ماضي لا ينتهي

الحلقة ٧٠

#ماضي_لا_ينتهي
#بوسي_مصطفى
_____________
الحلقة ٧٠

هيثم : نرجع ل بعض؟!
انتي أكيد اتجننتي!!
ميار : لا متجننتش انت اللي مش واخد بالك ومش عارف مصلحتك.
رانيا فيها ايه احلى مني انت عارف وأنا عارفه إن في فرق كبير بينا.
هيثم : صحيح في فرق كبير اوي ما بينكم.. علشان مفيش ست محترمه تعمل اللي عملتيه دا.
وريحي نفسك يا ميار انا هاخد ولادي و رانيا ونسكن في مكان تاني خالص بعيد عن هنا..
عارفه ليه؟؟
علشان مش هستني لما تلبسيني مصيبه.
اللي تعمل حركة زي دي يتخاف منها.
اقعدي مع ابنك هنا.. بس ياريت
تحترمي نفسك وتعيشي كويس
علشان لو فضلتي بالاسلوب دا هتوقعي وقعه مهببه..
وسعي بقى.. علشان أنا رد فعلي مش هيعجبك.
ميار : خلاص وريني هتعمل ايه.
هيثم : عايزة تلبسيني مصيبه يعني.
تمام اوي.. وسعي بقى.
وياخد منها المقشه يبعدها عنه
ويفتح باب الشقة ويخرج.
كانت حنان واقفه تحت لمحت هيثم وهو طالع شقته.
حنان : ايه الدوشه دي؟؟
وبعدين هيثم كان فين كده معقوله كل دا واقف على السلم.
سمعت صوت باب الشقة اللي فوق بيتقفل.
حنان : دي شقة هيثم ولا كريم؟؟
معقوله هيثم كان جوه.. طب كان بيعمل؟؟
ايه يا حنان اللي بتقوليه دا؟؟
دا مبيطقهاش.
طب امال فيه ايه عايزة افهم.
_________________
في شقة عدي..
عدي يقوم من النوم يلاقي رهف قاعدة جانبه وابنها
على رجلها.
عدي : رهف انتي لسه صاحيه؟
رهف بصوت ناعس : ها.. بتقول حاجه يا عدي؟
عدي : حبيبتي اسر نام
ايه اللي مقعدك كده؟
نيميه في سريره وتعالى نامي.
رهف : ما هي المشكلة في إني اقوم انيمه دي.
عدي : خلاص هاتيه انا هنيمه.
رهف : لا علشان ميصحاش أنا هقوم على مهلي واحدة واحدة.
عدي : هههههههههههه
رهف : اششششش هتصحيه
انا ماصدقت نام خلاص.
تنيم ابنها وترجع علشان تنام.
رهف : ايه يا حبيبي منمتش ليه؟
عدي : معرفش يا رهف قلقان كده والنوم طار من عنيه.
رهف :"ليه يا عدي مالك؟
ما انت كنت نايم يا حبيبي.
عدي : قصدك النص ساعة اللي نمتها؟
رهف : يبقى بالك مشغول.
عدي : هو فعلا مشغول ب ليلى.
رهف : مالها ليلى؟؟
عدي : لسه شايفها في الحلم دلوقت بتعيط وبتنادي عليه
أنا وشريف وب تسألني عن بابا
وملقتش سليم معاها ومخليه الولاد ورا الباب.
حلم غريب مش عارف تفسيره ايه.
رهف : خير يا حبيبي ابقى
اتصل بيها الصبح اطمن عليها وعلى الولاد.
عدي : أنا مش قادر استنى عايز اتصل دلوقت اطمن عليها.
رهف : الوقت متأخر يا عدي وهما يا حبيبي اكيد نايمين من بدري عندهم شغل الصبح..
ابقى كلمها اول ما تصحى من النوم...
ريح بس دماغك علشان تقدر تقوم الصبح.
تصبح على خير.
_____________

رانيا بتتقلب وهي بتحاول تنام..
القلق قومها ونظرت ل الغرفة حواليها.
شعرت بوحشة المكان رغم إنها شقة والدها وذكريات
طفولتها لحد ما تجوزت هيثم موجوده فيها.
رانيا : اللي مطير النوم من عينك
ولادك يا رانيا.. صح؟
ازاي قدرتي
تسبيهم ما تقعد ميار في البيت
وهو لو حابب وجودها يبقى يشرب بقى
وهو اللي هيندم.
انتي هترجعي تحني ليه تاني
يا رانيا؟؟
امال اطلق يعني ويروح يتجوزها دي ما هتصدق.
يا عبيطه خوفك دا هو اللي هيخليها تفضل موجودة.
جمدي قلبك علشان يعرف إنك ممكن تبيعي في لحظة
ومش باقيه على حاجه.
هو هيخاف وياخد موقف.
سلبيتك وسكوتك كانوا عملوا ايه الفترة اللي فاتت.
ايوه انا ماشيه صح لازم قلبي يجمد شوية وان كان على الولاد هروحلهم بعد بكره المدرسة اقعد معاهم وقت البريك واخدلهم حاجات بيحبوها علشان ابسطهم.
نامي يا رانيا.. هتتعدل وبكره ترجعي بيتك.
ابتسمت رانيا وغمضت عيونها.
_________