ماضي لا ينتهي

الحلقة ٤٨

#ماضي_لا_ينتهي
#بوسي_مصطفى
_______________
الحلقة ٤٨

في فيلا مازن
كان قاعد بيقلب ب ريموت التليفزيون.
وندى قاعدة جانبه بتحاول تنام بس قلقانه
قامت فجأة نظر مازن ليها.
مازن : مبتناميش ليه يا ندى؟؟
ندي : بصراحة في موضوع كده شاغل دماغي
ومش عارفه أنام بسببه.
مازن : موضوع ايه ده؟؟
ندى : كنت بتكلم مع واحده اعرفها يعني
عن الخيانة الزوجية.
نظرلها وبعدها انشغل ب متابعة برنامج في التليفزيون.
ندى : كانت بتقولي إنها لو شكت
يعني مجرد شك.. إن جوزها بيخونها هتسيبه فوراً.
أنت ايه رأيك في الكلام دا؟؟
مازن وهو مازال يتابع البرنامج : رأيي في ايه؟؟
ندى : إن ممكن ست يعني تقبل خيانة زوجها ليها؟؟
مازن : اكيد لأ.
ندى : بس في بيقبلوا عادي.
مازن : يبقى هي موافقة على دا
هي حره بقى.
ندى : ممكن تكون مغلوبه على أمرها
ملهاش مكان تعيش فيه..
باباها ومامتها متوفيين.
عندها اولاد خايفة عليهم من التفكك الأسرى
اللي هيحصل بعد الانفصال.
مازن : مفيش سبب يجبر حد إنه يعيش
في وضع هو مش حابه.
دا ضعف وقلة حيله.
ندى : طب من وجهة نظرك
الست تعمل ايه في وضع زي دا؟؟
مازن : ترفض الوضع دا
ندى : ازاي؟؟
مازن : اولا أي ست عارفه نفسها كويس وعارفه
ايه السبب اللي دفع جوزها ل ده.
هو مش مبرر بس ممكن يكون اتعرف على ست
قدرت تسد الشيء الناقص عند زوجته.
وأنا شايف ان مفيش حد كامل زي ما زوجته
فيها عيوب هو مش متقبلها هو عنده عيوب تانية
لكن الفرق إن الزوجة تقبلت دا وعايشة ومكمله.
ندى : في ستات بتكون عامله اللي عليها بس الراجل
عينه زايغه
هتعمله ايه.
مازن : اولا تكون عارفه العلاقة دي وصلت لحد فين
علشان تقدر وقتها تعالج المشكلة
يعني لو وصلت لعلاقة مش تمام
يبقى لازم تطمن على نفسها
لإن العلاقات المحرمه دي
عافانا الله.. بتكون لها عقوبة لفاعلها في الدنيا والآخره
والعقاب في الدنيا هو الإصابة ب أمراض خاصه ب العلاقات دي.
وعليها إنها متكملش مع واحد هيسيب ليها أذى جسدي بالشكل دا.. دا بعد ما تطمن يعني.
اما لو علاقات عابره كده
تحاول معاه ب اللين وتشوف وقتها ايه اللي هي مقصره
فيه
لإن وقتها هيبقى في فرصة إنها ترجعه ليها مرة تانية.
ندى : طب لو مش مقصره.
مازن : لو قادره تتحمل الوضع دا
يبقى تصبر عليه
وتدعيله إن ربنا يهديه.
وتكلمه بهدوء وتعرفه إن داين تدان.
ندى : طب لو مش قادرة تواجه
و متقدرش كمان تنهي العلاقة دي لإن عندها اولاد
وفي نفس الوقت مش قادرة تتحمل فكرة إن جوزها
بيخونها.
مازن : لا دي بقي حالتها صعبه اوي
وايه اللي يخليها مش قادرة تواجهه أنا بكره الشخصية
اللي من النوع دا اوي.
نظرت ليه وهي مدمعه.
مازن : ايه مالك؟؟
ندى : تصبح على خير.
مازن : انتي ليه بتحكيلي الحوار دا يا ندى؟؟
ندى : عادي يا بشمهندس ادينا بندردش.
مازن : تصبح على خير.
مازن : وأنت من أهل الخير.
______

تاني يوم في الصباح.. في منزل سيف الجديد.
داخلين من بوابة البيت
عبارة عن جنينه كبيرة وبركن للسيارة دا قدام
البيت الكبير اللي مكون من ٣ أدوار محاوطه شجر
و ورود.
اميرة : ما شاء الله
تعرف انا مجتش هنا من امتى؟؟
سيف ببتسامة : قوليلي ايه رأيك بقى؟؟
أميرة : انت زرعت الشجر دا امتي مكانش موجود.
سيف : في اللي زرعته بنفسي وفي شجر جيبته كده
زي ما انتي شايفه بس كان أصغر من كده شوية.
أميرة تشم رائحة الورود : ايه دا
سيف : هههههههه الورد البلدي ملوش ريحه يا أميرة
أميرة : بجد؟؟؟!
سيف : هههههههه انتي أول مرة تعرفي ولا ايه؟!
اميرة : ايه الدوشة دي؟