ماضي لا ينتهي

الحلقة ٦١

#ماضي_لا_ينتهي
#بوسي_مصطفى
____________
الحلقة ٦١

في فيلا مازن..
ندى : مازن القهوة اللي طلبتها.
مازن : ها..؟
ندى : ها ايه؟؟
انت كنت سرحان في ايه بقى قولي؟
مازن : موضوع كده.
ندى ببتسامة : يعني مش عايز تقولي؟
شكلك كنت بتفكر فيه
ههههههههههههه
بس مكسوف تقول.
مازن : لازم اسرح فيكي طبعاً..
مش مراتي حبيبتي.
ندى : انت لسه مصمم تشرب قهوة ومتتعشاش برضه؟!
مازن : أنام خفيف احسن.
ندى : طيب اشرب القهوة قبل ما تبرد.
مازن : هتنامي؟
ندى : تعبانه اوي ما صدقت حطيت دماغي على المخده
يزيد طول اليوم واقفه بيه مش عايز يسكت
كل ما انيمه في سريرة يقعد يصرخ.
مازن : ايه السبب؟؟
ندى : معرفش.. داده أخدته مني شوية
بس مسكتش معاها رجعت انا شيلته ووقفت بيه
اقعد شوية اريح وبعدين أقف تاني اتمشى بيه.
مازن : لازم دكتور يشوفه.
ندى : انا مصدقت ينام.. لو كرر اللي عمل دا بكره
هاخده للدكتور.
تصبح على خير يا حبيبي.
مازن : وانتي من اهل الخير يا حبيبتي.
_____________

في شقة خيري..
خيري : سبيهم براحتهم يا سامية.
سامية : ايوه يا خيري بس البنت تعبانه
وعدي مش هيقعد من الشغل وهي لازمها حد
ياخد باله منها..
خيري : وابنك قال لأ.
هو مبيرتحش غير في بيته.
امتى بقى هتعرفي إن كل واحد بقى ليه حياته الخاصه؟
سامية : هو انا اتعديت على حريته يا خيري
دا انا عايزة مصلحته.
خيري : يا حبيبتي انا عارف بس ولادك بيحبوا ياخدوا راحتهم في بيوتهم..
واديكي كنتي شايفه الشهور اللي قعدها هنا
كان مضايق ازاي.
سامية : ما انت قولتله خلاص براحتك.
بس برضه مش مطمنه.
خيري : مش قالك هيجيب داده ل الولد
اهي هتبقى ونس ل رهف وعدي في الشغل.
متشغليش نفسك بس بيهم.
هما يعرفوا يصرفوا أمورهم..
اطفي النور دا علشان ننام. عندي شغل الصبح بدري.
سامية : حاضر.
_______________

على السفرة.. في شقة راوية.
راوية : مبتاكلش ليه يا ابني؟
فادي : باكل اهو يا ماما.
راوية : فين اللي بتاكل ما الطبق قدامك اهو زي ما هو!
فادي : بصراحه مليش نفس.
راوية : الموضوع إياه برضه؟
فادي : خايف يكون حد متقدم لها علشان كده مكبره
دماغها
بس لو دا حصل الولاد هيعيشوا معايا.
راوية : انت مشكلتك في ايه دلوقت؟
بتحب ماجده وعايز ترجعها
ولا ولادك وحشينك وعايزهم في حضنك؟
فادي : الاتنين يا ماما.
راوية : اقولك الصراحة ومتزعلش؟
فادي : لا  يا ماما مش هزعل.
راوية : أنت اللي غلطان ضيعت من ايدك كل حاجه.
فادي : أنا مبقتش عارف انا عايز ايه
زعلان على يسرا؟
َولا مش هاين عليه العشرة ولا إنها أول حب في حياتي
ولا علشان بنت خالي وكده خلاص بقيت العلاقات
بينا متوترة حتى لو اضطرينا نتعامل عادي؟!
راوية : لا هي العلاقات متوترة من ساعة ابن خالك
واللي عمله مع اختك..
ناري مش قادرة تبرد من وقتها..
فادي : هي أميرة أخبارها ايه؟
راوية : كويسه انا مكلماها امبارح وكمان جوزها كلمني.
فادي : كلم حضرتك؟!
راوية : ايه مالك؟.. مش حماته!
فادي : ايوه يا ماما بس دا يبقى اسمه ايه دا؟!
وهو محرج عليها تجي عندنا.
راوية : لأ هو مقالهاش كده.. بس لو طلبت تيجي
هتجيني عادي..
هو ميقدرش يمنعها عننا اصلا.
فادي : معرفش ليه يا ماما مبينزليش من زور؟!
راوية : بصراحه يا فادي واللي انا بحسه يعني
إنه طيب وغلبان واللي متأكدة منه انه بيحب اخته
بس هو متهور شوية..
الظاهر الجيل بتاعكم كله كده.
فادي : انا مضغوط يا ماما
يسرا بتضغط عليه علشان عارفه إن بنتي
هي نقطة ضعفي.
وماجدة مش عايزة تلين وناخد العيال في حضننا
ونربيهم مع بعض.
بدل ما هي عايشة لوحدها كده..
راوية : هتلين بس انت اصبر عليها.
فادي : ان كان على الصبر انا ممكن اصبر يا ماما
بس احس منها إنها عايزة ترجع بجد
كرامتها
يعني واجعاها شوية ماشي لكن الرفض اللي
على طول
دا اللي مش فاهمه.
دي اول بس ما اجيب سيرة الموضوع دا
احسها كده زي ما يكون هتقتلني.
راوية : معلش ياابني اصبر برضه..
كله خير.. متقلقش.
____________________