្តាស់ប្តូរបែបនេះឬ? កំពុងតែគិតអណ្តែតអណ្តូងរាងកាយស្តើងក៏បុកនឹងអ្នកណាក៏មិនដឹង ។
« អូស៎!! » រាងតូចភ្លាត់មាត់ពេលភ្ញាក់ស្មារតីមកវិញ គេគិតថានឹងបានអុកគូទទៅហើយ តែក៏បានដៃក្រាស់មាំរបស់អ្នកណាមិនដឹងចាប់ក្រសោបចង្កេះគេជាប់
« សុំទោស!! លោក សុងយូ?? » ថេយ៍រាងភ្ញាក់ផ្អើលបន្តិចនៅពេលដែលអ្នកដែលគេដើរបុកប៊ិះនឹងដួលខ្លួនឯងនេះជាមនុស្សដែលធ្លាប់ស្គាល់គ្នា ។
« ថេយ៍! មិនអីទេឬ? » នាយកម្លោះចោទសំណួរខ្លាចថាគេនឹងមានត្រូវត្រង់កន្លែងណា ចំណែករាងល្អិតក៏ប្រញាប់រើចេញពីរង្វង់ដៃរបស់នាយ ។
« ខ្ញុំមិនអីទេ!! សុំទោសលោកម្តងទៀត! » រាងល្អិតអោនក្បាលបន្តិចជាការសុំទោសគេគ្មានចេតនាទេ ។
« មិនអីទេ!! » នាយញញឹមស្រស់ដាក់គេ ឯថេយ៍បានត្រឹមញញឹមស្ងួតតបវិញជាការគួសម ។
« មើលទៅថេយ៍ស្លេកស្លាំងណាស់ ឈឺមែនទេ? » បញ្ចប់សំណួរនាយលើកខ្នងដៃដាក់លើថ្ងាស់របស់គេដើម្បីស្ទាបស្ទង់កម្តៅខ្លួន ។
« ខ្ញុំមិនអីនោះទេ!! » រាងតូចរហ័សបេះដៃរបស់គេចេញទាំងគ្រវីក្បាលបញ្ជាក់ថាគេOk ។
« ថេយ៍មកម្នាក់ឯងមែនទេ? អេ៎!! អីវ៉ាន់ច្រើនណាស់អោយមកនេះមកខ្ញុំជួយយួរ!! » បញ្ចប់ប្រយោគស្ទើរមិនទាន់នាយកញ្ឆក់យកស្បោងអីវ៉ាន់ពីដៃរាងតូចរកតែគេហាមមិនទាន់ ។
YOU ARE READING
☀︎︎♡︎ ស្វាមីលក្ខខណ្ឌ ♡︎☀︎︎( 𝐂𝐨𝐦𝐩𝐥𝐞𝐭𝐞𝐝 )
Romanceនៅក្នុងឆាកជីវិតរបស់មនុស្សម្នាក់ៗតែងតែជួបរឿងគួរឲ្យហួសចិត្តជាច្រើន ប៉ុន្តែរឿងដែលគួរឲ្យហួសចិត្តខ្លាំងបំផុតនោះគឺត្រូវបង្ខំឲ្យរៀបការជាមួយមនុស្សដែលយើងមិនស្គាល់ហើយមានភេទតែមួយដូចគ្នា ។ ស្នាមថើបដំបូងនេះផ្អែមគឺជាគូនឹងល្វីង អ្វីៗគ្រប់យ៉ាងបានបូកបញ្ចូលលាយឡំគ្នា...
