ماضي لا ينتهي

الحلقة ٣٩

#ماضي_لا_ينتهي
#بوسي_مصطفى
_______________
     الحلقة ٣٩
في المساء في فيلا مازن
مازن : أنا كلمت الولاد وطلبت منهم محدش يتكلم
في الحوار اللي حصل ده.
ندى ساكته مردتش.
مازن : كمان مفيش خروج من البيت لوحدكو.

مردتش ندى.
مازن بغضب ::في ايه يا ندى
هو أنا بكلم نفسي؟؟
ندي : ما انا بسمعك.
مازن : اه وبعدين.
ندى : اللي تشوفه يا مازن
قرب وحاوطها بدراعاته.
نظرت ليه واتفاجأت من رد فعله.
مازن : ايه مالك؟؟
ندى : مفيش
مازن : لسه مش قادرة تصدقي اني بحبك بجد.
ندى : بعد كل ده بتقول كده.
مازن : علشان ولا مشكلة من اللي حصلت
كنت سبب فيها يا ندى.
باباكي عايز يوصل لهدف واحد
وانا مش هناوله اللي في باله.
مش هدمر بيتي مهما كان.
ندى : مازن قرارك دا هيبقى له عواقب كتيره.
مازن : مش مهم أهم حاجه إن البيت دا يفضل زي ما هو.
ندى : طب أنا خايفه عليك.
مازن : من ايه
حد متربص ليه هيقتلني مثلا
ندى : بعيد الشر.
مازن يضمها ليه : طب مش كفايه بقى خصام.
ندى : انا اخاصمك يا مازن؟؟
مش معقوله.
كل الحكاية اني مش قادرة احط عيني في عينك.
مازن يرفع رأسها علشان تبقى في مستوى نظره :
طب انتي مش قادرة اسمحيلي انا بقى
أملي عيني منك.
ندى ببتسامة وهي خجلانه من أفعال والدها :
على فكرة انت كده
بتحرجني اكتر
وبتخليني حاسه كمان بالذنب
من ناحيتك.
مازن : ليه يا حبيبتي وانتي ملكيش ذنب في كل دا.
بقولك ايه هو احنا هنفضل طول الليل نرغي كده؟؟
ندى : عارفه إن عندك شغل الصبح
خلاص تصبح على خير.
مازن : لا انتي فهمتي ايه
شغل ايه بس دلوقت
قربها منه و.....
_________

