ماضي لا ينتهي

الحلقة الثانية

الحلقة الثانية
#ماضي_لا_ينتهي
#بوسى_مصطفى
_________________

عدي : لوله تعالي عايزك.
ليلى : نعم... خير
عدي :"هههههههه ايه انتي مستعجله عايزة تروحي ولا ايه؟
ليلى : لا انا مش مروحه دلوقت هنزل مع ماما نروح ل ليلى وهسيب الولاد معاك.
عدي : نعم ياحبيبتي؟!
ليلى : ايه قلبت ليه... م انا كنت لوله دلوقت.
عدي : هههههههههه قوليلي رأيك في ده؟
كان بيفتح علبة قطيفه فيها انسيال.
ليلى بفرحه وبمزح : جميل اوي ياعدي ميرسي ياحبيبي
دايماً فاكرني يابشمهندس
بس عارف لما تتخرج ليك عندي هدية كبيرة اوي.
عدي وليلى فاتحه دراعاتها وبتتكلم خطف منها العلبة القطيفه.
عدي : حيلك حيلك  هو ايه اللي ميرسي ودايما فاكرني والجو
ده؟؟!
ليلى : ل رهف صح؟
عدي : م انتي عارفه بلاش بقى الحركات دي.
ليلى : هههههههههه ندل.
عدي : لما احوش هبقى اجيبلك هدية هههههههههههه.
ليلى : بس هتعجبها على فكرة.
عدي : بجد!
ليلى تغمزله 😉 : ذوقك حلو ياهندسه.
عدي : هههههههههه مش احلى من ذوقك يااستاذ.
ليلى : بقولك ايه م تيجي معايا بالليل.
عدي : اجي فين؟
ليلى : رايحه اعمل تحقيق صحفي في حته مقطوعه وقلقانه.
عدي : هههههههههه انتي يابنتي مش هتبطلي بقى خافي على نفسك.
ليلى : اصل انا بحب الجو دا اوي.
عدي : خلاص ياحبيبتي طالما بتحبيه يبقى روحي لوحدك
هههههههههههههههههه وبعدين هو سليم مش جاي الليلة بردو؟
ليلى : م أنا هخلص شغلي قبل م يجي.
عدي : لما يجي ابقي خدي منه الكتاب اوعي تسيبه مع ولادك علشان تعبت عقبال م لاقيته.
ليلى : في ايه الكتاب ده؟
عدي : بلاش علشان متخافيش.
ليلى : هههههههههه مين دي اللي تخاف بقولك هسيب الولاد معاك نص ساعة مش هتاخر.
عدي : لأ خديهم معاكي علشان انا نازل.
ليلى : مجاتش من نص ياعدي معلش انت عارف ليلى تعبانه ومينفعش يعني اروح بالولاد يعملوا دوشه هناك.
عدي : ليلى خديهم معاكي.
تخبطه ليلى وهي خارجه.
عدي : ماشي يا ليلى هقول لبابا.
ليلى : وانا كمان هقوله.
عدي : طب سبيهم خلاص هستحملهم علشان خاطرك.
ليلى : لا هاخدهم معايا ونروح من هناك
هاتي اخوكي وتعالي يا مريم.
مريم : مامي آدم نام جوه.
ليلى : وانا بقى هقدر اشيله؟!
عدي : انا هشيله وانزله لغاية تحت متشليش هم يالله.
ليلى : اه م تلاقيك م صدقت عايز تخلص مننا.
عدي : هههههههه اخلص منكم دا انتوا مالين عليه البيت.
ويقرص مريم من خدها.
مريم تبعد ايده عنها : بس بقى مبحبش كده.
عدي : امال بتحبي ايه.
ومسكها وقعد يشقلبها
والبنت بتصوت.
ليلى : سيبها يا عدي.
مريم : سيبني ياخالو انا دوخت.
سامية : يا ابني سيبها وروح شوف مذاكرتك.
عدي : انزلك ومتتلمضيش تاني؟
مريم : هقول لطنط رهف إن هزارك وحش علشان تخاصمك ومتكلمكش تاني.
عدي : شوفتي بنتك ناويه تخربها عليه.
ليلى : هههههههههه طب بطل تهزر معاها علشان انت مش قدها.
عدي : وهي هتجيبه من بره.
ليلى : طب روح شوف مذاكرتك ياحبيبي وبطل تلعب مع العيال.
سامية : هههههههههه يلا يا ليلى.
عدي : ماما بوسيلي ليلى وقوليلها عمو هيجيلك بالليل.
ليلى : طب واحنا؟
يقرب عدي ويحتضن ليلى وييوسها من خدها : مع السلامة يالوله ومتجبيش العيال دي معاكي مرة تانية.
مريم تخبطه ب رجلها.
يتصنع عدي إنه بيتألم : آآآآآآه يامريوم رجلي وجعتني.
مريم : فين ده م انت واقف اهو زي الحصان.
يحملها عدي : طالما زي الحصان بقى يبقى تعالي.
وياخد آدم من ليلى وينزل جرى بالولاد وهما على كتفه.
عدي تحت : اتفضلوا ومتجوش غير بعد الإمتحانات مفهوم.
سامية : هههههههههه كام يوم وسليم هيسافر.
عدي : يبقى في شقة طنط فريال بقى... سلام ياحبايبي ياحلوين سكة السلامة يلا.
ليلى وهي بتركب العربية : سامعه ياماما.
سامية : هههههههههه مستعجل عايز يروح ل رهف.
ليلى : هو باباها جه امتى؟
سامية : من يومين كده
وزعلان علشان مرحش سلم عليه
باباكي اللي قاله استنى نبقى نروح مع بعض وانشغل بقى. فرهف زعلت.
ليلى : ليها حق بردو تزعل وانا لو مكانها هزعل من سليم.
سامية : متنسيش تعدي على الفكهاني ناخد كام كيلو موز وجوافه ل ليلى علشان بتحبهم.
آدم : وشوكليت يا تيته.
ليلى : ليلى تعبانه والدكتور محرج عليها تاكل شيكولاته.
مريم : ليه بس دي لذيذة اوي.
سامية : وبتوقع الأسنان شايفه بوقك.
تغمز ل ليلى.
ليلى : هههههههههه واخده بالي بس انا منعتها خالص بسبب الحساسيه واسنانهم اللي بايظه.
سامية : الفواكه لذيذة ومفيدة
صح يا مريوم؟
مريم : صح ياتيته والشوكليت كمان لذيذة اوي.
سامية ل ليلى : هههههههه مفيش فايدة يا ليلى.
ليلى : هههههههههه محدش مهاودهم ولا تاعبني غير سليم.
سامية : كان بيعمل كده مع مامته.
ليلى : كان ومازال... ثواني هنزل اشتري بقى قولتيلي عايزة جوافه وموز وايه كمان؟؟
______________