في شقة ماجده
ماجده : أخيراً نمت يا زياد
سيبني بقى اقعد في هدوء
قعدت على السرير بتلف عينها في الغرفه.
ماجده : طب الولاد ناموا مبنامش انا كمان ليه؟؟
اقلب في الفيس شوية يمكن النوم  يجي.
اخدت التليفون فتحت الفيس وبتقلب تشوف
بوستات أصحابها
تعمل لاف ل دي وتكتب كومنت هنا.
وبعدها لمحت بوست ل فادي
لسه عندها في الأصدقاء
ماجده : معقول معملتش ليه بلوك.
قلبي مش مطاوعني.
قعدت تقلب في صفحته كلها بوستات قديمة وهما
متجوزين
لمحت بوست ليه كان ناشر صورته
وعليها كومنتس كتير من بينهم
كومنت ل يسرا.
الفضول اخدها إنها تدخل اكونت يسرا.
تلاقي بوستات كتير
يسرا ناشره صور ليها هي وبنتها وفادي وهما قدام البحر
في منتهى السعادة
صورة بتاريخ امبارح بس
وكومنتس كتير من أصحابه
(قمر يا سوسو)♥️
كومنت تاني:  (مبروك يا سوسو إن الغمه دي اتازحت عنكم)
كومنت تالت : (مبروك يا يسر فرحتلك اوي)
كومنت رابع : (ايوه يا عم بقى سافرنا نحتفل 😍 مبروك يا سوسو)
كومنت خامس : (عايزين نتقابل بقى علشان نحتفل جايه امتى)
يسرا ترد على كل كومنت
يسرا : جايين بكره.. نتقابل بقى في المكان بتاعنا 💓
وهما يردوا عليها.
بكلام كتير كان في تفاصيل لحياتها في الفترة الأخيرة
و اصحابها منسيوش يقطعوا في فروة اللي كانت ضرة صاحبتهم
(ماجده طبعاً)
يسرا : هكلمكم خاص يا بنات
(طبعاً مش عارفه تتكلم على العام).
ماجده اضايقت وخرجت من الاكونت بتاعها
وقفلت الفيس والتليفون.
ووضعت دماغها علشان تنام.
ماجده : ايه اللي أنا عملته دا
وليه ادخل الاكونت بتاعها اصلا
ارتحتي كده يا ماجده
من اللي قرتيه.. جبتيه لنفسك
اتخمدي بقى ونامي
تتقلب ماجده مش عارفه تنام
ماجده : بس فادي بيحبني
ايوه هو كان متمسك بيه بس انا اللي كنت عنيده اوي.
ماجده متضحكيش على نفسك
لو كان بيحبك كان خاف على مشاعرك.
انسى بقى الحب اللي مجلكيش من وراه غير وجع القلب دا
خدي بالك من ولادك هما دول اللي هينفعوكي
فادي بيقضي شهر العسل
لا بيفكر في ماجده ولا في ولادها
ايوه انا مش هفكر في الماضي خلاص.
وهعيش بقى لنفسي ول ولادي
ولازم انسى فادي دا خالص.
_____________
في شقة خيري
خيري : تعالي احضرينا يا سامية
سامية : خير يا جماعه في ايه يا ليلى؟؟
ليلى : مفيش يا ماما الموضوع بسيط مش مستاهل كل ده
خيري : ليلى عايزة ترجع العربية
بتقول ملهاش لازمها.
ليلى : يا بابا انا استقلت خلاص من الجورنال وقاعدة
في البيت
اهو
هعمل ايه بقى بالعربية
سامية : هو انتي يعني يا ليلى
كنت عايزاها للجورنال بس
خليها معاكي يا حبيبتي
وان كان الأقساط بابا يسددهم عادي.
ليلى : ماما الحكاية مش كده خالص انا مش محتاجه
العربية في حاجه
ممكن بابا يرجعها المعرض وانا مش عايزة الاقساط
اللي انا دفعتهم.
خيري : ازاي بس يا بنتي
طب قوليلي هو سليم باع العربية بتاعته.
ليلى ب ارتباك : ها..
نظر خيري ل سامية.
سامية : سليم باع العربية كمان؟؟!
ليلى : احتاج فلوسها وباعها
ومش هو دا السبب يا ماما
انا فعلاً مبقتش محتاجه العربية.
خيري : خلاص يا ليلى براحتك
بس العربية انا هاخدها
ووقت ما تحتاجيها في اي وقت
تعالي بس خدي المفتاح من ماما
ليلى : متشكره اوي يا بابا
بعد اذنكوا هنزل بقى علشان أنام
سامية : طيب يا بنتي تصبحي على خير
ليلى : وحضرتك وبابا من اهل الخير
وفتحت ليلى باب الشقة ونزلت.
سامية : ايه يا خيري بتفكر في ايه؟؟
خيري : ما اخدتيش بالك إن ليلى عايزة ترجع العربية
علشان متضايقش جوزها.
سامية : حساسه بنتي دي اوي
خيري : انا فرحان وزعلان في نفس الوقت.
سامية : مش لوحدك
بس لو فكرت في الموضوع
هتلاقي إن المحن دي بتبين معدن الإنسان
وسليم طلع راجل وابن أصول وبنتك كمان
عدي يقعد ويمد ايده ياخد قطعة كيك وبمزح
عدي : ايه ليلى طلعت راجل هي كمان
ههههههههههههه
سامية : مش هتبطل هزارك السخيف ده
خيري : عيب تقول على اختك كده
سامية : بيهزر يا خيري
بس هزاره وحش.
عدي : طب اهزر حلو بقى
سامية : هههههههه لا يا حبيبي
انا مش حمل هزارك شوف لو قربت هضربك
عدي : ليه بس يا ست الكل
اهون عليكي برضو
سامية : هي رهف نامت
عدي : يااااه في سابع نومه.
سامية : علشان كده جاي ترخم عليه انا وباباك
خيري : باباه داخل ينام
سامية : استنى يا خيري جايه معاك.
عدي : ايه دا وانا هقعد لوحدي
سامية : ليه م ترخم على رهف وتصحيها تسهر معاك
عدي : انا ماصدقت انها نامت
من الصداع اللي كان عندها
سامية : طب يا ابني ادخل نام انت كمان
عندك شغل الصبح
عدي : الظاهر كده مفيش حل غير النوم
تصبحي على خير يا ماما
سامية : وانت من اهل الخير يا ابني.
_______